圣摧破金刚陀罗尼广注·宝明(Toh 2680)

出处与说明

德格《丹珠尔》thu 函,Toh 2680,176a.6–186b.1。

原文 ↗

藏文据固定版本 Esukhia 德格数字转录。AI 辅助中译及分段对读。

咒文的拉丁转写据本段藏字校读,中文为音译。

据本段德格藏字音写转读。

༄༅༅། །རྒྱ་གར་སྐད་དུ། ཨཱརྱ་བཛྲ་བི་དཱ་ར་ཎ་ནཱ་མ་དྷཱ་ར་ཎཱི་ཊཱི་ཀཱ་རཏྣ་བྷ་སྭ་ར་ནཱ་མ། བོད་སྐད་དུ། འཕགས་པ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་རྒྱ་ཆེར་འགྲེལ་པ་རིན་པོ་ཆེ་གསལ་བ་ཞེས་བྱ་བ། རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །འཕགས་པ་འཇམ་དཔལ་གསུང་གི་དབང་ཕྱུག་ལ་ཕྱག་འཚལ་ལོ། །

印度语题为《Ārya-vajravidāraṇa-nāma-dhāraṇī-ṭīkā-ratnabhāsvara-nāma》。藏语题名为《名为宝明的圣摧破金刚陀罗尼广注》。顶礼摧破金刚!顶礼圣文殊语自在!

དོན་དམ་དབྱིངས་ཉིད་མཉམ་མེད་ཆོས་སྐུ་མཆོག་ཏུ་གསང་བའི་བདག །སངས་རྒྱས་བྱང་ཆུབ་སེམས་དཔའ་ལ་སོགས་བསྐྱེད་མཛད་རྡོ་རྗེའི་སྐུ། །སྣ་ཚོགས་དོན་རྣམས་འབྱོར་པ་སྐུ་གསུམ་ཡེ་ཤེས་བདག་གྱུར་པའི། །འཇམ་དཔལ་གསུང་གི་དབང་ཕྱུག་ལ་ནི་སྤྱི་བོས་རབ་ཏུ་འདུད། །རྡོ་རྗེས་ཐམས་ཅད་འཇོམས་མཛད་ཅིང་། །ཁྱད་པར་གདུག་པ་ཀུན་འདུལ་ཕྱིར། །རྡོ་རྗེའི་སྐུར་གནས་རྣམ་འཇོམས་དང་། །བླ་མ་གཞོན་ནུའི་སྡེ་ལ་བསྟོད། །སངས་རྒྱས་ཀུན་གྱིས་གསུངས་པ་ཡི། །དོན་གྲུབ་རྡོ་རྗེ་རྣམ་འཇོམས་ནི། །བླ་མ་ལྷས་ནི་བྱིན་བརླབས་ནས། །འཇམ་དཔལ་གོ་ཆས་གསོལ་བཏབ་བཤད། །

胜义法界自身、无等法身、最胜秘密之主,出生诸佛菩萨等的金刚身,具足种种义利,以三身智慧为体:我以头顶至诚敬礼文殊语自在。为能以金刚摧破一切、尤其调伏一切凶恶者,摧破尊住于金刚身。我赞叹他与上师童子军。诸佛所说、能成办诸义的摧破金刚,蒙上师与本尊加持,应文殊铠之请而解说。

སངས་རྒྱས་མཆོག་གིས་ཆོས་གསུངས་པ། །མདོ་སྡེ་མངོན་པ་འདུལ་བ་དང་། །རིག་པ་འཛིན་པའི་སྡེ་བཞིར་གནས། །དེ་ཡང་བཞི་སྟེ་བྱ་བའི་རྒྱུད། །སྤྱི་དང་བྱེ་བྲག་དེ་ལ་གཉིས། །རྟོག་པ་བདག་ནི་ལས་སུ་བཤད། །རིགས་གསུམ་ཕྱེ་ལ་རྡོ་རྗེ་སྟེ། །མི་བསྐྱོད་ཕྱག་རྡོར་བདུད་རྩི་དང་། །མཱ་མ་ཀཱི་དང་ལུ་གུ་རྒྱུད། །དེ་དག་དོན་སྟོན་རྡོ་རྗེ་ནི། །རྣམ་པར་འཇོམས་གཟུངས་གསུངས་པ་ནི། །ལོག་པའི་སྙིང་པོ་གདུལ་ཕྱིར་དང་། །མ་འོངས་པ་ལ་ཕན་ཕྱིར་གསུངས། །

最胜佛所说的法,住于经、对法、律、持明四部。后者又有四,其中事续有通、别,复分为二;分别仪则,我在事业中解说。 三部中此属金刚部,内有不动、金刚手、甘露、摩摩枳与连锁等。显示其义的《摧破金刚陀罗尼》,是为调伏邪心王并利益未来众生而说。

འདི་ནི་རྩ་བའི་རྒྱུད་ཆེན་ཏེ། །རྡོ་རྗེ་ལྷུན་པོའི་རི་རབ་ཟོམ། །རྒྱུད་དོ་ཅོག་ནི་བརྒྱ་རྩ་བརྒྱད། །དེ་ཡི་དང་པོར་འདི་གསུངས་པས། །རྩ་བའི་བཤད་པར་རབ་ཏུ་གྲགས། རྒྱུད་ཆེན་དེ་ཡི་དོན་རྣམས་ཀུན། །མདོར་བསྡུས་ཟབ་མོར་སྟོན་པས་ན། །མདོ་སྡེར་བདེ་བར་གཤེགས་པས་གསུངས། །དེ་ཡི་དོན་རྣམས་མདོར་བསྡུ་ན། །སྔོན་བྱུང་སངས་རྒྱས་འཕྲུལ་པ་དང་། །རྗེས་འཇུག་མངོན་རྟོགས་མན་ངག་གོ། །

这是大根本续《金刚须弥山顶》;诸续合计一百零八,本法说在最初,故以「根本之释」著称。一切大续之义在此简略而深刻地显示,故善逝将它说为经。总摄其义,有往昔所现的佛之神变,以及后学现观的口诀。

དང་པོ་ལ་ནི་རྣམ་བཞི་སྟེ། །རྒྱུ་དང་རྐྱེན་དང་འབྲས་བུ་དང་། །དེ་ཡི་མཇུག་ནི་བསྡུ་བར་འདོད། །དང་པོ་ལྔ་ཡིན་གཉིས་པ་ལ། །གཉིས་ཏེ་དེ་དག་གཉིས་གཉིས་གསུངས། །གསུམ་པ་གསུམ་སྟེ་དང་པོ་ལ། །གཉིས་གཉིས་དག་ཏུ་ཤེས་པར་བྱ། །བཞི་པ་གཉིས་བསྡུས་དང་པོ་གཉིས། །གཉིས་པ་བཞི་རུ་ཤེས་པར་བྱ། །དང་པོ་གཉིས་པ་མན་ངག་བཞིན། །དབང་པོ་རབ་འབྲིང་ཐ་མ་ལ། །བཤད་པ་རྣམ་པ་གསུམ་བྱའོ། །དགོས་པ་རྣམ་པ་གཉིས་སུ་བསྟན། །ཚིག་དོན་བརྒལ་ལན་མཚམས་སྦྱར་བ། །རྣམ་པ་ལྔར་ནི་འདིར་ཤེས་བྱ། །

前者分四:因、缘、果,以及最后的归结。第一又有五;第二有二,各再说二;第三有三,第一应知各分为二;第四摄为二,其初有二,其次有四。初与第二依口诀,对上中下根作三种解说。所为有二。文辞、意义、问难、答复与前后衔接,在此应知有此五方面。

དེ་ལ་ལྷ་དང་སྔགས་དབྱེར་མེད་པས་རིག་པ་འཛིན་པའི་སྡེ་སྣོད་དེ། དེ་ཡང་རིག་པ་འཛིན་པའི་སྡེ་སྣོད་གསལ་བའོ་ཞེས་གསུངས་པ་དང་། སྔགས་ཉིད་ལྷ་སྟེ་དེ་ཉིད་སྔགས། །ཞེས་གསུངས་སོ། །དེ་ལྟ་བུ་དེ་ལ་མདོ་སྡེར་ཡང་གྲགས་ཏེ། །དོན་ཉིད་མདོར་སྟོན་མདོ་སྡེ་ཞེས་པ་དང་། །གསང་སྔགས་མདོ་སྡེའི་ཚུལ་དུ་ངས་བཤད་ཉོན། །ཞེས་གསུངས་སོ། །དེ་བཤད་པར་བྱ་བ་ནི་ལྔ་སྟེ། བརྗོད་པར་བྱ་བ་ནི་སྟོང་པ་ཉིད་ཀྱི་དོན་རྡོ་རྗེ་རྣམ་པར་འཇོམས་པའི་ཐབས་དང་བཅས་པའོ། །རྗོད་པར་བྱེད་པ་ནི་གཞུང་གི་ཚོགས་སོ། །དེའི་དགོས་པ་ནི་རྒྱལ་པོ་ལོག་པའི་སྙིང་པོ་དང་། །གདོན་མ་རུངས་པ་འདུལ་བ་དང་། མ་འོངས་པའི་སྐྱེ་བོ་བྱང་ཆུབ་ལ་གནས་པར་བྱའོ། །དགོས་པའི་ཡང་དགོས་པ་ནི་དེ་དག་ཀྱང་དངོས་གྲུབ་རྣམ་པ་གཉིས་ཐོབ་པར་བྱེད་པའོ། །འབྲེལ་བ་ནི་བརྗོད་བྱ་རྗོད་བྱེད་དག་ཐབས་དང་ཐབས་ལས་བྱུང་བ་སྟེ། དེ་ཡང་། ཐབས་དང་ཐབས་བྱུང་ཇི་ལྟ་བུ། །ཞེས་གསུངས་སོ། །

因本尊与咒不可分,此属持明藏。如说「开显持明藏」,又说「咒即本尊,彼即是咒」。这样的教法也称作经,如说「略示其义名为经」,又说「我以经的方式说密咒,谛听」。解说有五:所诠是空性之义,以及摧破金刚的方便;能诠是全篇文字;所为是调伏邪心王及凶恶的附魅,使未来之人安住菩提;所为之究竟所为,是使他们获得两种悉地;联系,则在能诠、所诠的方便及从方便而生者之间。经中也说「方便与方便所生如何」。

ད་ནི་རྒྱུད་ཀྱི་དོན་ཉིད་བཤད་པར་བྱ་སྟེ། དེ་ཡང་ཤེས་རབ་དང་ལྡན་པ་ལ་མཚན་ཉིད་བསྟན་པས་གོ་ལ། དེ་ཡང་ཕན་པའི་ཕྱིར་མཇུག་ནས་དྲང་བར་བྱ་སྟེ། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཞེས་སྨོས་ཏེ། དེ་ལ་རྡོ་རྗེ་ནི་མི་ཕྱེད་ཅིང་མི་ཤིགས་པའི་ཕྱིར་ན་རྡོ་རྗེ་སྟེ། སྟོང་པ་ཉིད་ཀྱི་ཡེ་ཤེས་སོ། །དེ་ཉིད་ལྷ་དང་གཟུངས་ལ་གདགས་པར་བྱ་སྟེ། དེ་ཡང་རྡོ་རྗེ་ཞེས་བརྗོད་པས། རྣམ་པ་ཀུན་མཆོག་ལྡན་པ་ཡི། །སྟོང་པ་ཉིད་ལ་རྡོ་རྗེར་བརྗོད། ཅེས་པ་དང་། ལྷ་དང་སྔགས་ནི་རྡོ་རྗེར་འདུས། ཞེས་གསུངས་སོ། །དེས་ནི་བདག་གི་དོན་གྲུབ་པར་བྱེད་པ་སྟེ་འོག་ནས་སྟོན་ཏོ། །

今解续义。具慧者一经指示其相便能理解,为利益他们,从末尾先拈出「名为摧破金刚的陀罗尼」。金刚不可分割、不可毁坏,故名金刚,是空性智。这一名称也安立于本尊及陀罗尼。如说「以金刚一词,称具一切最胜相的空性为金刚」,又说「本尊与咒,摄于金刚」。由此成办自利,下文将说明。

རྣམ་པ་ནི་དངོས་པོ་མ་ལུས་པ་སྟེ། དེ་ཡང་འབྱུང་པོ་ལ་སོགས་པ་དང་། རྣམ་པར་རྟོག་པའོ། །དེ་དག་སྔགས་དང་རྡོ་རྗེའི་ཚིག་{བླ་དགས་,བླ་དྭགས་}ཀྱི་གཉིས་སུ་མེད་པའི་ཡེ་ཤེས་ཀྱིས་འཇོམས་པ་ནི་མེད་ཅིང་བརླག་པར་མཛད་པའོ། །དེ་ཡང་། འཇོམས་ཕྱིར་ཡེ་ཤེས་བརྗོད་པ་ཡིན། །ཞེས་སོ། །དེས་ནི་གཞན་དོན་འགྲུབ་པར་བྱེད་པ་ཡིན་ཏེ། དེ་ཡང་འཆད་པར་འགྱུར་རོ། །ཡང་རྡོ་རྗེ་རྣམ་པར་འཛིན་པ་ཞེས་བྱ་སྟེ། དོན་དང་རྣམ་པའི་སྒོ་ནས་བརྗོད་དོ། །གཉིས་ཀའི་དོན་སྒྲུབ་པ་ནི་གཟུངས་ཏེ་དེ་ཡང་ཉམས་པ་ལས་འཛིན་ཅིང་མི་བརྗེད་ལ་དོན་ཐམས་ཅད་འགྲུབ་པས་ནའོ། །

「一切相」是无余万事,即鬼类等及分别。以咒与金刚语所指的无二智「摧破」它们,即使之消失、毁坏。如云「为摧破故说智慧」。由此成办他利,下文还会解释。也称作「金刚遍持」,是从意义与形相两门来说。能成办自他二利,就是「陀罗尼」;它能摄持使不退失,使不忘失,并能成办一切义利。

དེ་ཡང་གཉིས་ཏེ། དོན་ནི་བརྗོད་པར་བྱ་བས་འབྱུང་པོ་དང་འཁོར་བ་ལས་སྐྱོབ་ལ། ཚིག་གིས་ཀྱང་དེ་དག་འབྱུང་བའོ། །དེ་ཡང་། ཉམས་པ་ལས་ནི་སྐྱོབ་པས་གཟུངས། །དེ་ཡང་དོན་དང་ཚིག་ཏུ་འདུས། །ཞེས་གསུངས་སོ་ཞེས་བྱ་བ་ནི་མིང་སྟེ་འདི་ཞེས་པའོ། །འདི་དག་གིས་ནི་གཞུང་གི་དོན་མ་ལུས་པ་སྟོན་པར་བྱེད་པས། གསུངས་པ་དང་མི་འགལ་བ་ཡིན་ནོ། །མ་འོངས་པ་དག་གིས་ནི་རྡོ་རྗེ་རྣམ་པར་འཇོམས་པ་ནན་ཏན་དུ་བྱས་པས་བདག་དང་གཞན་གྱི་དོན་རྫོགས་པར་བྱེད་དོ་ཞེས་ཤེས་པར་བྱའོ། །

此又有义与词两方面。义是由所诠救护,使脱离鬼类与轮回;词也能生起这些作用。如说「从退失中救护,故名陀罗尼;又摄于义与词。」所谓「名为」就是标出「此」的名称。以上诸义能显示全文之义而无遗漏,故与所说无违。应知未来之人勤修摧破金刚,便能圆满自他二利。

དེ་ལྟར་མཚན་བརྗོད་ནས། ད་ནི་རྡོ་རྗེའི་མདོའི་དོན་བསྟན་པར་བྱ་བ་ནི་འདི་སྐད་ཅེས་བྱ་བ་ལ་སོགས་པ་གསུངས་ཏེ། དེ་ཡང་སྔོན་གྱི་དབང་དུ་བྱས་ནས་རྡོ་རྗེའི་མདོ་འབྱུང་བའི་རྒྱུ་ཡིན་ལ། མ་འོངས་པ་ལ་ནི་འབྲས་བུར་ཡང་འགྱུར་རོ། །དེ་ཡང་མ་ཚང་བ་མེད་པའི་ཕུན་སུམ་ཚོགས་པ་ལྔར་འགྱུར་ཏེ། དེ་ལ་འདི་སྐད་བདག་གིས་ཐོས་པ་ཞེས་བྱ་བས་སྡུད་པ་པོ་བསྟན་ཏེ། སྔོན་མཐོང་ཞིང་རྗེས་སུ་གནང་བའི་བཀའ་ཡིན་པས་འགལ་བ་མེད་དོ། །དེ་ལ་ཇི་ལྟར་ཐོས་ཤེ་ན། དེ་ལ་འདི་སྐད་ཐོས་ཞེས་པ་ནི་གཞུང་འདིའི་དོན་དང་ཚིག་མ་ལུས་པ་ལ་འཇུག་པར་བྱེད་དེ་ཉེ་བར་མངོན་སུམ་དང་མ་བཅོས་པ་སྟེ། སྒྲོ་སྐུར་དང་བྲལ་བའོ། །སུས་ཐོས་ཞེས་པ་ནི་བདག་གིས་ཐོས་པ་ནི་སྡུད་པ་པོ་ཡང་ཕྱག་ན་རྡོ་རྗེ་ཉིད་ཀྱིས་མཛད་པ་སྟེ། བདག་གསང་བ་ཐམས་ཅད་འཛིན་པའི་ཕྱག་ན་རྡོ་རྗེས་བཅོམ་ལྡན་འདས་ལ་རྣ་བས་མངོན་སུམ་དུ་སྒྲ་དོན་གྱི་རྣམ་པར་ཐོས་ཏེ། བརྒྱུད་པ་མ་ཡིན་པའོ། །

如是说名后,现为显示金刚经义,说「如是」等语。就往昔而言,这是金刚经生起之因;就未来而言,也将成为果。此中五圆满无一或缺。「如是我闻」显示结集者,他往昔亲见,又得准许传此教言,故无违。若问如何听闻,「如是闻」通及本篇无余文义,是切近现见,未加造作,远离增益与损减。若问谁听,「我闻」显示结集者即金刚手。其意为:我,执持一切秘密的金刚手,从世尊前亲以耳根听到声与义的形相,并非辗转而闻。

ད་ནི་དུས་ཕུན་སུམ་ཚོགས་པ་སྟོན་ཏེ། དེ་ཡང་དུས་ཇི་ཙམ་ན་ཐོས་ཤེ་ན། དུས་གཅིག་ན་ཐོས་ཏེ་མི་འདའ་བས་དུས་དེ་ཀུན་ཚོགས་པའོ། །དེས་ནི་དཀོན་པར་བསྟན་པའོ། །ཡང་ན་དུས་ནི་སྐད་ཅིག་མ་སྟེ། ཤེས་རབ་ཆེ་བར་སྟོན་ཏོ། །གང་ལས་ཐོས་ཤེ་ན། བཅོམ་ལྡན་འདས་ལས་ཐོས་ཏེ་ཞེས་གསུངས་ཏེ། དེས་ནི་སྟོན་པ་ཕུན་སུམ་ཚོགས་པ་ནི་བདེ་བར་གཤེགས་པ་ལ་སོགས་པའི་ཡོན་ཏན་དཔག་ཏུ་མེད་པ་དང་ལྡན་པའི་བཅོམ་ལྡན་འདས་ཤཱཀྱ་ཐུབ་པ་བདུད་བཞི་བཅོམ་ཞིང་། ཡོན་ཏན་དྲུག་དང་ལྡན་པའི་སྟོན་པ་མཆོག་ཏུ་གྱུར་པ་ལས་ཐོས་པར་སྟོན་ཏོ། །འོ་ན་འདི་ནི་བཅོམ་ལྡན་འདས་ཀྱིས་མ་གསུངས་ལ་རྡོ་རྗེ་རྣམ་པར་འཇོམས་པས་སྨྲས་པ་ན་བཅོམ་ལྡན་འདས་ལས་ཐོས་པ་ཞེས་པ་འདི་ཇི་ལྟར་རུང་ཞེ་ན། འདི་ནི་བཅོམ་ལྡན་འདས་ཉིད་ཀྱིས་གསུངས་པ་ཡིན་ཏེ། ཁྲོ་བོ་གཉིས་པ་ཉིད་དེ་ཉིད་ཀྱི་ངོ་བོ་ཡིན་པ་དང་། དེ་ལ་དེའི་ནུས་པ་ཞུགས་པ་ཡིན་པས་འགལ་བ་མེད་དེ་མདོ་གཞན་བཞིན་ནོ། །

现在显示时间圆满。何时听闻?于一时而闻,未曾错过,彼时众缘俱全,从而显示难遇。或说一时就是一刹那,显示智慧广大。从谁听闻?说「从世尊而闻」,显示导师圆满:从具善逝等无量功德、降伏四魔、具足六德的无上导师世尊释迦牟尼而闻。若问:既是摧破金刚宣说,并非世尊亲说,如何能说从世尊而闻?答:正是世尊所说。第二位忿怒尊正是他的体性,且他的能力已经入于其中,故无违,如其他经中所见。

གང་དུ་ཐོས་ཤེ་ན། གནས་ཕུན་སུམ་ཚོགས་པ་ནི་རྡོ་རྗེ་ལ་བཞུགས་པ་ལས་ཐོས་པ་སྟེ། དེ་ཡང་དོན་ནི་གཉིས་སུ་མེད་པའི་ཡེ་ཤེས་ཡིན་ལ། རྣམ་པ་ནི་རྡོ་རྗེ་རིན་པོ་ཆེའི་གནས་རི་རབ་ཀྱི་བྱང་ཤར་ནས་རྡོ་རྗེ་ལྷུན་པོ་རི་རབ་ཀྱི་ཟོམ་ཞེས་བྱ་བའི་ས་ཕྱོགས་ལ་སོགས་པའི་རྡོ་རྗེར་གཏམས་པར་ཐོས་པའོ། །རྡོ་རྗེ་གདན་ནི་མ་ཡིན་ཏེ་རྡོ་རྗེ་གདན་དུ་སྔགས་གསུངས་པ་ནི་མེད་དེ། དེ་ཡང་བསམ་གྱིས་མི་ཁྱབ་པའི་མདོ་ལས། ཤཱ་རིའི་བུ་དེ་བཞིན་གཤེགས་པ་ཐམས་ཅད་ནི་དང་པོ་རྡོ་རྗེ་གདན་ལ་མངོན་པར་རྫོགས་པར་སངས་རྒྱས་པ་ཡིན་ཡང་དེར་ཆོས་གསུངས་པར་ནི་མི་འགྱུར་རོ། །དེ་ཅིའི་ཕྱིར་ཞེ་ན། དེར་ནི་བདུད་འདུལ་བ་ལས་སེམས་ཅན་གཞན་འདུལ་བའི་དོན་དུ་ནི་མ་ཡིན་ཏེ། རྡོ་རྗེ་སྙིང་པོ་དེ་ད་ལྟའི་སེམས་ཅན་རྣམས་ཀྱིས་མ་རྟོགས་པའི་ཕྱིར་རོ། །ཞེས་གསུངས་པའི་ལུང་དང་འགལ་བའི་ཕྱིར་རོ། །དེར་བཞུགས་པ་ནི་གནས་ཤིང་བརྟེན་པར་སྟོན་ཏེ་མཛད་པ་རྣམ་པ་གསུམ་གྱིས་རྡོ་རྗེའི་སྐྱིལ་ཀྲུང་དུ་རྡོ་རྗེ་དང་སེང་གེའི་གདན་ལ་བཞུགས་སོ། །དེ་ནི་བཞི་པའི་དོན་ལས་གསུམ་པ་སྟེ་ཆོས་སྟོན་པའི་དོན་དུའོ། །

在何处闻?处所圆满,是从住于金刚者听闻。就义说,是无二智;就形相说,是在宝金刚之处、须弥山东北名为金刚须弥山顶的地方等遍满金刚之地听闻。不是指金刚座,因为在金刚座上没有说密咒。《不可思议经》说:「舍利子,一切如来最初都是在金刚座上现证正等觉,然而不在那里说法。何故?那里专调伏魔,并非为了调伏其他众生,因为现在的众生不能通达那金刚心。」若指金刚座,就同这段教证相违。「住在那里」显示安住、有依,身作三种威仪,以金刚跏趺坐于金刚狮子座。这是第四义中的第三项,为了说法。

འཁོར་གང་དང་ལྷན་ཅིག་ཏུ་ཐོས་ཤེ་ན། ཕྱག་ན་རྡོ་རྗེ་ཞེས་པ་ཐོག་མར་དྲངས་ནས་བསྟེན་ཏོ། །དེ་ཡང་མ་སྨོས་ཀྱང་རྒྱལ་པོ་ལྟ་བུ་སྟེ་དེའི་དུས་ན་འཁོར་ཕྱག་ན་རྡོ་རྗེ་ལ་སོགས་པའི་རྡོ་རྗེ་མིང་ཅན་དུ་གྲགས་པའི་བྱང་ཆུབ་སེམས་དཔའ་དཔག་ཏུ་མེད་པ་དང་། ཤཱ་རིའི་བུ་ལ་སོགས་པ་ཉན་ཐོས་དཔག་ཏུ་མེད་པ་དང་། འོད་སྲུངས་ལ་སོགས་པའི་དགྲ་བཅོམ་པ་དང་། གཞན་ཡང་ལྷ་ལ་སོགས་པ་གྲངས་མེད་པ་དང་། ལྷན་ཅིག་ཏུ་ཐོས་པར་སྟོན་ཏེ། རྡོ་རྗེ་ལྷུན་པོ་རི་རབ་ཀྱི་ཟོམ་གྱི་མདོ་བཞིན་ནོ། །དེ་དག་གིས་ནི་རྡོ་རྗེའི་མདོ་འདི་རྒྱུད་དང་མདོ་གཞན་ལས་ཁྱད་པར་དུ་འཕགས་པར་བསྟན་ཏོ། །འདིས་ནི་འདི་སྐད་བསྟན་པར་འགྱུར་ཏེ། མ་འོངས་པའི་གང་ཟག་དག་རིག་སྔགས་ཀྱི་སྒོའི་སྤྱོད་པ་སྤྱད་པར་འདོད་པ་དབང་དང་དམ་ཚིག་ཐོབ་ཅིང་ཡོན་ཏན་དང་ལྡན་པས་འཁོར་བཟང་པོ་དང་ལྷན་ཅིག་ཏུ་གནས་ལེགས་པར་དུས་བཟང་པོ་ལ་གནས་ཏེ། ཡོ་བྱད་དང་ལྡན་པས་མཎྜལ་བྱས་ལ་འོག་ནས་འབྱུང་བའི་བུམ་པ་བཅས་པ་སྟེ་བསྒྲུབ་པར་བྱའོ་ཞེས་པའོ། །དེ་ཡང་། སྔགས་པས་གནས་བཟང་གནས་ཏེ་དུས་དང་ལྡན། །འཁོར་དང་འབྱོར་པ་རྟེན་དང་ལྡན་པས་བསྒྲུབ། །ཅེས་གསུངས་སོ། །

同哪些眷属一道听闻?首先举出「金刚手」以表明。其余虽未说,如王必有随从,当时有金刚手等无量以金刚为名的菩萨、舍利子等无量声闻、迦叶等阿罗汉,以及无数天人等,同在一处听闻,如《金刚须弥山顶经》所说。这些显示此金刚经特别超胜其他续经。又显示未来之人若欲从明咒门修行,已得灌顶、三昧耶并具功德,应同善妙眷属于吉时住在佳处,备齐资具,建立曼荼罗,备办下文所说的宝瓶而修。如说:「持咒者于善处住,值其时;具眷属、资具与所依而修。」

དེ་ལྟར་རྡོ་རྗེའི་མདོ་ལས་འབྱུང་བའི་རྒྱུ་བཤད་ནས། ད་ནི་དེའི་རྐྱེན་གླེང་བསླང་པ་བསྟན་པ་ནི་དེ་ནས་སངས་རྒྱས་ཀྱིས་མཐུས་ཞེས་བྱ་བ་ལ་སོགས་པ་གསུངས་ཏེ། དེས་ནི་འཁོར་གྱི་གཙོ་བོ་ཏིང་ངེ་འཛིན་ལ་གནས་པའི་(གླིང་,གླེང་)བསླང་གི་རྒྱུ་རུ་གྱུར་པའོ། །དེ་ཡང་དུས་དེར་བཅོམ་ལྡན་འདས་ཀྱིས་འཁོར་རྣམས་ལ་ཆོས་གསུངས་པ་ནི་ཐོག་མར་དགེ་བ་ལ་སོགས་པ་སྟེ། འཛམ་བུའི་གླིང་ན་རྒྱལ་པོ་གཟུགས་ཅན་སྙིང་པོའི་བུ་མ་སྐྱེས་དགྲ་ཞེས་ཀྱང་གྲགས། ལོག་པའི་སྙིང་པོ་སྐྱེས་ཙམ་ན་རྐང་པ་ལ་ལྕགས་ཀྱི་སྡིག་པའི་གཟུགས་ཅན་དེས་ཁ་ནས་མཱ་ར་ཡ་འདོན་ཅིང་མ་དང་ཕ་བསད་དེ་འཁོར་མི་དགེ་བ་བཅུ་ལ་བཙུད་པས་མི་མ་ཡིན་པ་ཐམས་ཅད་འཁྲུགས་པས་ནད་ལ་སོགས་པ་སྣ་ཚོགས་བྱུང་ངོ་། དེས་སེམས་ཅན་ཐམས་ཅད་སྡུག་བསྔལ་ནས་སྐྱབས་སོ་སོ་ལས་འདོང་ཞིང་སྨྲའོ། །དེ་རྒྱལ་པོ་བཞིས་གཟིགས་ནས་བཅོམ་ལྡན་འདས་ལ་བསྐྱབས་པས་ཅང་མི་གསུང་བར་ཕྱག་ན་རྡོ་རྗེ་ལ་བསྐུལ་ཏེ་རྡོ་རྗེ་གསོར་ཞིང་ཁས་བླངས་ཏེ་རྡོ་རྗེ་རྣམ་པར་འཇོམས་པ་འཁོར་གྲངས་མེད་པ་བཅས་ཏེ། དེས་སྔགས་གསུངས་པས་འབྱུང་པོ་དང་ལོག་པའི་སྙིང་པོ་བཏུལ་ཏེ་འདི་ལ་ཞུགས་པས་བྱང་ཆུབ་ཐོབ་པར་མདོ་ནས་བཤད་དོ། །དེ་ཡང་བྲམ་ཟེ་ནི་མ་ཡིན་ནོ། །

如是解说金刚经生起的因。现为显示它的缘、发起此事,说「随后,以佛之力」等。会众中为首者安住三摩地,成为发起此事的因。当时世尊向眷属说初善等法。赡部洲有名为未生怨者,传为影坚王之子。邪心才生,足上已有铁蝎之形;他口出 〔梵文 māraya · 藏文 མཱ་ར་ཡ · 中文 玛拉雅〕 之声,杀害父母,令眷属行十不善,于是一切非人扰动,发生疾病等种种祸患。众生为苦所逼,各处求护呼告。四天王见之,向世尊求护。世尊不发一言,策励金刚手。金刚手举金刚承诺,摧破金刚与无数眷属出现。他宣说密咒,调伏部多与邪心;经说,邪心由入此法而得菩提。他并非婆罗门。

དེ་ལ་སངས་རྒྱས་ནི་ཉོན་མོངས་པའི་གཉིད་ལས་སད་ཅིང་། ཡེ་ཤེས་པདྨ་ལྟར་གྱུར་པ་སྟེ། སྤངས་པ་དང་ཡེ་ཤེས་ཕུན་སུམ་ཚོགས་པའོ། །དེ་ནི་ཤཱཀྱ་ཐུབ་པར་བསྟན་ཏེ་དེས་བསྐུལ་བའོ། །དེའི་མཐུ་ནི་ནུས་པ་སྟེ་དེའི་སྟོབས་ཀྱིས་ནུས་པ་དང་ལྡན་པའོ། །གང་ཞེ་ན། ལག་ན་རྡོ་རྗེ་ཞུགས་སོ་ཞེས་བྱ་བར་འབྲེལ་པའོ། །དོན་གཉིས་སུ་མེད་པའི་ཡེ་ཤེས་འཆང་བ་ཡིན་ལ། རྣམ་པ་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་ཤིང་། གསང་བ་གསུམ་སྟོན་པ་དྲག་པོའི་རྡོ་རྗེ་ཐོགས་པ་སྟེ། འཁོར་གྱི་གཙོ་བོ་གནོད་སྦྱིན་ཁྲོ་བོ་འཇིགས་པ་མཐུ་སྟོབས་དང་ལྡན་པ་སངས་རྒྱས་ཐམས་ཅད་ཀྱི་བསྟན་པ་འཛིན་པར་གྲགས་པ་འདིའོ། །གང་ལྟར་ཞེ་ན་ལུས་ཐམས་ཅད་རྡོ་རྗེར་བྱིན་གྱིས་བརླབས་ནས་ཞེས་པའོ། །དེ་ཡང་ལུས་ནི་སྤྱི་བོ་ལ་སོགས་པའོ། །ཐམས་ཅད་ཅེས་པ་ངག་དང་ཡིད་ཀྱང་ངོ་། །རྡོ་རྗེ་ནི་དེ་དག་དང་སྟོང་པ་ཉིད་དང་ཐོགས་པ་མེད་ཅིང་ནུས་པ་དང་ལྡན་པར་བྱིན་གྱིས་བརླབས་པ་ནི་བསྒྱུར་བ་སྟེ་ནུས་པ་ཅན་དུའོ། །དེས་ནི་ཁྲོ་བོར་གྱུར་པར་བསྟན་ཏོ། །དེས་ནི་མ་འོངས་པའི་རྣལ་འབྱོར་པས་སྲུང་བའི་འཁོར་ལོ་བྱའོ་ཞེས་པའི་ཐ་ཚིག་གོ །

「佛」是从烦恼之眠醒觉,智慧如莲开放,断德与智德圆满。此处指释迦牟尼,由他劝发。「力」即能力,仗其力而具此能。究竟谁?须连下文「金刚手入」而读。就义,他持无二智;就相,受一切佛加持,持有显示三密的威猛金刚,是眷属之主,世所称举的威猛可畏、大有势力、执持诸佛教法的忿怒夜叉。如何?「加持全身为金刚」。「身」指从头顶等,「全」也包括语与意。「金刚」是身等及空性无碍而具能;加持就是转变,使之具有能力。此显示成为忿怒尊,又教示未来瑜伽士应作守护轮。

གང་ལ་ཞེ་ན། རྡོ་རྗེའི་ཏིང་ངེ་འཛིན་ལ་སྟེ་གཉིས་སུ་མེད་པའི་ཡེ་ཤེས་དང་ཐོགས་པ་མེད་པ་ལ་རྩེ་གཅིག་པར་སྙོམས་པར་ཞུགས་པ་ནི་མཉམ་པར་གཞག་པའོ། །མདོར་ན་སྟོང་པ་ཉིད་ལས་ཐུགས་ཀྱི་སྤྲུལ་པ་རྡོ་རྗེ་རྣམ་པར་འཇོམས་པ་གདོན་པར་ཐུགས་རྩེ་གཅིག་པར་དགོངས་པ་སྟེ། ཁྱད་པར་དུ་བསྟན་པའི་ཕྱིར་རོ། །ཐུགས་ཀྱི་སྤྲུལ་པ་དངོས་པོས་བསྟན་པའི་ཕྱིར་རོ། །དེ་ནས་ཞེས་བྱ་བ་ལ་སོགས་པ་གསུངས་ཏེ། སྨྲས་སོ་ཞེས་བྱ་བར་འབྲེལ་ཏོ། །དེ་ལ་དེ་ནས་ནི་འདས་མ་ཐག་པའོ། །ལག་ན་རྡོ་རྗེ་ནི་བཤད་དོ། །སངས་རྒྱས་ཤཱཀྱ་ཐུབ་པ་ལ་སོགས་པ་ཐམས་ཅད་ཀྱི་མཐུ་ནི་ནུས་པའོ། །བྱིན་གྱིས་བརླབས་པ་ནི་རང་བཞིན་གྱི་ཤུགས་ཀྱིས་སོ། །

入何定?入金刚三摩地,即一心安住无二智与无碍,等至就是平等安住。略言之,从空性中一心思惟,欲引出心之化现摧破金刚,以显示其殊胜及实际示现意化。故说「随后」等,应与下文「宣说」连读。「随后」是紧接前事;金刚手已释;释迦牟尼等一切佛的「力」就是能力;「加持」是由自性之势而成。

གཞན་ཡང་བྱང་ཆུབ་སེམས་དཔའ་སྟེ་དེ་ཡང་དོན་དམ་པའི་འབྲས་བུ་གཉིས་སུ་མེད་པ་ལ་སྨོན་པ་དང་འཇུག་པས་གནས་པའོ། །དེ་ཡང་། བྱང་ཆུབ་ནམ་མཁའི་མཚན་ཉིད་དེ། །ཀུན་དུ་རྟོག་པ་ཐམས་ཅད་སྤངས། །དེ་ལ་སེམས་དཔའ་གང་ཡིན་པ། །བྱང་ཆུབ་སེམས་དཔའ་ཞེས་བཤད་དོ། །ཞེས་བྱ་བ་དང་། བྱང་ཆུབ་ནི་དོན་དམ་པའོ། །སེམས་དཔའ་ནི་ཀུན་རྫོབ་ཅེས་གསུངས་སོ། །དེ་ཡང་སེམས་དཔའ་ཆེན་པོ་ཞེས་སྦྱར་རོ། །ཐམས་ཅད་ནི་མ་ལུས་པ་སྟེ་རྡོ་རྗེ་སྤྱན་རས་གཟིགས་ལ་སོགས་པའོ། །དེ་དག་གིས་ཀྱང་བྱིན་གྱིས་བརླབས་ཏེ། དེས་ནི་ཏིང་ངེ་འཛིན་གཞན་ལས་ཁྱད་པར་དུ་འཕགས་པ་བསྟན་ཏོ། །

另有菩萨,即依愿与行安住于胜义无二之果者。如说:「菩提以虚空为相,已断一切遍分别;于此勇猛者,称为菩萨。」又说:「菩提是胜义,勇士是世俗。」还当配上「大勇士」一词。「一切」是无余,指金刚观自在等。他们也予以加持,由此显示这种三摩地特别超胜其他三摩地。

ལག་ན་རྡོ་རྗེའི་ཐུགས་གཉིས་སུ་མེད་པའི་ཁྲོ་བོ་གདུག་པའི་ཚུལ་དགུ་དང་ལྡན་པར་འབྱུང་བ་ནི་རྡོ་རྗེ་ཁྲོ་བོའོ། །ལས་བྱུང་བ་ནི་དེས་སྤྲུལ་བ་སྟེ་བཞི་པའོ། །གང་བྱུང་ཞེ་ན་རྡོ་རྗེ་སྙིང་པོ་སྟེ་རྡོ་རྗེ་རྣམ་པར་འཇོམས་པའི་ཁྲོ་བོ་རྡོ་རྗེ་བསྣམས་པ་ནི་ལྷ་དང་སྔགས་ཐམས་ཅད་ཀྱི་འབྱུང་གནས་སུ་གྱུར་པའོ། །དེས་རབ་ཏུ་སྨྲས་པ་ནི་མྱུར་བར་རབ་ཏུ་སྔགས་གསུངས་པ་སྟེ་གསུམ་པའོ། །འོ་ན་འདི་ནི་ཕྱག་ན་རྡོ་རྗེ་དང་རྡོ་རྗེ་རྣམ་པར་འཇོམས་པས་སྨྲས་པས་བཅོམ་ལྡན་འདས་ཀྱི་བཀའ་མ་ཡིན་ཞེ་ན། འདི་ནི་བཅོམ་ལྡན་འདས་ཀྱི་བཀའ་ཉིད་ཡིན་ཏེ། བཅོམ་ལྡན་འདས་ཀྱིས་བྱིན་གྱིས་བརླབས་པའི་ཕྱིར་དང་། ཐ་མི་དད་པའི་ཕྱིར་ཏེ། དཔེར་ན་མདོ་གཞན་བཞིན་ནོ། །དེ་དག་ནི་ཕྱག་ན་རྡོ་རྗེས་རྡོ་རྗེ་རྣམ་པར་འཇོམས་པ་འཁོར་བཅས་འོག་ནས་སྤྲུལ་ཏེ་མདུན་ན་གནས་པ་ལ་བཀའ་བསྒོས་ན། དེས་རྡོ་རྗེ་རྣམ་འཇོམས་སྔགས་ཀྱིས་འབྱུང་པོ་འདུལ་བར་བྱེད་པ་གསུངས་པའོ། །ཕྱག་ན་རྡོ་རྗེས་སྨྲས་པ་ནི་མ་ཡིན་ཏེ། རྒྱུད་དང་འགལ་བའི་ཕྱིར་རོ། །

金刚手之心,以无二的忿怒、具九种猛烈姿态而现,即「金刚忿怒尊」。「从中生」是由他幻化,即第四项。生出什么?金刚心,即执金刚的摧破金刚忿怒尊,为一切本尊与咒的生源。「由他宣说」就是随即宣说密咒,此为第三项。若说既是金刚手与摧破金刚所说,就不是世尊佛语,答:这正是佛语,因为世尊加持,而且彼此无别,如其他经。其事是金刚手化现下文所说的摧破金刚及眷属,命住在前面的化尊说法,于是化尊说以摧破金刚咒调伏部多。若说是金刚手自己开口,就与续相违。

འདིས་ནི་འདི་སྐད་ཅེས་སྟོན་ཏེ། རྣལ་འབྱོར་པས་ཁྲུས་ལ་སོགས་པ་བྱས་ཏེ། ཁྲོ་བོ་མི་འཆི་བ་དང་གནོད་པ་མེད་པར་བྱས་ཏེ། སྟན་ལ་གནས་ནས་སྲུང་བ་བྱས་ལ་ཚོགས་བསགས་ཏེ། རྡོ་རྗེ་གདན་ལ་གནས་པས་བྱིན་གྱིས་བརླབ་པར་གསོལ་ཏེ་སངས་རྒྱས་དང་བྱང་ཆུབ་སེམས་དཔའ་ཞུགས་པས་སྟོང་པ་ཉིད་ལ་སོགས་པའི་བྱང་ཆུབ་པའི་ལྷ་དྲུག་གིས་བདག་ཕྱག་ན་རྡོ་རྗེར་བྱ་བ་དང་། མདུན་དུ་བུམ་པ་ལྷ་དྲུག་འཁོར་དང་བཅས་པ་བསམ་པ་དང་། སྤྱན་དྲང་བ་དང་། མཆོད་པ་ལ་སོགས་པ་རྒྱུད་ལ་བརྟེན་པ་སྒྲུབ་ཐབས་བཞིན་དུ་བྱའོ་ཞེས་པའི་དོན་ཏོ། །དེ་ཡང་རྒྱུད་ལས། དང་པོ་ཁྲུས་བྱས་རྣལ་འབྱོར་པས། །རྡོ་རྗེ་གདན་ལ་གནས་ནས་ནི། །མཆོད་དང་གསོལ་བས་ལྷ་དྲུག་བསྒོམ། །སྟོང་དང་ཡི་གེ་སྒྲ་གཟུགས་དང་། ཕྱག་རྒྱ་མཚན་མ་དྲུག་ཡིན་ཏེ། །བུམ་པར་བསྐྱེད་སོགས་རྫོགས་བྱས་ལ། ནོར་བུ་སྤྱོད་ལམ་སྔགས་བཟླས་ཏེ། ཤ་ལ་སོགས་པ་བདུན་སྤོང་ངོ་། །ཞེས་གསུངས་སོ།། །།

这段还有一层教授:瑜伽士沐浴等已,作忿怒尊不死、无害之护,安住座上,作守护,积资粮,坐于金刚座,祈求加持。当佛菩萨入时,以空性等六种菩提本尊修自身为金刚手,观前方瓶中六尊及眷属,而后迎请、供养等,依续如成就法所说行持。续中说:「瑜伽士先沐浴,安住于金刚座,以供养祈请修六尊。空、字、声、色、印、相,是为六。瓶中生起等皆成办,行宝珠威仪而诵咒,舍离肉等七种。」

དེ་ལྟར་གླེང་བསླང་བའི་རྒྱུ་བསྟན་ནས། ད་ནི་གླེང་བསླང་བ་དངོས་བསྟན་པའི་ཕྱིར། མི་ཆོད་པ་ཞེས་བྱ་བ་ལ་སོགས་པ་གསུངས་སོ། །དེ་ཡང་འདི་རྣམས་ནི་རྡོ་རྗེ་རྣམ་པར་འཇོམས་པའི་སྔགས་ཀྱི་ཡོན་ཏན་འདི་ལྟ་བུ་ཞེས་ཚིག་ཏུ་གསུངས་པ་དངོས་ཏེ། དེ་ལ་ཡང་གཉིས་ལས་བདག་གི་དོན་ཕུན་སུམ་ཚོགས་པ་ནི་རྡོ་རྗེའི་ཚིག་བདུན་གྱིས་སྟོན་ཏོ། །དེ་ལ་སྟོང་པ་ཉིད་དང་སྔགས་དང་ཏིང་ངེ་འཛིན་རྡོ་རྗེ་སྟེ་ཕྱི་རོལ་གྱི་རྡོ་རྗེ་རིན་པོ་ཆེ་ལ་ཆོས་བདུན་ཡོད་པ་དང་འདྲ་བར་འདི་ལ་འབྱུང་བས་དུམ་བུར་མི་ཆོད་ཅིང་སྙིང་པོ་ཡོད་པའོ། །དེ་ལ་ཆུས་ཕྱེ་མར་མི་ཤིགས་ཤིང་མི་ཕྱེད་པའོ། །བདེན་པ་ནི་གནས་པ་སྟེ་མེས་ཐལ་བར་མི་འགྱུར་བའོ། །སྲ་བ་ནི་གཞིག་པར་དཀའ་བ་སྟེ་རླུང་གིས་གཏོར་དུ་མེད་པའོ། །ཚིག་དེ་དག་གིས་རྡོ་རྗེ་ཡེ་ཤེས་དེ་ལ་སྐྱེ་བ་ལ་སོགས་པ་བཞི་དང་། མཐའ་བཞི་དང་བྲལ་བར་ཤེས་པར་བྱའོ། །དེས་ན་མཚན་མའི་དངོས་པོ་དང་། །གདོན་ཐམས་ཅད་ལ་ཐོགས་པ་མེད་པ་སྟེ་གཅོད་ཅིང་འཇོམས་ལ་བེམས་པོ་མ་ཡིན་པའོ། །དེའི་ཕྱིར་མི་འགྱུར་བར་གནས་པས་བརྟན་པ་ཞེས་སྦྱར་རོ། །ཚུར་ལ་ཚུགས་སམ་ཞེ་ན། ཐམས་ཅད་དུ་མ་ཕམ་པ་སྟེ་རང་ལ་ཉམས་པ་མེད་ཅིང་མ་བཅོམ་ལ་རྒྱལ་བས་སོ། །དེ་ཡང་། སྲ་བརྟན་སྙིང་ལྡན་ཁོང་སྟོང་མེད། །མི་ཕྱེད་མི་ཤིགས་མི་འཚིག་པས། །རྡོ་རྗེ་ཞེས་ནི་བརྗོད་པའོ། །ཞེས་གསུངས་སོ། །

已示发起的因,现说实际发起,故言「不可断」等。这些话直陈摧破金刚咒有如此功德。其中先以七金刚句显示自利圆满。空性、密咒、三摩地是金刚,如外在金刚宝的七种性质在此俱现:不能截为数段,有实心;水不能将它分解为粉,不能劈开;「真实」是住持不变,火不能使成灰;「坚硬」是难以破坏,风不能吹散。由这些词,应知金刚智远离生等四事与四边。因此对于有相诸物及一切附魅都无所碍,能断能摧,并非无知之物。由安住不变,配「坚固」。若问反过来能否侵害它?「一切处不败」,自身不退损,不被征服,恒获胜。如说「坚、固、有心、内不空,不可分、不可坏、不能烧,因此称金刚」。

དེ་དག་གིས་ནི་སྔོན་བྱུང་བ་རྒྱལ་པོ་ལོག་པའི་སྙིང་པོ་ལ་སོགས་པས་ཉམས་སུ་བླངས་ནས་བདག་གི་དོན་ཆོས་སྐུ་རྡོ་རྗེ་ལྟ་བུའི་ཏིང་ངེ་འཛིན་དང་། ལོངས་སྤྱོད་རྫོགས་པའི་སྐུ་རྡོ་རྗེ་ལྟ་བུ་གྲུབ་པའོ། །མ་འོངས་པས་ནི་སྔོན་དུ་བསྙེན་པ་རྫོགས་པས་བདག་དོན་འགྲུབ་པར་ཤེས་པར་བྱའོ་ཞེས་བསྟན་ཏོ། །བདག་གི་དོན་གྲུབ་ནས་གཞན་གྱི་དོན་མེད་དམ་ཞེ་ན། སེམས་ཅན་ཐམས་ཅད་སྐྲག་པར་བྱེད་པ་ཞེས་བྱ་བ་ལ་སོགས་པ་བཅོ་ལྔས་སྤྲུལ་པའི་སྐུ་རྡོ་རྗེ་ལྟ་བུས་གཞན་གྱི་དོན་འགྲུབ་པར་སྟོན་ཏོ། །དེ་ཡང་བསྡུ་ན་ལས་བཞིའོ། །དེ་ཡང་། བདེ་གཤེགས་ལས་ནི་སྣ་ཚོགས་པ། །བསྡུ་ན་ཞི་སོགས་ལས་བཞིའོ། །མངོན་སྤྱོད་བརྒྱད་དུ་རྣམ་པར་གྲགས། །ཚར་གཅད་དང་ནི་རྗེས་གཟུང་ངོ་། །ཞེས་གསུངས་སོ། །

这些话显示,往昔邪心王等修持此法,成办自利,成就法身的金刚喻定与如金刚的圆满报身。对未来之人,应知先圆满亲近修,自利便得成办。自利成办后,难道没有他利吗?「令一切众生惊怖」等十五句,显示由如金刚的化身成办他利。总摄起来是四种事业。如说「善逝事业种种,略摄为息等四业;又称八种现行业,是折伏与摄受」。

དེ་ལ་སེམས་ཀྱི་ཀུན་གཞི་སྲོག་དང་བཅས་ཤིང་ཡིད་ཀྱི་རྣམ་པར་ཤེས་པ་དང་ལྡན་པ་སྟེ་སྐྱེ་གནས་བཞིས་བསྡུས་པ་འགྲོ་བ་རིགས་དྲུག་པོ་ཐམས་ཅད་དོ། །དེ་དག་སྐྲག་པར་བྱེད་པ་ནི་ལུས་སེམས་འཇིག་ཅིང་དངངས་ཏེ་དྲག་པོ་ཚར་གཅོད་པར་བྱེད་པའི་རིག་སྔགས་འདི་སྨྲས་སོ་ཞེས་བྱ་བར་སྦྱར་རོ། །འཇིལ་བ་ནི་ལུས་སེམས་སྤ་བཀོང་ནས་འགུལ་མི་ནུས་པའོ། །དེ་ཡང་གསང་སྔགས་དང་ལྷ་འདིས་བྱེད་པའོ། །དེ་ཡང་དྲག་པོའོ། །རིག་པ་ནི་ལྷ་སྟེ་དེའི་སྔགས་ནི་ནུས་པ་ཅན་དེ་ཤེས་ནས་སྐྱོབ་པའོ། །དེ་ཡང་གཞན་ཐམས་ཅད་ཀྱི་སྦྱར་བ་སྟེ་དེ་དག་གཅོད་པ་ནི་ནུས་པའི་རྒྱུན་མེད་པར་བྱེད་པའོ། །དེ་ཡང་དྲག་པོའོ། །གནོན་པར་བྱེད་པ་ནི་ནུས་པ་མེད་ཅིང་ཟིལ་གྱིས་མནན་ནས་མི་གཡོ་བ་སྟེ། སྒྱུ་མ་མཁན་བཟང་པོའི་སྒྱུ་མ་བཞིན་ནོ། །དེ་ནི་དབང་ངོ་། །

「一切众生」是有心的所依、具生命及意识者,四种受生所摄的六趣有情无不包括。「使惊怖」,令身心惊恐、战栗,须与「说此猛力折伏的明咒」相连。「镇伏」是身心气势消退,不能动转。由此密咒与本尊作成,属猛业。「明」即本尊,其咒有能力,知之即得救护。所对是其余一切咒的运用;「截断」即截断其力量的相续,也属猛业。「压伏」是使其失力,为威势所压而不能动,如善幻师所现的幻术。这是摄业。

ཞི་བའི་ལས་ནི་ལས་ཐམས་ཅད་འཇོམས་པར་བྱེད་པ་སྟེ་ཕ་རོལ་གྱི་སྦྱོར་བ་ངན་པ་བྱད་སྟེམས་ལ་སོགས་པ་དང་གོས་པའི་ནང་ལ་སྟེ་སྔོན་གྱི་ལས་ཀྱི་སྒྲིབ་པ་ཐམས་ཅད་དོ། །དེ་དག་པར་བྱེད་ཅིང་བཟློག་པའོ། །གཞན་ནི་ཕ་རོལ་ཏེ་འབྱུང་པོ་སེམས་ཅན་ནོ། །དེ་དག་གི་ལས་ནི་ནད་ལ་སོགས་པ་དང་སྒྲིབ་པ་སྟེ་འཇིག་པ་ནི་བརླག་པར་མཛད་པའོ། །གདོན་ནི་གནོད་པར་བྱེད་པ་སྟེ་ལྷ་ལ་སོགས་པ་བཅོ་བརྒྱད་པ་ལ་སོགས་པ་ཐམས་ཅད་དོ། །དེ་དག་བརླག་པ་ནི་ཐལ་བར་བྱེད་པ་སྟེ་དྲག་པོའོ། །ཐར་པ་ནི་སྔར་བཟུང་བ་ལས་གྲོལ་བའོ། །དེ་ནི་ཞི་བའོ། །གཞན་ཡང་དབང་ནི་འབྱུང་པོ་སྟེ་སེམས་ཅན་ཐམས་ཅད་དེ་ཁམས་གསུམ་དུ་འབྱུང་བས་སོ། །དེ་དག་འགུགས་པ་ནི་འདྲེན་པ་སྟེ་དབང་དུ་བྱས་ནས་བསྟན་པ་ལ་གནས་པར་བྱེད་པའོ། །རིག་སྔགས་ནི་འཇིག་རྟེན་པ་དང་འཇིག་རྟེན་ལས་འདས་པའོ། །ལས་ནི་མ་ལུས་པ་སྟེ་ཞི་བ་ལ་སོགས་པ་ཐམས་ཅད་འདིས་མྱུར་དུ་བྱེད་དུ་འཇུག་པ་སྟེ་ལས་ལ་འཛུད་པའོ། །དེ་ཡང་དབང་ངོ་། །

息业即「摧一切业」,包括他方的恶作、厌祷等,以及内在染污,即一切宿业障;使之清净、退转。「他」是他方,即部多、有情。其业是病等与障蔽,「摧坏」即使消失。「附魅」指能为害者,包括天等十八类等一切。「毁坏」是使如灰烬,属猛业。「解脱」是脱离往昔的执缚,属息业。又,摄业所说「部多」包括一切众生,因为都生于三界。「召请」是引导、摄受,使住教法。「明咒」有世间与出世间;「事业」包括息等一切无余,使之迅速起行、投入事业,也是摄业。

སྔར་མ་གྲུབ་པ་ནི་མངོན་དུ་མ་གྱུར་པ་སྟེ་ལྷ་རྣམ་པ་གཉིས་ཀྱི་དངོས་གྲུབ་བོ། །དེ་དག་འདིས་གྲུབ་པར་བྱེད་པ་ནི་མངོན་སུམ་དུ་གྱུར་པའོ། །སྔར་གྲུབ་ཟིན་པ་ནི་འབྲས་བུ་དེ་ཡང་བར་ཆད་ཀྱིས་མི་ཁྱེར་བར་བྱེད་ཅིང་དོན་ཡོད་པ་ཆུད་མི་ཟ་བའོ། །འདོད་པ་ནི་ཡིད་ཀྱིས་མངོན་པར་འདོད་ཅིང་དོན་དུ་གཉེར་བ་སྟེ་ནོར་ལ་སོགས་པ་ཕུན་སུམ་ཚོགས་པ་ཐམས་ཅད་དོ། །དེ་དག་འདིས་སྦྱིན་པ་འདི་ལས་བྱུང་ཞིང་སྟེར་བའོ། །དེ་དག་ནི་རྒྱས་པའོ། །སྲུང་བ་ནི་ནད་དང་གདོན་ལ་སོགས་པ་སྔར་མ་འོངས་པ་དག་ཕྱིས་མི་འོང་བར་བྱེད་ཅིང་སྡོམ་པའོ། །དེ་ཡང་ཞི་བའོ། །མཇུག་བསྡུ་བ་ནི་ཞི་བ་སྟེ་ནད་ལ་སོགས་པ་ཐམས་ཅད་མེད་པར་བྱེད་པའོ། །རྒྱས་པ་ནི་ཚེ་ལ་སོགས་པ་མ་ལུས་པ་ཐམས་ཅད་འཕེལ་བར་བྱེད་པ་སྟེ། དེ་གཉིས་དང་དབང་ནི་རྗེས་སུ་གཟུང་བའོ། །གཞན་ཐམས་ཅད་ནི་ཚར་གཅོད་པའོ། །

「从前未成」是尚未现前,即两类本尊的悉地。「使成」是使其亲自现前。昔日已成的果不被障难夺去,实益不致虚耗。「所愿」是心所希求追取的一切圆满,如财物等。「施」是从此生出而给予。这些属增业。「守护」是防束未至的疾病、附魅等,使后来也不能到来,是息业。最后总摄:息使一切病等不复有;增令寿命等一切无余增长。此二与摄业是摄受,其他皆为折伏。

དྲག་པོའི་ལས་འབྱུང་པོ་དང་སེམས་ཅན་གང་དག་སངས་རྒྱས་ཀྱི་བསྟན་པ་ལ་མ་དད་པ་དེ་དག་རེངས་པར་བྱེད་པ་ནི་མི་གཡོ་བ་སྟེ་ངག་དང་ལུས་སོ། །རྨུགས་པ་ནི་སེམས་རྨོངས་པ་སྟེ་ཅི་ཡང་མི་ཤེས་པར་བྱེད་པའོ། །གསུམ་པའི་སྒྲ་དང་འོག་གི་ཚིག་ནི་རེ་རེ་ལ་སྦྱར་རོ། །ཡང་ན་ཚིག་དེ་རྣམས་ནི་མན་ངག་གིས་འོག་གི་སྔགས་རེ་རེ་ལ་སྦྱར་བར་བྱའོ་ཞེས་བསྟན་པའོ། །དེ་ལྟ་བུ་འདི་རྡོ་རྗེ་རྣམ་པར་འཇོམས་པས་ཁྲོ་བོའི་ཚིག་ཏུ་སྨྲས་སོ་ཞེས་སྦྱར་ཏེ་བརྗོད་པའོ། །གང་གིས་བརྗོད་ཅེ་ན་ལག་ན་རྡོ་རྗེ་སྟེ་འདིར་རྡོ་རྗེ་རྣམ་པར་འཇོམས་པ་ལ་བྱའི། ཕྱག་ན་རྡོ་རྗེ་དངོས་མ་ཡིན་ནོ། །གང་གིས་ན་ཤཱཀྱ་ཐུབ་པ་ལ་སོགས་པའི་ནུས་པས་བྱིན་གྱིས་བརླབས་པ་ནི་སངས་རྒྱས་ཀྱི་མཐུ་སྟེ། དེ་ཡང་། རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་དང་། །ཞེས་པ་ལ་སོགས་པ་དང་། ཡང་སྟོན་ཅིང་འཆད་པ་རྣམས་ནི་སངས་རྒྱས་ཀྱི་མཐུའོ་ཞེས་བསྟན་པའི་ཕྱིར་རོ། །གང་ལྟ་བུ་ཞེ་ན། གསང་སྔགས་ཏེ་སྦ་ཞིང་དམན་པ་ལ་མི་བསྟན་པས་ནུས་པ་ཁྱད་པར་དུ་འཕགས་པའོ་ཞེས་བྱ་བའི་ཐ་ཚིག་གོ། །ནུས་པ་གཞན་ལས་ཁྱད་པར་དུ་འཕགས་ཤིང་ཕུལ་དུ་བྱུང་བའི་འོག་གི་རྡོ་རྗེའི་སྔགས་ནི་མཐུ་ཆེན་པོ་འདི་ཞེས་པ་སྟེ་དེ་དག་སྨྲས་པའོ། །དེ་དག་གིས་ནི་སྔོན་གྱི་འཁོར་ལ་ཡོན་ཏན་ནི་གཞན་དོན་ཐམས་ཅད་འགྲུབ་པར་བསྟན་ལ་མ་འོངས་པ་ལ་ནི་སྔོན་དུ་བསྙེན་པ་རྫོགས་པས་སྒྲུབ་ཐབས་བཞིན་བྱས་པས་དེ་དག་འགྲུབ་པར་འགྱུར་རོ་ཞེས་པའོ། །

猛业令不信佛教的部多、有情「僵住」,即身语不动;「昏沉」是心愚蒙而一无所知。第三格的词与下文须各各配读。又一解,依口诀将这些词分别配于下列各咒。以上是摧破金刚以忿怒语宣说。谁说?是金刚手,此处指摧破金刚,并非金刚手本身。以何力?释迦牟尼等之能予以加持,即「佛力」。如说「胜者诸声闻所有说法……」,又说诸说法讲解皆是佛力。所说如何?是「密咒」,秘藏而不向下劣者显示,力量殊胜。下文金刚咒的能力远超其余,故说「此大威力」,宣说诸咒。对昔日会众,显示了成办一切他利的功德;对未来之人,则说先圆满亲近,再依成就法修行,得以成办。

འདི་སྐད་སྟོན་ཏེ་དེ་ལྟར་མཆོད་པ་ལ་སོགས་པ་རྫོགས་ནས་སྔགས་ཀྱི་ནོར་བུ་བཟུང་སྟེ། སྔགས་ཀྱི་གནས་དང་ལྡན་པས་རྡོ་རྗེའི་ཚིག་དང་ཁྲོ་བོའི་ངག་(དུ་,ཏུ་)བཟླས་པས་བདག་དང་གཞན་གྱི་དོན་སྒྲུབ་པའི་སྤྲོ་བསྡུ་བྱ་སྟེ། དེ་ཡང་བསྙེན་པ་དང་ལས་སྦྱོར་གྱི་དུས་སུ་སྒྲིབ་པ་ལ་སོགས་པ་མེད་པའི་སྦྱོར་བས་སྤྱོད་ལམ་བྱའོ་ཞེས་པའི་དོན་ཏོ། །དེ་ལྟར་རྒྱུ་དང་རྐྱེན་རྣམ་པ་གཉིས་བསྟན་ནས། ད་ནི་དེའི་འབྲས་བུ་གང་བསྟན་པར་བྱ་བའི་ཆོས་ཕུན་སུམ་ཚོགས་པ་རྡོ་རྗེའི་རྒྱུད་དངོས་རྡོ་རྗེའི་སྔགས་ཟབ་མོ་སྔར་གྱི་ཡོན་ཏན་ཅན་དེ་བསྟན་པའི་ཕྱིར། ན་མོ་ཞེས་བྱ་བ་ལ་སོགས་པ་གསུངས་སོ། །དེ་ལ་དེ་དག་གིས་ངག་གི་དོན་རྟོགས་སླ་བའི་ཕྱིར་བརྗོད་པར་བྱ་སྟེ། སྔོན་བྱུང་བ་ལ་ནི་རྡོ་རྗེའི་སྔགས་འདི་དག་བཀྲ་ཤིས་པ་བདག་པོ་ལ་མཆོད་པ་བརྗོད་ནས་རྣམ་པར་འཇོམས་པའི་རྡོ་རྗེ་གསུངས་པས་འབྱུང་པོ་ཐམས་ཅད་ལ་རྣམ་པ་བཞིས་ཚར་གཅད་པ་དང་། རྗེས་སུ་བཟུང་བས་སངས་རྒྱས་ལ་སྐྱབས་སུ་འདོད་པ་ལ་སོགས་པའི་ཚུལ་གྱིས་དཀྱིལ་འཁོར་དུ་བཙུད་དེ་ནད་ལ་སོགས་པ་ཞི་བས་མི་དག་སངས་རྒྱས་ལ་སོགས་པ་ལ་དད་དེ། རྒྱལ་པོ་ལོག་པའི་སྙིང་པོ་ཡང་གནས་དེར་འོད་ཟེར་ལ་ཞོན་ཏེ་འོངས་ནས། དེ་བཞིན་དུ་བྱས་པས་བཀྲ་ཤིས་ལ་ཐར་པ་ལ་གནས་སོ། །དེ་ཡང་འོག་ནས་རྒྱལ་པོ་ཞེས་པས་སོ། །

其意又是,供养等圆满,持念咒之宝,具足持咒的处所,以金刚语及忿怒音念诵,作光明等收放以成自他二利。在亲近修和行事业之时,以无障蔽等的相应法行持威仪。前说因与缘二者,今示其果,即圆满之法、真正的金刚续、具足上述功德的甚深金刚咒,故说「敬礼」等。为便于领会其言义,今当解释。往昔先以吉祥语礼敬金刚诸咒之主,然后说摧破之金刚,以四种方式折伏、摄受一切部多,令其发愿归依佛等,纳入曼荼罗。疾病等息灭,人们对佛等生信。邪心王也乘光来到该处,如是行已,住于吉祥与解脱。这由下文称「大王」可知。

བསྐྲད་པ་དང་། ལས་བཞི་དང་། ཁྲོ་བོ་བཞི་དང་། བཅུ་བསྐུལ་བ་དང་། གཙོ་བོ་ལ་སོགས་པ་དྲུག་པོ་བསྐུལ་བའི་ཚུལ་གྱིས་སོ། །མ་འོངས་པའི་སྒྲུབ་པ་པོས་ནི་སྔོན་དུ་བསྙེན་པ་ལ་སོགས་པ་བསྲུང་བ་དང་། བསྙེན་པ་ལ་སྔགས་ཚིག་གསུམ་གང་ཡང་རུང་བ་བཟླས་པ་དང་། ལས་སྦྱོར་ལ་གཉིས་སུ་བྱ་བ་དང་། ལས་སྒྲུབ་ན་གཙོ་བོ་དང་འབྲེལ་པ་དང་འཁོར་དང་གཉི་ག་དང་འབྲེལ་པ་གསུམ་གྱིས་ཞི་བ་ལ་སོགས་པའི་ལས་ཀྱིས་ལྷ་དང་རྫས་དང་བསམ་པ་དང་། ཕྱོགས་དང་དུས་དང་སྔགས་དང་འཁོར་ལོ་དང་ཏིང་ངེ་འཛིན་དང་བྱ་བས་སྒྲུབ་པ་ནི་སྒྲུབ་པའི་ཐབས་བཞིན་དུ་ཤེས་པར་བྱའོ་ཞེས་བྱ་བའི་དོན་ཏོ། །དེ་ཡང་། རྣལ་འབྱོར་བསྙེན་པ་གསུམ་དུ་བྱ། །ལས་ལ་གཉིས་ཏེ་ལས་ལ་གསུམ། །གཙོ་དང་འཁོར་དང་འདུལ་བ་ནི། །ལས་བཞི་སྔགས་སོགས་དབྱེ་བར་བྱ། །ཞེས་འདིའི་བཤད་པའི་རྒྱུད་ལས་གསུངས་སོ། །

这由驱逐、四业、四忿怒尊、劝起十尊,以及劝起主尊等六尊的次第而行。未来的修行者,应先守护亲近等;亲近时三组咒语随诵一种,行事业有两类。成办事业又有三种,与主尊相应、与眷属相应、与两者相应。修息等事业时,依各自本尊、物、意念、方位、时间、咒、轮、三摩地及行为修成,应如成就法所说而知。本法的释续也说:「瑜伽亲近应分三,事业有二,事业又三;主尊、眷属与调伏,当分别四业、咒等。」

ད་ནི་གཞུང་ཉིད་ལ་འཇུག་པར་བྱ་སྟེ། དེ་ལ་དང་པོ་བཀྲ་ཤིས་པའི་དོན་རྣམ་པ་གཉིས་ཀྱིས་ཕྱག་བྱ་བ་ནི། ན་མོ་རཏྣ་ཏྲ་ཡཱ་ཡ་ཞེས་བ་ལ་སོགས་པས་གཙོ་བོ་གསུམ་ལ་འདུད་པའོ། །དེ་དག་ནི་སྔགས་ཀུན་ལ་ཤེས་པར་བྱའོ། །འབྲུ་ནི་དོན་ཉམས་པའི་ཕྱིར་བཤད་པར་མི་བྱ་སྟེ་རང་ཉིད་ཀྱི་སྒྲས་ཤེས་པར་བྱས་ལ་དོན་ཡིད་ལ་དྲན་པར་བྱའོ། །དེ་ནས་ཚར་གཅོད་ཅིང་བསྲུང་བའི་སྔགས་ནི་ཏདྱ་ཐཱ་ཨོཾ་ལ་སོགས་པ་སྟེ་ཉེ་བར་བསྟན་པའོ། །དེ་ཡང་དང་པོ་དང་ཐ་མར་ཡེ་ཤེས་དང་དྲག་པོ་དང་ཤིས་པ་བཞི་འཇུག་པ་ཅན་ཏེ་དེ་བཞིན་དུ་ཤེས་པར་བྱའོ། །ད་ནི་གཟུངས་ལ་གསུམ་ལས་དང་པོ་རྒྱས་པ་སྟེ་དེ་ཡང་གཙོ་བོའི་སྔགས་ནི་སརྦ་བིདྱཱ་བཛྲ་བཛྲ་ཞེས་པ་ལ་སོགས་པ་སྟེ་བསྟོད་ཅིང་བོད་པའོ། །མ་འོངས་པས་ནི་འདི་ལ་སྔགས་གདགས་པར་ཤེས་པར་བྱའོ། །གཙོ་བོའི་ལས་དང་འབྲེལ་པ་ནི་མན་ངག་བཞིན་དུ་ཞི་བའི་སྔགས་ནི་ཧེ་ཕུ་ལུ་ཞེས་པ་ལ་སོགས་པ་སྟེ་སྔ་མ་བཞིན་ནོ། །ཙ་ར་ནི་ཙ་ར་ལ་སོགས་པ་ནི་རྒྱས་པའིའོ། །ཀཱི་ལི་ཀཱི་ལཱ་ཡ་ལ་སོགས་པ་ནི་དབང་གིའོ། །མཱ་ར་ཡ་ལ་སོགས་པ་ནི་བསད་པའོ། །ཚིནྡ་ཚིནྡ་ལ་སོགས་པ་ནི་རིག་སྔགས་བཅད་པའོ། །བྷིནྡ་ལ་སོགས་པ་ནི་རིག་སྔགས་མནན་པའོ། །དེ་བཞིན་དུ་སྐྲག་པར་བྱེད་པ་ལ་སོགས་པ་ལ་ཡང་མན་ངག་བཞིན་དུ་སྦྱར་རོ། །

现在进入正文。首先为了两种吉祥义而礼敬。〔梵文 namo ratnatrayāya · 藏文 ན་མོ་རཏྣ་ཏྲ་ཡཱ་ཡ · 中文 纳莫 拉特纳特拉雅雅〕等是礼三种首尊,诸咒皆应如此理解。若逐音解说,意义会受损,故不逐音解释;应就原音学习,心念其义。接着,从〔梵文 tadyathā oṃ · 藏文 ཏདྱ་ཐཱ་ཨོཾ · 中文 达德雅塔 嗡〕等显示折伏、守护之咒。其首尾有智慧、猛烈、吉祥等四种运用,依此而知。陀罗尼有三,第一为广。其中主尊咒从 〔梵文 sarva vidyā vajra vajra · 藏文 སརྦ་བིདྱཱ་བཛྲ་བཛྲ · 中文 萨尔瓦 维德雅 瓦吉拉 瓦吉拉〕 等起,是赞叹、呼请;未来者应知于此附咒。主尊事业依口诀分配:〔梵文 he phulu · 藏文 ཧེ་ཕུ་ལུ · 中文 黑 普卢〕 等为息,如前;〔梵文 cara nicara · 藏文 ཙ་ར་ནི་ཙ་ར · 中文 加拉 尼加拉〕 等为增;〔梵文 kīli kīlāya · 藏文 ཀཱི་ལི་ཀཱི་ལཱ་ཡ · 中文 基利 基拉雅〕 等为摄;〔梵文 māraya · 藏文 མཱ་ར་ཡ · 中文 玛拉雅〕 等为杀;〔梵文 chinda chinda · 藏文 ཚིནྡ་ཚིནྡ · 中文 奇恩达 奇恩达〕 等为断明咒;〔梵文 bhinda · 藏文 བྷིནྡ · 中文 比恩达〕 等为压明咒。令惊怖等也依口诀配读。

ད་ནི་འཁོར་གྱི་སྔགས་བསྟན་པ་ནི། ཙུ་རུ་ཞེས་པ་ལ་སོགས་པ་སྟེ། སྔ་མ་བཞིན་དུ་བྱས་པ་ནི་རྡོ་རྗེ་ཕུར་པའི་སྔགས་སོ། །ཏྲཱ་ས་ཡ་ལ་སོགས་པ་ནི་རྡོ་རྗེ་བེ་ཅོན་གྱིའོ། །ཧ་ར་ལ་སོགས་པ་ནི་རྡོ་རྗེ་ཐོ་བོའིའོ། །པྲ་ཧ་ར་ལ་སོགས་པ་ནི་རྡོ་རྗེ་གཏུམ་པོའིའོ། །དེ་དག་ལ་བསྟོད་ཅིང་སྐུལ་བར་བྱེད་པ་ནི་ཨེ་ཧྱེ་ལ་སོགས་པའི་སྔགས་བཏགས་ཏེ་བཟླས་པར་བྱའོ། །དེ་དག་དང་འབྲེལ་པའི་ལས་སྔགས་ལ་ཞི་བའི་སྔགས་ནི་མ་ཏི་སྠི་ར་བཛྲ་ཞེས་བྱ་བ་ལ་སོགས་པའོ། །རྒྱས་པའི་སྔགས་ནི་དྷ་ར་དྷ་ར་ཞེས་པ་ལ་སོགས་པའོ། །དབང་གི་སྔགས་ནི་ན་མཿས་མཱནྟ་ཞེས་པ་ལ་སོགས་པའོ། །གསོད་པའི་སྔགས་ནི་ཨ་མུ་ཀཾ་མཱ་ར་ཡ་ཕཊ་ཅེས་པའོ། །རིག་སྔགས་བཅད་པའི་སྔགས་ནི་མཧཱ་བ་ལེ་ཞེས་པ་ལ་སོགས་པའོ། །རིག་སྔགས་མནན་པ་ནི་ད་ཧ་ཞེས་པ་ལ་སོགས་པ་སྟེ། འདིར་ཡང་ཐམས་ཅད་སྔ་མ་བཞིན་དུ་བྱས་པས་ལས་ཀུན་འགྲུབ་པར་འགྱུར་ཏེ་སྦྱར་བ་གསུམ་ཤེས་པར་བྱའོ། །དེ་ཡང་རྡོ་རྗེའི་གསང་སྔགས་འདི་ཡིན་ཏེ། ལས་ཀུན་ཐོགས་པ་མེད་པར་འགྲུབ། །ཅེས་གསུངས་སོ། །

眷属咒如下:〔梵文 curu · 藏文 ཙུ་རུ · 中文 居鲁〕 等如前配,是金刚橛咒;〔梵文 trāsaya · 藏文 ཏྲཱ་ས་ཡ · 中文 特拉萨雅〕 等是金刚棒咒;〔梵文 hara · 藏文 ཧ་ར · 中文 哈拉〕 等是金刚锤咒;〔梵文 prahara · 藏文 པྲ་ཧ་ར · 中文 普拉哈拉〕 等是金刚猛尊咒。赞叹、策励他们,附加 〔梵文 ehye · 藏文 ཨེ་ཧྱེ · 中文 诶赫耶〕 等咒而诵。与诸尊相关的事业咒,〔梵文 mati sthira vajra · 藏文 མ་ཏི་སྠི་ར་བཛྲ · 中文 玛迪 斯提拉 瓦吉拉〕 等是息;〔梵文 dhara dhara · 藏文 དྷ་ར་དྷ་ར · 中文 达拉 达拉〕 等是增;〔梵文 namaḥ sa mānta · 藏文 ན་མཿས་མཱནྟ · 中文 纳玛赫 萨 玛恩达〕 等是摄;以 〔梵文 amukaṃ · 藏文 ཨ་མུ་ཀཾ · 中文 阿穆卡姆〕 起而以 〔梵文 phaṭ · 藏文 ཕཊ · 中文 帕特〕 结者是杀;〔梵文 mahā bale · 藏文 མཧཱ་བ་ལེ · 中文 玛哈 巴勒〕 等是断明咒;〔梵文 daha · 藏文 ད་ཧ · 中文 达哈〕 等是压明咒。此处一切亦如前配,诸业即成,应知三种配合。如说:「此即金刚密咒,无碍成办一切业。」

འདིར་མན་ངག་གིས་གཙོ་བོ་ཡབ་ཡུམ་གྱི་སྔགས་ནི་དང་པོ་ཨོཾ་དང་ཐ་མའི་ཡན་ལག་བོར་ལ་ཛྲ་ལ་ལ་སོགས་པའི་ན་བྱིན་ཏེ་ཡ་ཧཱུཾ་ཕཊ་སྭཱ་ཧཱ་ཞེས་པ་བྱའོ། །སྟེང་དང་འོག་ཀྱང་དེ་བཞིན་དུ་བྱས་ལ་འཁོར་གྱི་རྒྱས་པའི་སྐུ་ལ་ལ་ཞི་བ་ལ་མ་བོར་ཏེ་ཕྱག་འཚལ་བ་ན་བྱིན་ཏེ་རྒྱས་པའི་དྷ་རའི་ར་ལ་ཨི་བྱིན་ལ་གཙོ་བོའི་རིག་པ་འཕྲོག་ལ་གཉིས་སུ་བྱའོ། །ཡང་ན་འདི་ལྟར་ཡང་ཡིན་ཏེ། ཐམས་ཅད་སྔ་མ་བཞིན་ལ་བསྐྲད་པའི་ཤ་ལ་སཾ་གྱི་སྟོང་ཕྲོགས་ཏེ་བྱིན་ལ་གཙོ་བོ་ཞི་བའི་ཀུ་རུ་གཉིས་ཀྱིས་ཨུ་ཕྱི་མ་ལ་ཨེ་བྱིན་ཏེ་འཁོར་གྱི་ལྷའི་མ་ཧཱ་དང་དབང་གི་ས་མན་གྱི་ན་བསད་པའི་ཡ་གསོས་ལ་ཨེ་བྱིན་པ་ནི་གཅིག་སྟེ། དེ་གཉིས་གང་ཡང་རུང་བས་དམ་ཚིག་བསྟན་ཅིང་བསྟན་པར་བྱ་བ་ཡིན་ནོ། །ཞེས་བླ་མས་བསྟན་ཏོ། །ཡང་ན་དེ་རྣམས་ནི་སེམས་ཅན་ཐམས་ཅད་སྐྲག་པར་བྱེད་པ་ཞེས་པ་ལ་སོགས་པ་དང་རིམ་པ་བཞིན་དུ་སྦྱར་བར་བྱའོ་ཞེས་དགོངས་སོ། །

此处依口诀处理主尊父母之咒:除去开头 〔梵文 oṃ · 藏文 ཨོཾ · 中文 嗡〕 与末尾支分,于 〔梵文 jra la · 藏文 ཛྲ་ལ · 中文 吉拉 拉〕 等加 〔梵文 na · 藏文 ན · 中文 纳〕,作 〔梵文 ya hūṃ phaṭ svāhā · 藏文 ཡ་ཧཱུཾ་ཕཊ་སྭཱ་ཧཱ · 中文 雅 吽 帕特 斯瓦哈〕。上下同法。眷属增益之身与息业的音节有舍 ma、在礼敬处加 〔梵文 na · 藏文 ན · 中文 纳〕、于增业 〔梵文 dhara · 藏文 དྷ་ར · 中文 达拉〕 的 〔梵文 ra · 藏文 ར · 中文 拉〕 加 i、取主尊明咒而分二等处理。又一说,其余如前,在驱逐句的 〔梵文 śa · 藏文 ཤ · 中文 夏〕 处移取 〔梵文 saṃ · 藏文 སཾ · 中文 萨姆〕 的空点而加上;主尊息业两个 〔梵文 kuru · 藏文 ཀུ་རུ · 中文 库鲁〕 的后一个 u 加 e;眷属本尊 〔梵文 mahā · 藏文 མ་ཧཱ · 中文 玛哈〕、摄业 saman 的 〔梵文 na · 藏文 ན · 中文 纳〕、杀业 〔梵文 ya · 藏文 ཡ · 中文 雅〕 等,复加 e,合为一。以上二法随一皆可,用以显示三昧耶并作指示,是上师所教。 又一意是将那些词同「使一切众生惊怖」等顺次配释。

ད་ནི་སྙིང་པོ་བསྡུས་པ་བསྟན་པའི་ཕྱིར། ན་མོ་ཞེས་བྱ་བ་ལ་སོགས་པ་གསུངས་ཏེ་སྔ་མ་བཞིན་དུ་ཤེས་པར་བྱའོ། །དེ་ལྟར་ལྷ་ལྔ་པོའི་འཁོར་ན་གནས་པའི་ཐུགས་ཀྱི་ཁྲོ་བོ་བཅུ་སྔོན་ནི་བསྐུལ་ལ། མ་འོངས་པ་ལས་བཞི་འགྲུབ་པ་ཡིན་པས་དེ་བཤད་པ་ནི། ཧ་ར་ནི་ཧཱུཾ་མཛད་བསྐུལ་བ་སྟེ་དྲག་པོའོ། །མ་ཐ་ནི་རྣམ་པར་རྒྱལ་བ་བསྐུལ་བ་སྟེ་དེ་ཡང་དྲག་པོའོ། །དྷུ་ན་ནི་དབྱུག་སྔོན་ཅན་དེ་དབང་ངོ་། །ད་ཧ་ནི་གཤིན་རྗེ་མཐར་བྱེད་དེ་དེ་ཡང་དབང་ངོ་། །པ་ཙ་ནི་མི་གཡོ་བ་སྟེ་དྲག་པོའོ། །དྷཱ་ར་ནི་རྟ་མཆོག་སྟེ་ཞི་བའོ། །དཱ་ར་ཡ་ནི་གཞན་གྱིས་མི་ཐུབ་པ་སྟེ་རྒྱས་པའོ། །དཱ་རུ་ཎ་ནི་བདུད་རྩི་འཁྱིལ་པ་སྟེ་ཞི་བའོ། །ཙྪིནྡ་ནི་ཁམས་གསུམ་ལས་རྣམ་པར་རྒྱལ་བ་སྟེ་རིག་སྔགས་གཅད་པའོ། །བྷིནྡ་ནི་སྟོབས་པོ་ཆེའི་སྔགས་ཏེ་དེས་རིག་སྔགས་མནན་པ་འགྲུབ་པའོ། །དེ་དག་གིས་བྱ་བ་ཀུན་སྔ་མ་བཞིན་དུ་སྦྱར་བས་ལས་ཐམས་ཅད་འགྲུབ་པར་འགྱུར་རོ། །

现示略摄的心咒,故又说〔梵文 namo · 藏文 ན་མོ · 中文 纳莫〕等,如前而知。往昔用以劝起住于五尊眷属中的十位心忿怒尊,未来用以成办四业。分别说来,〔梵文 hara · 藏文 ཧ་ར · 中文 哈拉〕 劝起吽迦罗,属猛;〔梵文 matha · 藏文 མ་ཐ · 中文 玛塔〕 劝起尊胜,也属猛;〔梵文 dhuna · 藏文 དྷུ་ན · 中文 杜纳〕 是青杖,属摄;〔梵文 daha · 藏文 ད་ཧ · 中文 达哈〕 是阎曼德迦,也属摄;〔梵文 paca · 藏文 པ་ཙ · 中文 巴加〕 是不动,属猛;〔梵文 dhāra · 藏文 དྷཱ་ར · 中文 达拉〕 是马胜,属息;〔梵文 dāraya · 藏文 དཱ་ར་ཡ · 中文 达拉雅〕 是他不能胜,属增;〔梵文 dāruṇa · 藏文 དཱ་རུ་ཎ · 中文 达鲁纳〕 是甘露军荼利,属息;〔梵文 cchinda · 藏文 ཙྪིནྡ · 中文 加奇恩达〕 是胜三界,用以断明咒;〔梵文 bhinda · 藏文 བྷིནྡ · 中文 比恩达〕 是大力尊咒,由此成办压伏明咒。依前法相配,一切事业皆得成办。

ད་ནི་ལྷ་རྣམས་ཀྱི་ཡང་སྙིང་ཤིན་ཏུ་ཡང་བསྡུས་པ་གསུངས་པ་ནི་ན་མ་ཞེས་པ་ལ་སོགས་པ་སྟེ་དེ་ཡང་གཙོ་བོ་རྣམ་གཉིས་ལ་མཆོད་ཅིང་དེའི་སྙིང་པོའོ། །ཧུ་ལུ་ནི་རྡོ་རྗེ་ཀཱི་ལ་ཡའི་སྟེ་བྱས་པའོ། །ཏིཥྛ་ནི་རྡོ་རྗེ་བེ་ཅོན་གྱི་ཞི་བའིའོ། །བནྡཱ་ནི་རྡོ་རྗེ་ཐོ་བ་སྟེ་དབང་གིའོ། །ཧ་ན་ནི་རྡོ་རྗེ་གཏུམ་པོ་སྟེ་དྲག་པོའིའོ། །ཨ་མྲྀ་ཏེ་ནི་ཕོ་ཉ་དང་མངག་པ་ཡབ་ཡུམ་ཁྲོ་བོ་མི་འཆི་བ་དང་། ལུ་གུ་རྒྱུད་མའི་སྔགས་ཏེ་ཁྲུས་དང་བསྐྲད་པ་ལ་ཤེས་པར་བྱ་སྟེ་དེ་དག་གིས་ཀྱང་དེ་བཞིན་དུ་འགྱུར་རོ། །འདི་སྐད་སྟོན་ཏེ་སྔོན་དུ་བསྙེན་པ་ལ་ནི་གསུམ་པོ་གང་ཡང་རུང་བ་བཟླས་ལ་སྒྲུབ་པ་ལས་ལ་སྦྱར་བ་ནི་གཉིས་སུ་མེད་པར་ཤེས་པར་བྱ་སྟེ་ལས་སྒྲུབ་པ་ལ་ནི་མན་ངག་བཞིན་དུ་སྦྱར་རོ། །དེ་ཡང་བསྙེན་པ་གསུམ་སྟེ་སྒྲུབ་པ་གཉིས། །ལས་སྒྲུབ་སོ་སོར་ཤེས་པར་བྱ། །ཞེས་གསུངས་སོ། །

现在更为简略地说诸尊的心中之心,故说 〔梵文 nama · 藏文 ན་མ · 中文 纳玛〕 等。也是礼敬两种主尊,当知为其心咒。〔梵文 hulu · 藏文 ཧུ་ལུ · 中文 胡卢〕 是金刚橛尊之作;〔梵文 tiṣṭha · 藏文 ཏིཥྛ · 中文 迪什塔〕 是金刚棒的息业;〔梵文 bandā · 藏文 བནྡཱ · 中文 巴恩达〕 是金刚锤的摄业;〔梵文 hana · 藏文 ཧ་ན · 中文 哈那〕 是金刚猛尊的猛业;〔梵文 amṛte · 藏文 ཨ་མྲྀ་ཏེ · 中文 阿姆里德〕 是使者、受遣者父母忿怒不死尊及连锁母之咒,当知与沐浴、驱逐相配,其余亦如是。义为在先行亲近时三咒随诵其一,成就与运用于事业应知无二;逐一成办事业则依口诀配合。如说:「亲近有三,成就有二;事业成办各各应知。」

ད་ནི་དེ་དག་གི་མཇུག་བསྡུ་བའི་ཆོ་ག་ཕན་ཡོན་དང་བཅས་པ་ཕུན་སུམ་ཚོགས་པ་བསྟན་ཏེ། དེ་ཡང་སྡུག་བསྔལ་ཐམས་ཅད་བྲལ་བར་བྱེད་པའི་ཕན་ཡོན་ནི། །སྡིག་པ་ཐམས་ཅད་བྱང་བྱས་ནས། ཞེས་བྱ་ལ་སོགས་པ་གསུངས་ཏེ། དེ་དག་གི་སྔོན་བྱུང་དུ་རྒྱལ་པོ་ལོག་པའི་སྙིང་པོ་ལ་སོགས་པའི་འཁོར་རྣམས་ཐེ་ཚོམ་སྐྱེས་པ་ལ་དེ་དག་བྲོད་པ་བསྐྱེད་པའི་ཕྱིར་གསུངས་ལ། མ་འོངས་པ་ལ་ནི་སྒྲུབ་པའི་ཕན་ཡོན་དུ་སྦྱར་རོ། །དེ་ལ་སྡིག་པ་ནི་སྒྲིབ་པས་ན་སྡིག་པ་སྟེ་སྲོག་གཅོད་པ་ལ་སོགས་པ་མི་དགེ་བ་བཅུའི་ལས་སོ། །ཐམས་ཅད་ནི་དེ་དག་དང་ཉེ་བ་མ་ལུས་པའོ། །འདིས་དེ་དག་བྱང་བར་བྱས་པ་ནི་དག་པར་བྱེད་པའོ། །གཞན་ཡང་དེར་མ་ཟད་དེ་ལུས་ངག་ཡིད་གསུམ་ཟུག་རྔུས་གཟིར་བས་ན་སྡུག་བསྔལ་ཏེ་འགྱུར་བ་ལ་སོགས་པ་གསུམ་མམ་བརྒྱད་དོ། །མེད་པར་བྱེད་པ་ནི་སེལ་བར་བྱེད་པའོ། །དེ་ནས་སེམས་ཅན་ཞེས་བྱ་བ་ལ་སོགས་པར་འབྲེལ་ཏེ། སེམས་ཅན་གང་དག་སྔོན་གྱི་ལས་དང་རྐྱེན་དང་འབྱུང་པོས་མིག་ལ་སོགས་པའི་དབང་པོ་དྲུག་ཉམས་པ་ནི་ལོང་བ་ལ་སོགས་པ་སྟེ། དེ་ལ་སྔགས་འདིས་བཀྲུས་ནས་ཉམས་པ་ལས་སོས་ཏེ་ཐར་ཞེས་པར་འབྲེལ་ཏོ། །

今说最后收束的仪则及其利益圆满。为显示远离一切苦之益,说「净除一切罪」等。就往事说,是邪心王等会众生疑,为令他们生起勇气而说;对未来者,则配为修法的利益。「罪」因能障蔽而名罪,即杀生等十不善业。「一切」包括它们及其无余支分。「净除」是令得清净。不只如此,身语意三受苦痛逼迫即为苦,有变苦等三苦或八苦;「使无」就是除去。下与「众生」等语相连。众生因宿业、外缘或部多而眼等六根衰损,如盲等;此处须连下文,以咒作浴从根损恢复,故称「脱」。

དེ་བཞིན་དུ་ཚེ་ནི་འཚོ་བ་སྟེ་དེ་ཟད་པ་ནི་དུས་ལ་བབ་པ་སྟེ་དེ་ཡང་རིང་བར་འགྱུར་རོ། །ཚེ་ཉམས་པ་ནི་རྐྱེན་གྱི་ཚེ་ཚད་ལས་ཐུང་བར་གྱུར་པ་སྟེ་དེ་ཡང་ཚད་དུ་འཚོའོ། །ཕུན་སུམ་ཚོགས་པ་ནི་མ་ཚང་བ་མེད་པ་སྟེ་ནོར་ལ་སོགས་པ་ཡིན་ལ། དེ་དག་མ་ཚོགས་པའི་བྱུར་ནི་མིན་པ་སྟེ་དེས་སེམས་ཅན་གང་ལ་ཆགས་པ་ནི་གང་ལ་བྱུང་ཞིང་གནས་པ་ཡང་ཕུན་སུམ་ཚོགས་པར་འགྱུར་རོ། །ལྷ་རྣམས་ནི་མཐུ་དང་རྫུ་འཕྲུལ་ལ་སོགས་པ་དང་ལྡན་པའི་འཇིག་རྟེན་པ་དང་འཇིག་རྟེན་ལས་འདས་པའི་ལྷ་སྟེ། དེ་དག་བསྒྲུབས་ཀྱང་འཕངས་ནས་འགྲུབ་པར་མི་སྟེར་བ་ནི་རྒྱབ་ཀྱིས་ཏེ་ཕྱོགས་པ་ནི་རིང་བའོ། །དེ་ཡང་ཉེ་བར་བྱེད་དོ། །བདག་དང་ཡིད་གཅུགས་ཤིང་ཡིད་དུ་འོང་བ་ནི་མཛའ་སྡུག་སྟེ་སོ་སོར་གནས་པས་སྐྱེ་བོ་སྟེ་བདེན་པ་མ་མཐོང་བའོ། །དེ་སྡང་བ་ནི་བྱམས་པ་དང་བྲལ་བ་སྟེ་དེ་ཡང་བྱམས་པའོ། །བྲན་ནི་འཁོར་བཟང་པོའོ། །བཟའ་མི་ནི་ཆུང་མ་ལ་སོགས་པའོ། །སོགས་པ་ནི་མ་ལུས་པའི་ཉེ་བའོ། །དེ་དག་འབྱུང་པོས་གཙེས་པ་ནི་སྐྲག་ཅིང་བཅོམ་པ་སྟེ་དེ་ཡང་མི་འཚེ་བའོ། །

同样,「寿」是生命。「尽」是时候已到,这也可延长;「寿损」是遇缘而比应有寿量缩短,这也能活到足量。「圆满」是财等无一或缺;不圆满是那些条件未能具足的不幸,「依附某人」指它在谁身上生起、停留,那个人也会圆满。「诸天」是具力、神变等的世间及出世间天。虽作修持,他们弃而不赐成就,称「背向」,即远离;此亦能令亲近。「亲爱」是与我交心、可亲者;各别安住的「凡人」尚未见谛。他们「怀恨」即离慈爱,亦将变得慈爱。「仆」是善眷属;「家属」指妻等,「等」包括一切亲近者。部多「侵害」他们,即使受惊、受损,亦将不再侵害。

ཡང་ན། བྲམ་ཟེ་ལ་སོགས་གཙེས་པ་དང་། །ཞེས་གླེགས་བམ་ལ་ལ་ན་གནས་ཏེ། འཇིག་རྟེན་ན་བྲམ་ཟེ་དང་རྒྱལ་པོ་དང་རྗེའུ་དང་དམངས་ཀྱིས་བདག་གཙེས་པ་ལས་ཐར་བའོ། །ཡང་ན་བདག་གིས་བྲམ་ཟེ་དང་དགེ་སློང་ལ་སོགས་པ་ནུས་པ་ཅན་དང་ཞིང་དག་པས་གཙེས་པ་ཡང་ནུས་པ་བཟློག་ལ་སྡིག་པ་འདག་པར་འགྱུར་རོ། །ཡང་ན་བྲམ་ཟེས་ཁྱེར་བ་ཞེས་པ་སྟེ་གཟའ་སྐར་ངན་པ་ལ་ཤི་བ་ཡང་ཆོ་གས་ཕན་ནོ། །བདག་དང་གཞན་གཉིས་ནི་ཕན་ཚུན་ཏེ་དེ་དག་མི་མཐུན་པ་ནི་སེམས་མི་གཅུགས་ཤིང་ངག་དང་ལུས་འཐབ་པ་སྟེ་མཐུན་པར་འགྱུར་རོ། །སྔར་ལོངས་སྤྱོད་ཆེ་བ་ལ་ཕྱིས་བྱིན་པ་ཡིན་པས་ནོར་ཏེ་གསེར་ལ་སོགས་པའོ། །འགྲིབ་པ་ནི་བྲི་བའོ། །དེས་རྒྱུད་ལ་སྡུག་བསྔལ་བསྐྱེད་པས་གནོད་པའོ། །མྱ་ངན་ངལ་དང་གནོད་པ་ནི་གདུངས་པས་དུབ་པ་སྟེ་དེ་ལ་གདོན་གྱིས་ཚུགས་པར་སླའོ། །ཡང་ན་དང་ཞེས་སྦྱར་ཏེ་དུབ་པས་གནོད་པ་དང་ཕལ་པར་གནོད་པ་ཐམས་ཅད་དོ། །

又,有些经本作「婆罗门等侵害」,即从世间婆罗门、王族、吠舍、庶民对我的侵害中解脱。或是自己侵害婆罗门、比丘等有威力者与清净福田,也能令反作用退去,罪得清净。又作「为婆罗门所取」,即在不良星曜下死亡,也能由仪则得益。自他两方称「彼此」,其「不和」是心不相契、身语争斗,也能和合。昔日受用丰富,后来施出了;所谓「财」如金等,「损减」就是减少。它使心中生苦,故称为害。「忧愁、疲劳与侵害」,指受苦而疲乏,此时容易为附魅所乘。又可将「及」分配,指因疲乏而受害及一般的一切受害。

གཞན་ཡང་སྐྲག་ཅིང་བག་ཚ་བ་ནི་འཇིགས་པ་སྟེ་རྒྱལ་པོའི་ཆད་པ་ལ་སོགས་པ་བརྒྱད་དོ། །ཕོངས་པ་ནི་སྔ་ནས་དབུལ་བའོ། །གཞན་ཡང་གདུག་ཅིང་འཛིན་པས་གཟའ་སྟེ་པ་བ་སངས་ལ་སོགས་པས་གནོད་ཅིང་དེ་དག་ངན་པ་ལ་བབ་པའོ། །རྒྱུ་སྐར་ནི་ནམ་མཁའ་ལ་སོ་སོར་འཐོར་ནས་རྒྱུ་བ་སྟེ་སྨིན་དྲུག་ལ་སོགས་པའོ། །དེ་དག་ལ་ཁྲུས་བྱས་ཏེ་བཟློག་པས་ཞི་བར་འགྱུར་རོ། །བྱད་སྟེམས་ཞེས་པ་ནི་རིག་སྔགས་ངན་པའི་འཁྲུལ་འཁོར་གྱིས་མིང་བཅུག་སྟེ་གསོད་པར་འདོད་པའོ། །མི་བཟད་པའི་གདོན་ནི་ནད་ལ་སོགས་པ་ཚབས་ཆེར་འདེབས་པ་སྟེ་རྫུ་འཕྲུལ་ཆེ་བའི་ལྷ་ལ་སོགས་པའོ། །དེ་དག་གིས་ཉེན་པས་ནི་བཏབ་པའོ། །མྱ་ངན་ནི་ལུས་ངག་ཡིད་གསུམ་གདུངས་པའི་ཁྱད་པར་ཏེ་དེས་ཕུང་པོ་ངལ་ཏེ་གཉིད་ལོག་པའམ། དངོས་སུ་འབྱུང་པོ་བྱུང་བའོ། །དེའི་སྟོབས་ཀྱིས་གཉིད་ལོག་པས་སེམས་རྨོངས་ཏེ་ཡིད་ཀྱི་རྣམ་ཤེས་རྒྱུ་བས་རྨི་ལམ་སྟེ། དེར་སྡིག་པ་མཐོང་བས་ནི་ངན་པ་སྟེ་བཙོན་ར་ལ་སོགས་པའོ། །ཡང་ཞེས་པ་བཟླས་པ་སྟེ་ཀུན་ལ་སྦྱར་རོ། །ཡང་ན་དང་ཞེས་པ་སོ་སོར་སྦྱར་རོ། །དེ་དག་ཐམས་ཅད་ཀྱང་འདིའི་སྒོ་ནས་སེལ་ཅིང་དེ་དག་ལས་ཐར་བར་འགྱུར་རོ་ཞེས་སྦྱར་རོ། །དེ་དག་གི་རྒྱུད་ལས་འབྱུང་བ་ཐམས་ཅད་སེལ་བའོ། །

此外,惊惶、畏缩即「恐惧」,有王罚等八种。「匮乏」是原先便贫穷。又,因凶猛且执持而称为曜,如金星等造成侵害,遇上它们不吉之时。「宿」是散布空中各自运行者,如昴宿等。作浴、遣除此等,便获平息。「厌祷」指用恶明咒之术摄入名字,怀有害命的意图。「难忍附魅」是剧烈降下病患等者,如大神变的天等;「受其逼迫」就是受其侵袭。「忧愁」特指身语意受煎熬,因此诸蕴疲惫而入睡,或实际遇见部多。在其势力下入睡,心愚蒙而意识流动,就是梦。于其中见恶,指牢狱等凶象。「亦」表示复沓,遍配各项;又可分别配以「与」。这些都由本法消除,皆应连读「将从中解脱」。这是除掉其相续中所生的一切苦。

ད་ནི་རྒྱུད་ལ་བདེ་བ་ཐམས་ཅད་ལྡན་པར་བྱེད་པ་གསུངས་པ་ནི། །རྒྱུད་དོ་ཅོག་གི་རྩ་བ་སྟེ། །ཞེས་པ་བླང་ངོ་། །དེ་ཡང་སྔོན་འབྱུང་དུ་ནི་འབྲེལ་ཅིང་རྒྱུན་ཆགས་པས་རྒྱུད་དེ་རྒྱུད་དོ། །ཅོག་ནི་མ་ལུས་པའོ། །རྩ་བ་ནི་གཞན་ལ་མ་ལྟོས་ཤིང་གཞན་སྐྱེད་པར་བྱེད་པ་སྟེ། དེ་ནི་རྡོ་རྗེ་ལྷུན་པོ་རི་རབ་ཟོམ་གྱི་རྒྱུད་ཅེས་བྱ་བ་ལེའུ་བརྒྱ་དང་བརྒྱད་པའི་ལེའུ་དང་པོར་འདི་གསུངས་ལ། དེས་འདི་བཤད་པའོ། །རྒྱུད་དེ་བདག་གིས་མཐོང་ངོ་། །མ་འོངས་པ་ལ་ནི་བདག་གི་ཡོན་ཏན་མ་ལུས་པ་ནི་རྒྱུད་དོ་ཅོག་ཡིན་ལ་དེ་ལས་འབྱུང་བས་རྩ་བའོ། །ཡང་ན་ཆོས་ཐམས་ཅད་ཀྱི་རྩ་བ་རྡོ་རྗེ་ལྟ་བུའི་ཏིང་ངེ་འཛིན་ཡིན་པས་སོ། །ལ་ལ་དག་རྒྱུད་ཐམས་ཅད་ཀྱི་རྩ་བ་དབང་བསྐུར་བ་སྟེ། དེ་ཡང་ཆུ་ལ་རག་ལས་པས་ཞེས་འཆད་དེ་མ་ཡིན་ནོ། །གཞན་ཡང་དཔལ་ཀུན་ཏེ་བསྟེན་པར་འོས་ཤིང་ཡོན་ཏན་ཆེ་བ་སྟེ། འབྱོར་པ་དང་བུ་ལ་སོགས་པའམ་ཚོགས་གཉིས་སོ། །དེས་ལེགས་པར་བརྒྱན་པ་ནི་དེ་དག་ཡོངས་སུ་རྫོགས་ཤིང་ཚང་བ་འདིའི་སྒོ་ནས་བྱེད་པ་ཡིན་ནོ། །

现在说能令相续具足一切乐,应拈出「为诸续之根本」。就昔日所发生的事说,相连而相续不断,因此名「续」;「诸」即无余。「根本」是不依他、能生他者。《金刚须弥山顶续》有一百零八章,在第一章说了这个,而那部续解说了这部经。我见过那部续。 对未来者说,自身诸功德无一或缺即「诸续」,因由此生起,故称根本。或因一切法的根本是金刚喻定。有些人解说,一切续的根本是灌顶,而灌顶依水;这种解释不成立。又,「一切吉祥」是值得依止、功德广大,即财富、子嗣等,或福慧二资粮;「善为庄严」是说由此令这些圆满无缺。

དེ་ནས། ཚེ་དང་བསོད་ནམས་འཕེལ་བར་འགྱུར། ཞེས་པར་སྦྱར་ཏེ་བསོད་ནམས་ནི་གྲགས་པ་དང་ལོངས་སྤྱོད་དེ་ཡིད་བདེ་ཞིང་ལུས་ངག་རྒྱས་པར་བྱེད་པའོ། །སྡིག་པ་ཀུན་ནི་གོང་དུ་བསྟན་པའོ། །དེ་ལ་ཐར་བ་ནི་གྲོལ་བ་སྟེ། མངོན་པར་མཐོ་བ་དང་ངེས་པར་ལེགས་པ་ཐམས་ཅད་ཐོབ་པར་འགྱུར་བའོ་ཞེས་དགོངས་སོ། །དེ་དག་ནི་སྤྱིའི་བྱ་བའི་ཆོ་གའི་ཕན་ཡོན་ནོ། །ཡང་ན་ལས་དེ་དག་ལ་བྱ་བ་སོ་སོར་སྦྱར་བར་ཤེས་པར་བྱའོ། །

随后应与「寿与福德得增长」连读。「福德」指声誉与受用,能令意乐、身语增长。「一切罪」已在上文说明。「脱」即解脱,意在获得一切增上生与决定胜。这些是一般仪则的利益;也应懂得把所作分别配于各事业。

དེ་ལྟར་ཕན་ཡོན་འབྱུང་བ་བཤད་ནས་ད་ནི་ཆོ་ག་བཤད་པར་བྱ་བའི་ཕྱིར། དེས་ནི་ཞེས་བྱ་བ་ལ་སོགས་པ་གསུངས་ཏེ། དེ་ཡང་སྒྲུབ་པ་པོ་དང་བསྒྲུབ་བྱ་དག་སྟ་གོན་ལ་གནས་པའོ། །འདི་དག་གིས་ནི་འདས་པ་ལ་འདི་ལྟར་གྱིས་ཤིག་ཅེས་གདམས་ལ་མ་འོངས་པ་ལ་ཆོ་ག་བྱ་བ་དངོས་ཡིན་ནོ། །དེ་ལ་སྒྲུབ་པ་པོ་དང་བསྒྲུབ་བྱ། དེས་ནི་རབ་བཀྲུས་གཙང་མ་ཡིན། །ཞེས་གསུངས་ཏེ། ཕྱིའི་ཁྲུས་ནི་ཆུ་དང་སས་ལེགས་པར་བཀྲུས་པས་དྲི་མ་དག་པར་བྱ་བ་སྟེ་ལན་གསུམ་དུའོ། །གཙང་མའི་གོས་ནི་གཞན་དུ་ལོངས་མ་སྤྱད་པའི་གོས་སར་པ་ལན་གསུམ་དུ་བརྗེའོ། །དེ་བཞིན་དུ་ཟས་དཀར་གསུམ་བཟའ་བ་དང་། ཞག་གཅིག་སྨྱུང་བར་གནས་པར་བྱས་ལའོ། །ནང་གི་ཁྲུས་ནི། གང་དག་ཡིད་དགེ་སེམས་དང་ཞིང་། ཞེས་པ་སྟེ་ལུས་དང་ངག་དང་ཡིད་གསུམ་གྱིས་མི་དགེ་བ་བཅུ་མི་བྱེད་པར་སྡོམ་པ་ལ། སེམས་དང་བ་ནི་དད་པའོ། །དེ་དག་གིས་ནི་རྟེན་གྱི་གང་ཟག་དང་སྟ་གོན་ལ་གནས་པ་བསྟན་ཏོ། །

如是解说所生利益,现在为讲仪则,说「彼当」等。修者与所修对象都安住于预备行。就过去者,是教其如是作;就未来者,是实际应行的仪则。对于二者,经说「彼善沐浴而清净」。外浴,是以水、土好好洗去污垢,共三次。「清净衣」即换上未用过的新衣,换三次。同样,食三白食,持一日斋。内浴,即「凡意善、心净者」:摄护身语意三门不造十不善;「心清净」即信。此显示作为所依的人及预备行。

དེ་ནས་ས་བླང་བ་ལ་སོགས་པ་ཆོ་ག་དང་སྒྲུབ་ཐབས་ལས་བྱུང་བ་བཞིན་དུ་དཀྱིལ་འཁོར་འབྱོར་པའི་བྱེ་བྲག་གིས་བྲིས་ལ་རྫས་བཀོད་དེ་བསྒྲུབ་པར་བྱའོ། །ཞེས་བྱ་བའི་བར་དུའོ། །དེ་ཡང་དང་པོ་སྟ་གོན་གནས་པ་ཡིས། །ས་ཡི་ཆོ་ག་རྫོགས་བྱས་ཏེ། །འབྱོར་པ་དཀྱིལ་འཁོར་བྲི་བྱས་ལ། རྟེན་ལ་བརྟེན་དེ་བསྒྲུབ་པར་བྱ། །ཞེས་གསུངས་སོ། །དེའི་འོག་(དུ་,ཏུ་)ཁྲུས་ལ་སོགས་པ་སྔོན་དུ་སོང་བས་ལྷ་བསྐྱེད་པ་ནི་མདོ་སྡེ་ཞེས་བྱ་བ་ལ་སོགས་པའོ། །དེ་ཡང་སྔོན་བྱུང་ལ་ནི་མདོ་སྡེ་ཟབ་མོ་སངས་རྒྱས་ཀྱི་གསུངས་པ་འདི་མཉན་པར་བྱ་བ་དང་། དེའི་ཕན་ཡོན་བསྟན་པ་ལ་རྗེས་སུ་འཇུག་པ་ནི་ལྷ་བསྐྱེད་པ་དང་སྔགས་བཟླས་པའི་ཐབས་སུ་འགྱུར་རོ་ཞེས་དགོངས་པའོ། །

此后按仪则与成就法所说,取地等,视资财多寡画曼荼罗,陈置供物而修,至此为一段。如说:「先住预备行,圆成治地仪;随资画坛已,依所依而修。」其后以沐浴等为先,生起本尊,即「经」等语。往昔之事,是听闻佛说的甚深经并显示其利益;对后学而言,则成为生起本尊与诵咒的方便。

དེ་ལ་མདོ་སྡེ་ནི་རྒྱུད་དང་གཅིག་པ་སྟེ་དོན་ཟབ་མོ་སྡེར་སྟོན་ལ་ཚིག་གི་མདོ་ཙམ་དུ་གསུངས་པས་སོ། །ཡང་ན་གནས་དང་སྟོན་པ་ལ་སོགས་པ་གསུངས་པའོ། །དེ་ཡང་། གནས་རྣམས་དང་ནི་མཚན་ཉིད་དང་། ཆོས་དོན་སྨོས་ཕྱིར་མདོ་སྡེའོ། །ཞེས་པ་དང་། ཚིག་ཉུང་བ་ལ་དོན་རྒྱས་པའི། །མདོ་སྡེ་དམ་པ་བལྟ་བར་བྱ། །ཞེས་གསུངས་སོ། །དོན་དུ་བྱ་ན་གཟུངས་སྔགས་ཐམས་ཅད་དང་བཅས་པ་སྟེ་དམ་པ་ནི་མཆོག་གོ། །མཉན་པར་བྱ་བ་ནི་གདམས་པ་སྟེ་སངས་རྒྱས་དང་བླ་མ་ལ་རྣ་བས་ཐོས་ཤིང་ཤེས་པར་བྱ་བའོ། །དེ་ཉིད་གཞན་གྱིས་རྟོགས་པར་དཀའ་བས། ཟབ་མོ་སངས་རྒྱས་སྤྱོད་ཡུལ་ཏེ། སངས་རྒྱས་ཀྱིས་གསུངས་པའོ། །ཡང་ན་ཆོས་ཉིད་སྟོང་པའི་ལྷ་ལ་སོགས་པ་དྲུག་པོ་ཟབ་ཅིང་དེས་སངས་རྒྱས་ཀྱི་སྐུ་སྟེ་སྤྱོད་ཡུལ་དུ་བསྐྱེད་པའོ། །དེས་ནི་བསྙེན་པ་སྒྲ་ལ་གནས་པའི་བསམ་གཏན་གྱི་སྔགས་བཟླས་པ་ཡང་ཤེས་པར་བྱའོ་ཞེས་བྱ་བའི་དོན་ཏོ། །

此处「经」与续同,因为将深义分门显示,只以简短言辞说出;或因说有处所、导师等。如说「因举诸处、相及法义,故名经」,又说「应观文字少而义广大的殊胜经」。论其所指,包括所有陀罗尼咒。「殊胜」即最胜。「应听」是教授,应亲以耳从佛与上师听闻而理解。其他人难以证悟此义,故「甚深,是佛所行境」,是佛所说。又一义,法性空等六尊甚深,由此生起佛身为所行境。此亦教人知亲近修中住于声的禅定念诵。

ཉན་བྱེད་ན་ནི་ཐོས་ནའོ། །གཟི་བརྗིད་ནི་འོད་ཟེར་ཏེ་དཔལ་གང་ཡིན་པའོ། །ཡང་ན་ལྷ་དྲུག་པོའི་དོན་ནི་མདོ་སྡེ་ཡིན་ལ་དེ་ཉན་པ་ནི་སྒོམ་པའོ། །ད་ནི་བཟླས་པའི་བསམ་གཏན་ནི་ནོར་བུའི་ཕྲེང་བ་དང་ལྡན་པས་མདོ་སྡེའི་ལྷ་རྣམས་ཀྱི་ཐུགས་ཀ་ན་གནས་པའི་ཟླ་བ་དང་། རྡོ་རྗེ་དང་སྔགས་སོ། །དེའི་འོད་ཟེར་གྱི་སྤྲོ་བསྡུ་ནི་གཟི་བརྗིད་དོ། །དེས་ཇི་ལྟར་བསམས་ན་སྲོག་ཆགས་ཏེ་རླུང་ནང་ན་གནས་པ་འཚོ་བའོ། །མི་བཟད་པའི་ནད་ནི་འཚོ་བར་དཀའ་བའི་མཛེ་སྟེ་འབྱུང་བ་ལས་གྱུར་པ་དང་། ཀླུའི་གདོན་ནོ། །ཀྱང་ཞེས་པ་ནི་མི་མཐུན་པའི་རྐྱེན་ཏེ་དེ་ཡང་ཞི་ན་གནས་གཞན་སྨོས་ཅི་དགོས་ཞེས་པའི་དོན་ཏོ། །ཞི་བར་བལྟ་ནི་ཞི་བར་འགྱུར་བའོ། །ཡང་ན་ཞི་བར་བལྟ་ནི་སྔགས་བཟླས་སོ། །དེ་ནི་ཁྲོ་བོའི་ངག་ཏུ་ལས་སྦྱོར་གྱི་སྔགས་བཟླས་པར་བསྟན་ཏོ། །

「若听」就是若闻。「威光」是光线,亦即所有庄严。又一义,六尊之义即是经,听闻即是修习。现说念诵禅定:持宝珠鬘,于经中诸尊心间有月轮、金刚与咒;其光明的收放即威光。「具命者」指风息住于身内而得生存者。「难忍之病」是难以存活的癞病,由大种所生或龙魅所致。「亦」表示即便这般违缘都能平息,何况其他。「当见平息」即将平息;又可释为观想平息即诵咒,显示以忿怒语念诵事业咒。

ད་ནི་རྟེན་གང་ལ་བརྟེན་ཏེ་སྒྲུབ་པ་ནི་གསེར་རམ་ཡང་ན་ནི་ཞེས་བྱ་བ་ལ་སོགས་པ་གསུངས་ཏེ། །བསྙེན་པ་ལ་བུམ་པ་གཅིག །ལས་ལ་ལྔའོ། །དེའི་རྒྱུ་ནི་རིན་པོ་ཆེ་གསེར་ནི་རབ་བོ། །ཡང་ན་ནི་ཞེས་ཕྱོགས་གཞན་སྟོན་པ་སྟེ་དངུལ་ནི་འབྲིང་ངོ་། །ཀྱང་རུང་ཞེས་པ་ནི་བསྡུ་བ་སྟེ་ཟངས་ནི་ཐ་མའོ། །དེ་ལྟར་མ་འབྱོར་ན་ས་ལས་བུམ་པ་དམར་པོ་ནག་པོ་ར་རི་མེད་པར་བྱའོ། །དེ་ཡང་། བུམ་པ་པདྨ་དམར་པོའི་མདོག་འདྲ་ཞིང་། །ཞེས་པ་ལ་སོགས་པ་གསུངས་སོ། །དེས་ནི་བུམ་པའི་རྒྱུ་བསྟན་ཏོ། །འདི་དག་ནི་སྔོན་གྱི་དུས་དང་རྗེས་ཀྱི་དུས་འདྲ་བའོ། །

所依为何?故说「金,或者」等。亲近用一瓶,行事业用五瓶。材质宝物以上等金为最;「或者」表示另一选项,银为中等;「亦可」摄入铜,为下等。若不能备办,可以土制红瓶,无黑斑、污点。如说「宝瓶色如红莲」等。这是显示瓶的材质。往昔时与后来时在这些方面相同。

ད་ནི་སྙིང་པོ་དང་རྒྱན་ནི་ཆུ་ཡིས་དགང་ཞེས་པ་ལ་སོགས་པས་སྟོན་ཏེ། དེ་ཡང་འདིར་ཆུ་བོ་ཆེན་པོའི་ཆུ་དང་འོ་མས་ནང་དགང་བ་སྟེ་བཀྲུ་བ་དང་བསང་བས་བྱའོ། །འདིར་ཆུ་ཡི་གསེར་རམ་ཞེས་བྱ་བར་འདོད་དེ་འདི་ནི་རྨོངས་པས་མི་ཤེས་པར་བལྟའོ། །དེ་ནས་གཞན་དུ་ལོངས་མ་སྤྱད་པའི་རས་ཀྱི་གཙང་མས་ཐོར་ཅོག་གསུམ་གྱི་ཚུལ་དུ་དཀྲིའོ། །དེར་སྙིང་པོ་ནི་ནོར་བུ་སྟེ་ཡིད་དུ་འོང་བའི་མུ་ཏིག་མིག་མེད་པ་དང་། ཡུངས་ཀར་ཏེ་སྒྲུབ་པའི་རྫས་བགེགས་བསྐྲད་པ་སྣོད་དམ་པར་བླུགས་ཏེ་སྟེང་དུ་གཞག་གོ། །དཱུར་བ་ནི་རམ་པ་སྟེ། བཀྲ་ཤིས་པས་ལོ་མ་དང་བཅས་པ་དང་། ཀུ་ཤ་དང་རྨ་བྱའི་སྒྲོ་བདུན་བདུན་བུམ་པའི་ཁར་གཟུགས་སོ། །དཀོན་པས་ན་རིན་ཆེན་ཏེ་དེ་དག་རྨ་མེད་པ་ནི་མ་སྤྱད་ཅིང་མ་རྙིངས་པའི་སར་པའོ། །ཡང་ན་མིག་མེད་པ་སྟེ་གསེར་ལ་སོགས་པ་ལྔ་དང་། ཙནྡན་ནི་དྲི་དང་ལྡན་པ་དཀར་པོ་སྟེ། དེ་ལ་སོགས་པ་དྲི་ལྔ་དང་བཅས་པ་ནི་ལྷན་ཅིག་དོན་ཏེ་ཏིལ་ལ་སོགས་པ་འབྲུ་ལྔ་དང་། ཧ་ས་དེ་བ་ལ་སོགས་པ་སྨན་ལྔ་དང་། བུ་རམ་ལ་སོགས་པ་སྙིང་པོ་ལྔ་གསང་བ་སྤྱི་རྒྱུད་བཞིན་དུ་བླུགས་པར་བྱའོ། །

现在「装满水」等说明瓶内所藏与装饰。此处以大河水与乳充满,先洗净、净化。有人主张此处读作「水的金,或」,应知这是因愚蒙而不理解。随后以清净未用过的棉布缠绕,形如三顶髻。瓶中宝珠是悦意无孔的珍珠;白芥是驱障的修法物,置于洁器,放在上方。杜尔瓦草是 ram pa,取其吉祥,带叶,与吉祥草、孔雀翎各七插瓶口。稀有故名宝,「无瑕」是未经使用、未陈旧的新品,或指无孔。金等五宝、白色而芳香的旃檀等五香,同「俱」字配读;又如《秘密总续》所说,放入芝麻等五谷、ha sa de ba 等五药、蔗糖等五种精华。

དེར་ཡང་ཤེལ་དང་། རྡོ་རྗེ་ཕ་ལམ་དང་མེ་ཏོག་སྔོན་པོ་བཅུག་ལ་དེའི་ཕྲེང་བས་ཁ་ལ་བརྒྱན་ནོ། །དེའི་ཁར་ནི་བཀྲ་ཤིས་པའི་ཤིང་མྱ་ངན་མེད་པ་ལ་སོགས་པ་འབྲས་བུ་ཅན་གྱིས་བརྒྱན་ལ། རྡོ་རྗེ་གཞག་སྟེ་བཀྲ་ཤིས་པའི་ཐག་པས་བཏགས་ཏེ་ལས་ལ་སྔར་གཞུག་གོ། །དེ་དག་ནི་བསྙེན་པ་ལ་ཡང་ཤེས་པར་བྱའོ། །དེ་ཡང་རིན་པོ་ཆེ་ལ་སོགས་པའི་ཡོན་ཏན་ཤེས་པར་བྱ་སྟེ། ལྷའི་མཚན་མ་ནི་དགོད་པ་མ་ཡིན་པར་ཤེས་པར་བྱའོ། །དེ་ནས་བཟླས་པའི་གྲངས་བསྟན་པའི་ཕྱིར་ལན་གྲངས་ཞེས་པ་ལ་སོགས་པ་གསུངས་ཏེ། ཡང་ནས་ཡང་དུ་བསྐྱར་བས་ལན་གྲངས་ཏེ་གཟུངས་{རིངས་,རིང་}ནི་ཉི་ཤུ་རྩ་གཅིག་ལ། སྙིང་པོ་དང་ཡང་སྙིང་ནི་བརྒྱ་རྩ་བརྒྱད་དུ་བཟླས་སོ། །སུ་ནི་བྱེད་པ་གསུམ་པའི་གསུམ་པ་སྟེ་དེ་ནས་ཁྲུས་བྱ་ཞེས་པའོ། །

其中还放水晶、金刚钻、青花,以花鬘庄严瓶口。瓶口以无忧树等吉祥果树妆点,置金刚,以吉祥线系住,行事业时先放入。亲近修也应知这些。应知诸宝等的功能;不要把它理解为安置本尊的标志。次为显示诵数,说「遍数」等。反复重复故名遍数;长陀罗尼诵二十一遍,心咒与近心咒诵一百零八遍。「su」是第三作格中的第三,随后即说作浴。

འདི་སྐད་སྟོན་ཏེ་འདས་པ་ལ་ནི་གྲངས་དེས་ཆོག་པ་ཡིན་ལ། མ་འོངས་པ་ལ་ནི་སྔོན་དུ་བསྙེན་པ་འབུམ་རྫོགས་ནས་ལས་ལ་བསམ་གཏན་དང་ལྡན་པས་ཤེས་པར་བྱའོ་ཞེས་པའི་ཐ་ཚིག་གོ། །ལས་ལ་སྦྱར་བ་དངོས་བསྟན་པའི་ཕྱིར་རྒྱལ་པོ་ཞེས་གསུངས་ཏེ། སྔོན་བྱུང་བ་ལ་ནི་ལྷའམ་མི་ཆེ་བས་རྒྱལ་པོ་སྟེ་ལོག་པའི་སྙིང་པོའོ། །དེ་ནི་འཁོར་ཉེ་བའི་གདུལ་བྱ་ལ་དགོངས་པ་སྟེ་འཁོར་གཞན་ཡང་བཀག་པ་ནི་མ་ཡིན་ནོ། །རྗེས་འཇུག་ལ་ནི་རྒྱལ་པོ་བསོད་ནམས་ཆེ་བས་སྨོས་ཏེ། རྒྱལ་པོ་ལ་སོགས་པ་ཐམས་ཅད་ཅེས་སྦྱར་རོ། །རྟག་ཏུ་ནི་དུས་གསུམ་དུའོ། །བུམ་པའི་ཆུ་དེས་ཁྲུས་གྱིས་ཤིག་དང་ཞེས་གདམས་པའོ། །དེ་ལྟར་བྱས་ན་གོང་གི་ཕན་ཡོན་ཐོབ་པར་འགྱུར་རོ་ཞེས་སྦྱར་རོ། །དེས་ན་རྣལ་འབྱོར་པ་དུས་གསུམ་དུ་བཀྲུ་ལ། བསྒྲུབ་བྱ་ལ་ནི་མ་ཞི་བར་དུ་ཁྲུས་བྱ་བ་དང་། བྱ་བའི་རྒྱུད་ཡིན་པར་བསྟན་ཏོ། །དེ་ཡང་། རྟེན་མཆོག་དག་དང་ལྡན་བྱས་ནས། །མཁས་པ་གང་ལ་བཀྲུ་བྱས་ན། །མངོན་མཐོ་ངེས་ལེགས་འབྱུང་བར་འགྱུར། ཞེས་གསུངས་སོ། །

义为往昔用此数已足,未来则应先圆满十万遍亲近,行事业时具禅定。为显示实际运用,说「大王」。就昔事,是天或人中尊大者而称王,即邪心。这是就近前会众中所化者而说,不排除其余眷属。就后学而言,因国王福大而举,应配「大王等一切人」。「恒常」即三时;教其以瓶水沐浴。如是作则得上述利益,应连读。故瑜伽士三时洗浴,对所修对象则作浴直至平息,显示本法属事续。如说:「备具诸最胜所依,智者为谁作浴,彼将得增上生与决定胜。」

དེ་དག་གིས་ནི་འདི་སྐད་བསྟན་པར་འགྱུར་ཏེ། སྔོན་དུ་བསྙེན་པ་རྫོགས་ནས་སྟ་གོན་ལ་གནས་པས་སའི་ཆོ་གས་དཀྱིལ་འཁོར་འབྱོར་པའི་བྱེ་བྲག་གིས་བྲིས་ཏེ་བུམ་པ་དགོད་ཅིང་ལྷར་བསྐྱེད་ལ་སྔགས་དང་ཏིང་ངེ་འཛིན་དང་ལྡན་པས་བཟླས་ཏེ་ཁྲུས་ཀྱི་མན་ངག་བཞིན་བྱ་བ་དང་། བསྲུང་བ་དང་བཀྲུ་བ་ལ་སོགས་པ་བྱས་ཏེ་འབྱོར་པ་ཆུང་བས་དཔའ་བོ་གཅིག་པ་བསྟན་པར་བྱའོ་ཞེས་དགོངས་སོ། །རྫོགས་པ་ནི་ཡང་དག་པར་ཐོབ་པ་སྟེ་རྒྱུད་ཆེན་པོ་ནས་ཕྱུང་ཞེས་པའོ། །འདི་ལྟར་རྡོ་རྗེའི་གདམས་ངག་འདི། །ང་ཡིས་སྔོན་དུ་དོན་མཐོང་གིས། །ཐེ་ཚོམ་མེད་པར་སྒྲུབས་ཤིག་དང་། །དཔག་མེད་བསམ་པ་རྫོགས་པར་བྱེད། ལྷ་དང་བླ་མས་བསྐུལ་བའི་ཕྱིར། །འགྲེལ་པ་དྲི་མ་མེད་པ་འདི། །སངས་རྒྱས་གསང་བས་བྱས་པ་སྟེ། །འདི་ཡིས་ཀུན་ཀྱང་དེ་གྲོལ་ཤོག །

以上显示,先圆满亲近,住预备行,依治地仪,随资财画曼荼罗;布置宝瓶,生起为本尊,具咒及三摩地而诵,依沐浴口诀行持。作守护、洁净等;资财少者,应示独勇尊法。「圆满」是已圆满获得,意为从大续摘出。颂曰:「如是金刚教授,我先已见其义;当无疑修成,能圆满无量意愿。为本尊与上师所劝,我佛密作此无垢注。愿由此令一切皆得解脱。」

འཕགས་པ་རྡོ་རྗེ་རྣམ་པར་འཇོམས་པའི་འགྲེལ་པ་རིན་པོ་ཆེ་གསལ་བ་ཞེས་བྱ་བ། བྱ་བའི་རྒྱུད་ཀྱི་གྲུབ་པ་སངས་རྒྱས་གསང་བས་མཛད་པ་རྫོགས་སོ།། །།མཁན་པོ་དེ་ཉིད་དང་། ལོ་ཙཱ་བ་དབས་མཉྫུ་ཤྲཱི་ཝརྨས་བསྒྱུར་བའོ། །ཕྱིས་པཎྜི་ཏ་འཇོན་ཏེ་ཏའུ་ལ་དང་། ལོ་ཙཱ་བ་འོག་བསོད་ནམས་མོས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།

《圣摧破金刚注·宝明》,事续成就者佛密造,圆满。由该堪布本人及译师韦氏文殊铠翻译。后来班智达 ’Jon te ta’u la 与译师 ’Og bsod nams mos pa 重译、校订并定稿。

校读注