༄༅༅། །རྒྱ་གར་སྐད་དུ། བཛྲ་བི་དཱ་ར་ཎ་ནཱ་མ་དྷཱ་ར་ཎི་ཊཱི་ཀཱ། བོད་སྐད་དུ། རྡོ་རྗེ་རྣམ་པར་འཇོམས་པའི་གཟུངས་ཞེས་བྱ་བའི་རྣམ་པར་བཤད་པ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །རྒྱལ་བ་ཀུན་གྱི་གསང་མཛོད་འཛིན་པ་ཡི། །རྒྱུད་ཀྱི་དོན་འབྱུང་སྟོན་པའི་ངོ་བོ་ལ། །སྒོ་གསུམ་དང་བས་འདུད་དེ་ཕྱག་འཚལ་ནས། །མདོ་ཡི་རྣམ་བཤད་བདག་གིས་བྱ་བར་འདོད། །དེ་ལ་རྡོ་རྗེ་ཞེས་བྱ་བ་ནི་ཡང་དག་པའི་ཡེ་ཤེས་ལ་བྱ་སྟེ། རྟག་པ་དང་མི་རྟག་པ་བདེ་བ་དང་སྡུག་བསྔལ་གྱི་མཚན་མའི་དངོས་པོ་ཐམས་ཅད་འཇོམས་པ་ལ་བྱའོ། །དེ་ནས་འཇོམས་པ་ཞེས་བྱ་བའི་དོན་ཏོ། །གཟུངས་ཞེས་བྱ་བ་ནི་དབྱིངས་དང་ཡེ་ཤེས་གཉིས་སུ་མེད་པ་ལ་བྱའོ། །
印度语题为《Vajravidāraṇa-nāma-dhāraṇī-ṭīkā》。藏语题名为《摧破金刚陀罗尼释》。顶礼吉祥金刚手!执持诸佛秘密宝藏,为诸续义所出之源,导师的体性,我以清净三门顶礼。礼已,愿作经释。「金刚」指真实智慧;摧破常、无常、乐、苦等一切有相之物,故名「摧破」。「陀罗尼」指界与智无二。
དེ་ལྟར་མདོའི་བསྟན་ནས། ད་དགོས་འབྲེལ་གྱི་དོན་སྟོན་ཏེ། མ་ནོར་བར་སྟོན་པའི་ཕྱིར་སྟོན་པ་དང་། ཡོངས་སུ་དག་པའི་འཁོར་དང་། གང་དུ་བཤད་པའི་གནས་དང་། མ་ནོར་སྡུད་པའི་སྡུད་པ་པོ་དང་། གང་བཤད་པའི་མདོའི་དོན་ཏོ། །དེ་ལ་སྟོན་པ་ནི་བཅོམ་ལྡན་འདས་ཐུགས་ཡང་དག་པའི་ཏིང་ངེ་འཛིན་རྡོ་རྗེ་ལྟ་བུ་ལས་མ་གཡོས་ཀྱང་ཉིད་ཀྱི་ཆེ་བ་དབྱུང་བའི་དོན་དུ་ཐུགས་ཡང་དག་པའི་སྲས་གསང་བའི་བདག་པོ་ཕྱག་ན་རྡོ་རྗེ་ལ་ཤོད་ཅིག་པར་བྱིན་གྱིས་བརླབས་ནས། སངས་རྒྱས་ཀྱི་ཞིང་ཁམས་མཐའ་ཡས་པའི་ནང་དུ་རྡོ་རྗེ་རྣམ་པར་འཇོམས་པའི་དོན་འདི་ཕྱག་ན་རྡོ་རྗེ་ལས་རབ་ཏུ་ཐོབ་པའི་ཕྱིར་ན། འདི་སྐད་བདག་གིས་ཐོས་པ་དུས་ཅིག་ན་ཞེས་བྱ་བའོ། །སྟོན་པ་དང་། འཁོར་དང་། སྡུད་པ་དང་ལྡན་པས་ན་དུས་ཞེས་བྱ་བའོ། །ལན་གྲངས་མང་དུ་མ་གསུངས་པར་བརྒྱ་ལམ་དུ་གསུངས་པས་དུས་གཅིག་ན་ཞེས་བྱ་བའོ། །བཅོམ་ལྡན་འདས་རྡོ་རྗེ་ལ་བཞུགས་ཏེ་ཞེས་པ་ནི་བདུད་བཞི་བཅོམ་པ་ལ་བྱའོ། །ཡང་ན་བཅོམ་ལྡན་འདས་རྡོ་རྗེ་ལྟ་བུའི་ཏིང་ངེ་འཛིན་ལ་ཐུགས་མཉམ་པར་གཞག་པ་ལ་བྱའོ། །
如是示经[题]后,说明所为及关联之义:无误宣说的导师、清净会众、宣说之处、无误结集的结集者、所说经义。导师世尊之心虽未动离真实金刚喻定,为彰显其伟大,加持真实心子秘密主金刚手,嘱其宣说。在无边佛刹,由金刚手获得此摧破金刚之义,故说「如是我闻,一时」。导师、眷属、结集具足,故称「时」。非多次宣说,罕得一闻,故说「一时」。「世尊住于金刚」,指摧四魔;或指世尊之心平等安住金刚喻定。
སངས་རྒྱས་ཀྱི་མཐུས་ཞེས་པ་ནི་ཏིང་ངེ་འཛིན་ལ་སྙོམས་པར་ཞུགས་པ་ལ་བྱའོ། །ལག་ན་རྡོ་རྗེ་ལུས་ཐམས་ཅད་རྡོ་རྗེར་བྱིན་གྱིས་བརླབས་ནས་ཞེས་པ་ནི་ཡང་དག་པའི་ཡེ་ཤེས་རྡོ་རྗེ་ལྟར་འདུས་མ་བྱས་པ་ལ་བྱའོ། །རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་སོ། །ཞེས་པ་ནི་ཡང་དག་པའི་ཡེ་ཤེས་ཀྱི་ངོ་བོར་རབ་ཏུ་གནས་པ་ལ་བྱའོ། །དེ་ནས་ལག་ན་རྡོ་རྗེ་སངས་རྒྱས་ཀྱི་མཐུ་དང་ཞེས་པ་ནི་སྙོམས་པར་ཞུགས་མ་ཐག་ཏུ་བྱང་ཆུབ་སེམས་དཔའ་ཐམས་ཅད་ལ་མཐུ་སྟོན་པའི་ཕྱིར་རོ། །སངས་རྒྱས་ཀྱི་བྱིན་གྱི་རླབས་ཀྱིས་ཞེས་པ་ནི་ཀླུའི་རྒྱལ་པོ་མ་དྲོས་པས་ཆར་འབེབས་པ་དེ་བཞིན་དུ་མཐུ་སྟོབས་བསྐྱེད་པའི་ཕྱིར་རོ། །རྡོ་རྗེ་ཁྲོ་བོ་ལས་བྱུང་བ་ཞེས་པ་ནི་ལག་ན་རྡོ་རྗེར་བྱིན་གྱིས་བརླབས་པའི་མཐུས་དཀྱིལ་འཁོར་གྱི་ལྷ་རྣམས་ཀྱི་སྐུ་གསུང་ཐུགས་ལས་འཐོན་ནས་ཁམས་གསུམ་གྱི་དྲེགས་པ་ཅན་རྣམས་བཏུལ་བའོ། །རྡོ་རྗེ་སྙིང་པོས་རབ་ཏུ་སྨྲས་ཏེ་ཞེས་པ་ནི་སྐུ་གསུང་ཐུགས་རྡོ་རྗེ་ལྟར་འདུས་མ་བྱས་པ་དེས་སེམས་ཅན་ལ་ཕན་གདགས་པའི་ཕྱིར་འདི་གསུངས་སོ། །
「以佛之力」指入三摩地。「金刚手加持全身为金刚」指真实智慧如金刚,无为而成。「入金刚三摩地」指善住真实智体。「随后金刚手以佛之力」,是方入定即向诸菩萨显示威力。「以佛加持」,如无热恼龙王降雨,能生威力。「从金刚忿怒尊而生」,是仗加持金刚手之力,从曼荼罗诸尊身语意出生,调伏三界骄慢者。「以金刚心而宣说」,是身语意如金刚无为,由此为利众生而说。
ད་ནི་ཁྲོ་བོ་རྣམས་ཀྱི་རང་བཞིན་གྱི་དོན་ཐུགས་ཀ་ནས་ཕྱུང་བའི་དོན་དེ། མི་ཆོད་པ། མི་ཤིགས་པ་བདེན་པ་ཞེས་པས་གཤིན་རྗེ་གཤེད་སྟོན་ཏེ། གཟུང་བའི་ཡུལ་མ་གྲུབ་པས་མཚན་མ་ཐམས་ཅད་འཇོམས་པས་ཐོ་བ་བསྣམས་པའོ། །རྩ་བའི་སྙིང་པོ་མ་ཐ་ལས་བསྐྱེད་པས་མ་ཐ་ཞེས་བྱའོ། །དེ་བདག་གིས་བསྒོམས་ན་དངོས་གྲུབ་ཐོབ་སྟེ། དངོས་གྲུབ་དེ་བདུད་ཀྱིས་བར་དུ་མི་ཆོད་པས་ནི་མི་ཆོད་པ་ཞེས་བྱའོ། །སྐུ་གསུང་ཐུགས་མཚན་མའི་རྣམ་རྟོག་གིས་མི་ཤིགས་པས་ན། མི་ཤིགས་པ་ཞེས་བྱའོ། །བདེན་པ་ཞེས་པ་ནི་གསུང་གི་ངོ་བོ་བདེན་པ་དང་ལྡན་པས་ན་བདེན་པ་ཞེས་བྱ་བས་ཧཱུཾ་ཀ་ར་སྟོན་ཏེ། སྐུ་གསུང་ཐུགས་མི་འགྱུར་བས་ན་བདེན་པ་སྟེ་རྩ་བའི་སྔགས་མ་ཐ་མ་ཐ་ཞེས་པའོ། །སྲ་བ་བརྟན་པ་ཐམས་ཅད་དུ་ཐོགས་པ་མེད་པ་ཞེས་པས། རྣམ་པར་རྒྱལ་བའི་དོན་སྟོན་ཏེ། ཉོན་མོངས་པ་དང་འཁོར་བ་ལས་རྒྱལ་བའི་ཕྱིར་ན་ཡེ་ཤེས་ཀྱི་འཁོར་ལོ་བསྣམས་པ་སྐུ་གསུང་ཐུགས་རྡོ་རྗེ་ལྟར་སྲ་བས་ན་སྲ་བ་ཞེས་བྱའོ། །བྱང་ཆུབ་ཀྱི་སེམས་མི་འགྱུར་བས་ན་བརྟེན་པ་ཞེས་བྱའོ། །ཐུགས་རྡོ་རྗེ་དང་བརྩོན་འགྲུས་ཅི་ལ་ཡང་ཐོགས་པ་མེད་པས་ན་ཐོགས་པ་མེད་པའོ། །རྩ་བའི་ཡིག་འབྲུ་དྷུ་ན་ལས་བསྐྱེད་པས་ན་དྷུ་ན་དྷུ་ན་བཛྲ་ཞེས་བྱ་སྟེ་བདུད་ཀྱིས་གླགས་མི་རྙེད་པས་ན་སྲ་བ་བརྟན་པའི་དངོས་གྲུབ་ཐོབ་ལ། ཐམས་ཅད་དུ་ཐོགས་པ་མེད་པས་ན་ཐོགས་པ་མེད་པའི་དངོས་གྲུབ་ཐོབ་པའོ། །
今说由心间发出的诸忿怒尊自性之义。「不可断、不可坏、真实」显示阎魔敌;所取之境不成立,故摧一切相而执锤。由根本心字 〔梵文 matha · 藏文 མ་ཐ · 中文 玛塔〕 生,故称 〔梵文 matha · 藏文 མ་ཐ · 中文 玛塔〕。修之得悉地,其悉地魔所不能截,故「不可断」。身语意不为有相分别所坏,故「不坏」。语体具真实故「真实」,显示吽迦罗;身语意不变故真实,根本咒是 〔梵文 matha matha · 藏文 མ་ཐ་མ་ཐ · 中文 玛塔 玛塔〕。「坚硬、坚固、一切处无碍」示尊胜。胜烦恼与轮回,故持智轮;身语意如金刚坚硬;菩提心不变故坚固;金刚意及精进于何处皆无碍。由根字 〔梵文 dhuna · 藏文 དྷུ་ན · 中文 杜纳〕 生,故 〔梵文 dhuna dhuna vajra · 藏文 དྷུ་ན་དྷུ་ན་བཛྲ · 中文 杜纳 杜纳 瓦吉拉〕。魔无机可乘,得坚硬、坚固悉地;处处无碍,得无碍悉地。
ཐམས་ཅད་དུ་མ་ཕམ་པ། སེམས་ཅན་ཐམས་ཅད་སྐྲག་པར་བྱེད་པ། སེམས་ཅན་ཐམས་ཅད་འཇིལ་བར་བྱེད་པ་ནི་ད་ཧ་ད་ཧ་བཛྲ་ཞེས་པས་རྟ་མགྲིན་སྟོན་ཏེ། ཁམས་གསུམ་སེམས་ཅན་ཐམས་ཅད་བདུད་དང་དྲེགས་པ་ཐམས་ཅད་ལས་རྒྱལ་བས་ན། བདུད་ལ་སོགས་པ་སྐྲག་པར་བྱེད་པའོ། །འདོད་ཆགས་ལ་སོགས་པ་འཇིལ་བར་བྱེད་པས་ན་འཇིལ་བར་བྱེད་པ་དང་། ཉོན་མོངས་པའི་སྐྱོན་གྱིས་མ་གོས་པས་ན་པདྨ་བསྣམས་པའོ། །རྩ་བའི་སྙིང་པོ་ད་ཧ་ལས་བསྐྱེད་པས་ན། ད་ཧ་ད་ཧ་བཛྲ་ཞེས་པའོ། །དེས་ནི་ཧ་ཡ་གྲྀ་བའི་དོན་ནོ། །རིག་སྔགས་ཐམས་ཅད་གཅོད་པར་བྱེད་པ། རིག་སྔགས་ཐམས་ཅད་གནོན་པར་བྱེད་པ། ལས་ཐམས་ཅད་འཇོམས་པར་བྱེད་པ་ཞེས་པས་བདུད་རྩི་འཁྱིལ་པའི་དོན་བསྟན་ཏེ། ཕས་ཀྱི་དམོད་མོ་རྣམས་དང་། གཞན་གྱི་གནོད་པ་ཐམས་ཅད་ནི་ཡེ་ཤེས་ཀྱི་རང་བཞིན་གྱིས་གཅོད་པ་དང་། གནོན་པ་དང་འཇོམས་པས་ན་འཇོམས་པའོ། །རྩ་བའི་ཡི་གེ་པ་ཙ་ལས་བསྐྱེད་པས་ན། པ་ཙ་པ་ཙ་བཛྲ་ཞེས་པའོ། །རྫས་དང་ཡོ་བྱད་དང་ཆོ་ག་ཚང་བར་བྱས་ན་དམོད་མོའི་བྱེ་བྲག་ཐམས་ཅད་ཐར་བར་འགྱུར་རོ། །དེས་ནི་བདུད་རྩི་འཁྱིལ་པའི་དོན་ནོ། །
「一切处不败,使一切众生惊怖,镇伏一切众生」以 〔梵文 daha daha vajra · 藏文 ད་ཧ་ད་ཧ་བཛྲ · 中文 达哈 达哈 瓦吉拉〕 显示马头尊。胜三界一切有情、一切魔与骄慢者,使魔等惊怖;镇伏贪等,故称镇伏。不染烦恼过故持莲花。由根本心字 〔梵文 daha · 藏文 ད་ཧ · 中文 达哈〕 生,故说 〔梵文 daha daha vajra · 藏文 ད་ཧ་ད་ཧ་བཛྲ · 中文 达哈 达哈 瓦吉拉〕,这是马头尊之义。「断一切明咒、压一切明咒、摧一切业」显示甘露军荼利。以智自性断、压、摧对方诅咒及他人一切加害,故称摧。由根字 〔梵文 paca · 藏文 པ་ཙ · 中文 巴加〕 生,故说 〔梵文 paca paca vajra · 藏文 པ་ཙ་པ་ཙ་བཛྲ · 中文 巴加 巴加 瓦吉拉〕。若具物、资聚与全备仪则,得脱各种诅咒,是甘露军荼利之义。
གཞན་གྱི་ལས་ཐམས་ཅད་འཇིག་པར་བྱེད་པ། གདོན་ཐམས་ཅད་རླག་པར་བྱེད་པ། གདོན་ཐམས་ཅད་ལས་ཐར་བར་བྱེད་པ་ཞེས་པ་ནི་སྟོབས་པོ་ཆེའི་དོན་སྟོན་ཏེ། ཐུགས་རྗེ་ཆེན་པོའི་བྱེ་བྲག་གིས་ཕྱིར་རྒོལ་བ་ཐམས་ཅད་འཇིག་པར་བྱེད་པའོ། །སངས་རྒྱས་ཀྱི་ཡེ་ཤེས་ཀྱིས་གདོན་ཐམས་ཅད་མི་གནས་ཤིང་རླག་པར་བྱེད་པས་ན་རླག་པར་བྱེད་པའོ། །ཚེ་དང་དབང་ཐང་འཕྲོག་པ་ཐམས་ཅད་ལས་ཐར་བར་མཛད་པས་ན། གདོན་ཐམས་ཅད་ལས་ཐར་བར་བྱེད་པ་ཞེས་བྱའོ། །རྩ་བའི་ཡི་གེ་དྷ་ར་ལས་བསྐྱེད་པས་ན་དྷ་ར་དྷ་ར་བཛྲ་ཞེས་པའོ། །འབྱུང་པོ་ཐམས་ཅད་འགུགས་པར་བྱེད་པ། །རིག་སྔགས་ཀྱི་ལས་ཐམས་ཅད་བྱེད་དུ་འཇུག་པ་ཞེས་པ་ནི། གཞན་གྱིས་མི་ཐུབ་པའི་དོན་སྟོན་ཏེ། ཐབས་མཁས་པའི་ཐུགས་རྗེས་འབྱུང་པོའི་རིགས་ཐམས་ཅད་དབང་དུ་བསྡུས་ན་འཁོར་བས་ན་འབྱུང་པོ་ཐམས་ཅད་འགུགས་པར་བྱེད་པའོ། །ཐུགས་རྗེ་ཆེན་པོ་ལ་མངའ་བརྙེས་ཤིང་ལེགས་པ་ཐམས་ཅད་བྱེད་དུ་འཇུག་པ་ཞེས་གཞན་ལ་སྟོན་པ་དང་། ཉམས་སུ་ལེན་དུ་འཇུག་པས་ན་རིག་སྔགས་ཀྱི་ལས་ཐམས་ཅད་བྱེད་དུ་འཇུག་པ་ཞེས་བྱའོ། །རྩ་བའི་ཡི་གེ་དཱ་ར་ཡ་ལས་བསྐྱེད་དེ་དཱ་ར་ཡ་དཱ་ར་ཡ་བཛྲ་ཞེས་པས་གཞན་གྱིས་མི་ཐུབ་པའི་དོན་བསྟན་པའོ། །
「坏他一切业、灭一切附魅、令从一切附魅得脱」,显示大力尊。以大悲的差别作用摧破一切敌对者;以佛智令一切附魅无所住而毁灭;令从一切夺寿、夺威势者手中得脱。由根字 〔梵文 dhara · 藏文 དྷ་ར · 中文 达拉〕 生,故说 〔梵文 dhara dhara vajra · 藏文 དྷ་ར་དྷ་ར་བཛྲ · 中文 达拉 达拉 瓦吉拉〕。「召一切部多、令一切明咒事业运作」,显示他不能胜尊。以善巧悲心摄诸部多,令其围绕,故称召请;自在掌握大悲,将一切善事教示他人,又令修习,故称令一切明咒事业运作。由根字 〔梵文 dāraya · 藏文 དཱ་ར་ཡ · 中文 达拉雅〕 生,以 〔梵文 dāraya dāraya vajra · 藏文 དཱ་ར་ཡ་དཱ་ར་ཡ་བཛྲ · 中文 达拉雅 达拉雅 瓦吉拉〕 显示他不能胜尊。
མ་གྲུབ་པ་རྣམས་གྲུབ་པར་བྱེད་པ། གྲུབ་པ་རྣམས་ཆུད་མི་ཟ་བར་བྱེད་པ་འདོད་པ་ཐམས་ཅད་རབ་ཏུ་སྦྱིན་པ་ཞེས་པས་ནི་མི་གཡོ་མགོན་པོའི་དོན་སྟོན་ཏེ་ཐུགས་ཡང་དག་པས་དངོས་གྲུབ་མ་གྲུབ་པ་རྣམས་གྲུབ་པར་བྱེད་པས་ན་གྲུབ་པར་བྱེད་པའོ། །གྲུབ་པ་རྣམས་བདུད་ཀྱི་དབང་དུ་མི་འགྱུར་བར་འགྲུབ་པས་ན། གྲུབ་པ་རྣམས་ཆུད་མི་ཟ་བའོ། །འདོད་པ་ཐམས་ཅད་སྐོང་བས་ན་འདོད་པ་ཐམས་ཅད་རབ་ཏུ་སྦྱིན་པའོ། །རྩ་བའི་ཡི་གེ་དཱ་རུ་ཎ་ལས་བསྐྱེད་པས་ན། དཱ་རུ་ཎ་དཱ་རུ་ཎ་བཛྲ་ཞེས་པའོ། །སེམས་ཅན་ཐམས་ཅད་སྲུང་བ་ཞེས་པས་ནི་དབྱུག་པ་སྔོན་པོའི་དོན་སྟོན་ཏེ། ཐབས་མཁས་པའི་ཐུགས་རྗེས་ཁམས་གསུམ་གྱི་སེམས་ཅན་ཐམས་ཅད་ཀྱི་ཉོན་མོངས་པའི་སྡུག་བསྔལ་ལས་ཕན་གདགས་པས་ན། སེམས་ཅན་ཐམས་ཅད་སྲུང་བའོ། །རྩ་བའི་ཡི་གེ་ཙྪིནྡ་ལས་བསྐྱེད་པས་ན་ཙྪིནྡ་ཙྪིནྡ་བཛྲ། ཞེས་པའོ། །ཞི་བ་རྒྱས་པ། སེམས་ཅན་ཐམས་ཅད་རེངས་པར་བྱེད་པ་ཞེས་པས། ཧ་ར་ཧ་ར་བཛྲ་ཞེས་པས་དབུས་ཀྱི་གཙོ་བོའི་དོན་སྟོན་ཏེ། རྡོ་རྗེ་རྣམ་འཇོམས་དེས་ཕྱིན་ཅི་ལོག་གི་ཉོན་མོངས་པ་ཐམས་ཅད་ཞི་བར་མཛད་པས་ཡོན་ཏན་གྱི་ཚོགས་ཐམས་ཅད་རྒྱས་པར་བྱེད་པས་བདུད་དྲེགས་པ་ཅན་ཐམས་ཅད་རེངས་པར་བྱེད་པའོ། །རྩ་བའི་སྙིང་པོ་ཧ་ར་ཧ་ར་བཛྲ་ཞེས་པའོ། །སེམས་ཅན་ཐམས་ཅད་རྨུགས་པར་བྱེད་པའི་གསང་སྔགས་ཀྱི་མཐུ་ཆེན་པོ་འདི་ཞེས་པས་ནི་ཐུགས་ཡེ་ཤེས་བཞིའི་ངོ་བོ་ལས་སྒོ་བ་བཞིར་སྤྲུལ་ནས་བདུད་དྲེགས་པ་ཅན་གླགས་ཚོལ་བ་རྣམས་རྨུགས་པར་བྱས་ཏེ། ཞི་བར་བྱས་པའི་དོན་ཏེ་སྒོ་བཞིའི་དོན་བསྟན་པའོ། །སངས་རྒྱས་ཀྱི་མཐུས་ལག་ན་རྡོ་རྗེས་ཞེས་པའི་གོང་དུ་ཁྲོ་བོ་རྣམས་ཀྱི་རང་བཞིན་བསྟན་པ་ལས་དུས་གསུམ་གྱི་སངས་རྒྱས་ཐམས་ཅད་ཀྱིས་ལག་ན་རྡོ་རྗེ་ལ་མཐུ་སྟོབས་ཀྱི་བདག་པོར་བྱིན་གྱིས་བརླབས་ནས། ལག་ཏུ་ཡེ་ཤེས་ཀྱི་རྟགས་རྡོ་རྗེ་བྱིན་ཏེ་མིང་གི་དབང་བསྐུར་ནས་སྲིད་པ་གསུམ་གྱི་མཐུ་ཅན་དུ་བྱིན་གྱིས་བརླབས་པའོ། །དེས་ནི་ཁྲོ་བོ་བཅུའི་སྔགས་ཀྱི་དོན་བཤད་དོ། །
「令未成者成、已成者不空耗、普施一切所愿」,显示不动怙主。以真实心使未成的悉地成就;已成者不落魔掌而稳成,故不空耗;满一切愿故普施。由根字 〔梵文 dāruṇa · 藏文 དཱ་རུ་ཎ · 中文 达鲁纳〕 生,故 〔梵文 dāruṇa dāruṇa vajra · 藏文 དཱ་རུ་ཎ་དཱ་རུ་ཎ་བཛྲ · 中文 达鲁纳 达鲁纳 瓦吉拉〕。「守护一切众生」显示青杖尊,以善巧悲心于三界一切有情的烦恼苦中利益他们,故称守护。由根字 〔梵文 cchinda · 藏文 ཙྪིནྡ · 中文 加奇恩达〕 生,故 〔梵文 cchinda cchinda vajra · 藏文 ཙྪིནྡ་ཙྪིནྡ་བཛྲ · 中文 加奇恩达 加奇恩达 瓦吉拉〕。「息、增、使一切众生僵住」,〔梵文 hara hara vajra · 藏文 ཧ་ར་ཧ་ར་བཛྲ · 中文 哈拉 哈拉 瓦吉拉〕 显示中央主尊。摧破金刚息一切颠倒烦恼,增一切功德资粮,使一切骄魔僵住,根心咒是 〔梵文 hara hara vajra · 藏文 ཧ་ར་ཧ་ར་བཛྲ · 中文 哈拉 哈拉 瓦吉拉〕。「使一切众生昏沉的大威力密咒」,是意四智的体性化四守门尊,使伺隙的骄魔昏沉、平息,示四门之义。「以佛之力,金刚手」以上已示忿怒尊自性。三世诸佛加持金刚手为威力之主,将智慧之标志金刚授于手中,赐名灌顶,加持为三有中的大力者。以上释十忿怒尊的咒义。
རབ་ཏུ་སྨྲས་སོ་ཞེས་པ་ནི་འདི་ནས་མར་ཕྱག་ན་རྡོ་རྗེ་ཉིད་ཀྱི་ཕྲིན་ལས་ཀྱི་དོན་བསྟན་པའོ། །ན་མོ་རཏྣ་ཏྲ་ཡཱ་ཡ་ཞེས་པ་ནི་དཀོན་མཆོག་གསུམ་ལ་ཕྱག་འཚལ་ལོ། །ཞེས་པའི་དོན་ཏོ། །ན་མཤྩཎ་ཌ་བཛྲ་པཱ་ཎ་ཡེ་ཞེས་པ་ནི་རྡོ་རྗེ་རིན་ཆེན་གྱི་ངོ་བོ་ཕྱག་ན་རྡོ་རྗེའི་ཡང་དག་པའི་སྙིང་པོའོ། །མ་ཧཱ་ཡཀྵ་སེ་ན་པ་ཏ་ཡེ་ཞེས་པ་ནི། གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་དྲག་པོ་ལ་ཕྱག་འཚལ་ལོ། །ཞེས་པའི་དོན་ཏོ། །ཏདྱ་ཐཱ་ཞེས་པའི་དོན་ནི་འདི་ལྟ་སྟེ་ཞེས་པའི་དོན་ནོ། །ཨོཾ་ཏྲ་ཊ་ཏྲ་ཊ་ཞེས་པ་ནི་ཡེ་ཤེས་ཀྱི་ལྷའི་ངོ་བོ་ཡིན་པས་ཉོན་མོངས་པ་ཐམས་ཅད་སོད་སོད་ཅེས་པའོ། །ཏྲོ་ཊ་ཡ་ཏྲོ་ཊ་ཡ་ཞེས་པ་ནི་ཕྱག་ན་རྡོ་རྗེའི་བྱིན་རླབས་ཀྱིས་རབ་ཏུ་སོད་སོད་ཅེས་པའོ། །སྥུ་ཊ་སྥུ་ཊ་ཞེས་པ་ནི་བདག་གི་བགེགས་ཐམས་ཅད་ཟུང་ལ་ཡེ་ཤེས་ཀྱི་མེས་སྲེགས་སྲེགས་ཞེས་པའོ། །སྥོ་ཊ་ཡ་སྥོ་་ཊ་ཡ་ཞེས་པ་ནི་ཡེ་ཤེས་ཀྱི་ཐོ་བས་རྡུངས་ཤིག་རྡུངས་ཤིག་ཅེས་པའོ། །གྷུརྞ་གྷུརྞ་ཞེས་པ་ནི་ཐུགས་རྗེའི་ལྕགས་ཀྱུའི་ཟུང་ལ་བསྐྱོད་ཅིག་བསྐྱོད་ཅིག་ཅེས་པའོ། །གྷུརྞྞ་པ་ཡ་གྷུརྞྞ་པ་ཡ་ཞེས་པ་ནི་ལེགས་པར་སྐྲོད་ལེགས་པར་སྐྲོད་ཅེས་པའོ། །
「宣说」,以下示金刚手自己的事业。〔梵文 namo ratnatrayāya · 藏文 ན་མོ་རཏྣ་ཏྲ་ཡཱ་ཡ · 中文 纳莫 拉特纳特拉雅雅〕即顶礼三宝;〔梵文 namaś caṇḍa vajrapāṇaye · 藏文 ན་མཤྩཎ་ཌ་བཛྲ་པཱ་ཎ་ཡེ · 中文 纳玛希 加恩达 瓦吉拉巴纳耶〕,是金刚宝体、金刚手真实心髓;〔梵文 mahāyakṣasenāpataye · 藏文 མ་ཧཱ་ཡཀྵ་སེ་ན་པ་ཏ་ཡེ · 中文 玛哈雅克沙塞纳巴达耶〕,即顶礼猛厉夜叉大军主金刚手。〔梵文 tadyathā · 藏文 ཏདྱ་ཐཱ · 中文 达德雅塔〕意为如下。以下各句依次解为:〔梵文 oṃ traṭa traṭa · 藏文 ཨོཾ་ཏྲ་ཊ་ཏྲ་ཊ · 中文 嗡 特拉达 特拉达〕智尊体性,请杀灭、杀灭一切烦恼!〔梵文 troṭaya troṭaya · 藏文 ཏྲོ་ཊ་ཡ་ཏྲོ་ཊ་ཡ · 中文 特罗达雅 特罗达雅〕以金刚手加持,尽灭、尽灭!〔梵文 sphuṭa sphuṭa · 藏文 སྥུ་ཊ་སྥུ་ཊ · 中文 斯普达 斯普达〕擒我一切障,以智火焚烧、焚烧!〔梵文 sphoṭaya sphoṭaya · 藏文 སྥོ་ཊ་ཡ་སྥོ་་ཊ་ཡ · 中文 斯波达雅 斯波达雅〕以智慧锤击打、击打!〔梵文 ghurṇa ghurṇa · 藏文 གྷུརྞ་གྷུརྞ · 中文 古尔纳 古尔纳〕用大悲钩摄而震动、震动!〔梵文 ghurṇṇapaya ghurṇṇapaya · 藏文 གྷུརྞྞ་པ་ཡ་གྷུརྞྞ་པ་ཡ · 中文 古尔恩纳巴雅 古尔恩纳巴雅〕善加驱遣、善加驱遣!
སརྦ་སཏྭཱ་ནི་ཞེས་པ་ནི་སེམས་ཅན་ཐམས་ཅད་ལ་ཐུགས་རྗེས་གཟིགས་ཤིག་ཅེས་པའོ། །བོ་དྷ་བོ་དྷ་ཞེས་པ་ནི་ཁམས་གསུམ་གྱི་སེམས་ཅན་ཐམས་ཅད་བྱང་ཆུབ་ཏུ་སེམས་བསྐྱེད་ཅིག་ཅེས་པའོ། །སཾ་བོ་དྷ་ཡ་སཾ་བོ་དྷ་ཡ་ཞེས་པ་ནི་འགྲོ་བ་ཐམས་ཅད་ཁོངས་སུ་ཆུད་པར་མཛོད་ཅིག་ཅེས་པའོ། །བྷྲ་མ་བྷྲ་མ་ཞེས་པ་ནི་བྱང་ཆུབ་སེམས་དང་མི་ལྡན་པའི་བགེགས་ཐམས་ཅད་སོད་ཅིག་ཅེས་པའོ། །སཾ་བྷྲ་མ་ཡ་སཾ་བྷྲ་མ་ཡ་ཞེས་པ་ནི་ཕྱིན་ཅི་ལོག་གི་ཉོན་མོངས་པ་ཐམས་ཅད་ཐུགས་རྗེས་ལེགས་པར་སོད་ཅིག་ཅེས་པའོ། །སརྦ་བྷཱུ་ཏ་ནི་ཞེས་པ་ནི་གདོན་དང་འབྱུང་པོ་ཐམས་ཅད་གཏུབས་ལ་ཐུགས་ཡེ་ཤེས་ཀྱི་སྤྱན་གྱིས་གཟིགས་ཤིག་ཅེས་པའོ། །ཀུ་ཊ་ཀུ་ཊ་ཞེས་པ་ནི་བདག་ལ་གནོད་པའི་གདོན་ཐམས་ཅད་རྡུངས་ཤིག་ཅེས་པའོ། །སཾ་ཀུ་ཊ་ཡ་སཾ་ཀུ་ཊ་ཡ་ཞེས་པ་ནི་འཇིག་རྟེན་ན་གནོད་པ་བྱེད་པ་ཐམས་ཅད་བྱམས་པའི་ཐུགས་རྗེས་རྡུངས་ཤིག་ཅེས་པའོ། །སརྦ་ཤ་ཏྲཱུཾ་ནཱཾ་ཞེས་པ་ནི་བདག་ལ་གནོད་པའི་དགྲ་བགེགས་ཐམས་ཅད་ཡང་དག་པའི་ཡེ་ཤེས་ཀྱིས་སྲེགས་ཤིག་ཅེས་པའོ། །གྷ་ཊ་གྷ་ཊ་ཞེས་པ་ནི་བགེགས་ཐམས་ཅད་ཐུགས་རྗེས་སོད་ཅིག་ཅེས་པའོ། །སཾ་གྷ་ཊ་ཡ་སཾ་གྷ་ཊ་ཡ་ཞེས་པ་ནི་ལེགས་པར་སོད་ཅིག་ཅེས་པའོ། །
以下咒词顺次为:〔梵文 sarva sattvāni · 藏文 སརྦ་སཏྭཱ་ནི · 中文 萨尔瓦 萨特特瓦尼〕以悲眼垂视一切众生!〔梵文 bodha bodha · 藏文 བོ་དྷ་བོ་དྷ · 中文 波达 波达〕令三界一切众生发菩提心!〔梵文 saṃbodhaya saṃbodhaya · 藏文 སཾ་བོ་དྷ་ཡ་སཾ་བོ་དྷ་ཡ · 中文 萨姆波达雅 萨姆波达雅〕令一切众生得解悟!〔梵文 bhrama bhrama · 藏文 བྷྲ་མ་བྷྲ་མ · 中文 布拉玛 布拉玛〕灭一切不具菩提心的障!〔梵文 saṃbhramaya saṃbhramaya · 藏文 སཾ་བྷྲ་མ་ཡ་སཾ་བྷྲ་མ་ཡ · 中文 萨姆布拉玛雅 萨姆布拉玛雅〕以悲善灭一切颠倒烦恼!〔梵文 sarva bhūtani · 藏文 སརྦ་བྷཱུ་ཏ་ནི · 中文 萨尔瓦 布达尼〕斩碎一切附魅、部多,以心智眼垂视!〔梵文 kuṭa kuṭa · 藏文 ཀུ་ཊ་ཀུ་ཊ · 中文 库达 库达〕击打一切害我的附魅!〔梵文 saṃkuṭaya saṃkuṭaya · 藏文 སཾ་ཀུ་ཊ་ཡ་སཾ་ཀུ་ཊ་ཡ · 中文 萨姆库达雅 萨姆库达雅〕以慈悲击打一切害世间者!〔梵文 sarva śatrūṃnāṃ · 藏文 སརྦ་ཤ་ཏྲཱུཾ་ནཱཾ · 中文 萨尔瓦 夏特鲁姆纳姆〕以真实智焚烧一切害我的仇敌、障类!〔梵文 ghaṭa ghaṭa · 藏文 གྷ་ཊ་གྷ་ཊ · 中文 嘎达 嘎达〕以悲灭一切障!〔梵文 saṃghaṭaya saṃghaṭaya · 藏文 སཾ་གྷ་ཊ་ཡ་སཾ་གྷ་ཊ་ཡ · 中文 萨姆嘎达雅 萨姆嘎达雅〕善为摧灭!
སརྦ་བིདྱཱ་བཛྲ་བཛྲ་ཞེས་པ་ནི། རིག་སྔགས་ཀྱི་མཐུ་གང་ལ་བྱ་བ་ཐམས་ཅད་རྡོ་རྗེ་འབར་བས་འགྲུབ་པར་གྱིས་ཤིག་པའོ། །སྥོ་ཊ་ཡ་བཛྲ་བཛྲ་ཞེས་པ་ནི་ཡེ་ཤེས་ཀྱི་རྡོ་རྗེ་འབར་བས་ཉོན་མོངས་པ་ཐམས་ཅད་སོད་ཅིག་ཅེས་པའོ། །ཀ་ཊ་བཛྲ་བཛྲ་ཞེས་པ་ནི་ཡེ་ཤེས་གྲུབ་པའི་རྡོ་རྗེ་འབར་བས་ཉོན་མོངས་པ་ཐམས་ཅད་ཆོད་ཅིག་ཅེས་པའོ། །མ་ཊ་བཛྲ་བཛྲ་ཞེས་པ་ནི་བྱང་ཆུབ་ཀྱི་སེམས་ཀྱི་རྡོ་རྗེས་བདག་གི་གདུག་པ་ཐམས་ཅད་གཏུབས་ཤིག་ཅེས་པའོ། །མ་ཐ་བཛྲ་བཛྲ་ཞེས་པ་ནི་ཡང་དག་པའི་ཡེ་ཤེས་ཀྱི་རྡོ་རྗེས་བགེགས་ཐམས་ཅད་ཐུལ་ཅིག་ཅེས་པའོ། །ཨཊྟ་ཧཱ་ས་ནཱི་ལ་ཡ་བཛྲ་ཞེས་པ་ནི་རྡོ་རྗེ་རྣོན་པོ་མེ་དང་འདྲ་བས་ཉོན་མོངས་པའི་བག་ཆགས་ཐམས་ཅད་ཆོད་ཅིག་དྲོལ་ཅིག་ཅེས་པའོ། །སུ་བཛྲ་བཛྲ་སྭཱཧཱ་ཞེས་པ་ནི་ཐུགས་ཡང་དག་པར་མཁྱེན་པའི་རྡོ་རྗེས་ཆོས་ཀྱི་དབྱིངས་རྣམ་པར་དག་པ་ལ་ལེགས་པར་སྤྱོད་ཅིག་ཅེས་པའོ། །
上引诸句依次释为:〔梵文 sarva vidyā vajra vajra · 藏文 སརྦ་བིདྱཱ་བཛྲ་བཛྲ · 中文 萨尔瓦 维德雅 瓦吉拉 瓦吉拉〕以炽燃金刚,令明咒力所作诸事皆成!〔梵文 sphoṭaya vajra vajra · 藏文 སྥོ་ཊ་ཡ་བཛྲ་བཛྲ · 中文 斯波达雅 瓦吉拉 瓦吉拉〕以炽燃智慧金刚灭一切烦恼!〔梵文 kaṭa vajra vajra · 藏文 ཀ་ཊ་བཛྲ་བཛྲ · 中文 卡达 瓦吉拉 瓦吉拉〕以成就智慧的炽燃金刚截断一切烦恼!〔梵文 maṭa vajra vajra · 藏文 མ་ཊ་བཛྲ་བཛྲ · 中文 玛达 瓦吉拉 瓦吉拉〕以菩提心金刚斩碎我一切凶恶!〔梵文 matha vajra vajra · 藏文 མ་ཐ་བཛྲ་བཛྲ · 中文 玛塔 瓦吉拉 瓦吉拉〕以真实智金刚调伏一切障!〔梵文 aṭṭahāsa nīlaya vajra · 藏文 ཨཊྟ་ཧཱ་ས་ནཱི་ལ་ཡ་བཛྲ · 中文 阿特达哈萨 尼拉雅 瓦吉拉〕以如火的锋利金刚,断除、解开一切烦恼习气!〔梵文 su vajra vajra svāhā · 藏文 སུ་བཛྲ་བཛྲ་སྭཱཧཱ · 中文 苏 瓦吉拉 瓦吉拉 斯瓦哈〕以如实了知的心金刚,善行于清净法界!
དེ་ཡན་ཆད་ཀྱིས་ཕྱག་ན་རྡོ་རྗེའི་ཕྲིན་ལས་ཀྱི་དོན་བཤད་ནས་ད་ནི་ཁྲོ་བོ་རྣམས་ཀྱི་ཕྲིན་ལས་ཀྱི་དོན་སྟོན་ཏེ། ཧེ་ཕུལླུ་ནི་རུ་ཕུལླུ་ཞེས་པ་ནི། རྡོ་རྗེ་འབར་བ་ཁམས་གསུམ་པའི་ཉོན་མོངས་པ་རྣམས་ཐུགས་རྗེ་འབར་བས་ཆོད་ཅིག་ཅེས་པའོ། །གྲྀཧྞ་ཀུལླུ་ཞེས་པ་ནི་ཁམས་གསུམ་གྱི་སེམས་ཅན་ཐམས་ཅད་ཀྱི་གཤིན་རྗེའི་སྡུག་བསྔལ་ཐམས་ཅད་ཆོམས་ཤིག་ཅེས་པའོ། །མི་ལི་ཙུལླུ་ཀུ་རུ་ཀུ་ལུ་ཞེས་པ་ནི་དཔལ་རྟ་མགྲིན་སྔོན་པོ་འབར་བས་སྡུག་བསྔལ་ཐམས་ཅད་སྦྱོང་ཤིག་ཅེས་པའོ། །བཛྲ་བི་ཛ་ཡ་སྭཱ་ཧཱ་ཞེས་པ་ནི་ཁྲོ་བོ་བདུད་རྩི་འཁྱིལ་པས་ཉོན་མོངས་པ་ཐམས་ཅད་བདུད་རྩིར་བྱིན་གྱིས་རློབས་ཤིག་ཅེས་པའོ། །ཀཱི་ལི་ཀཱི་ལཱ་ཡ་སྭཱཧཱ་ཞེས་པ་ནི་ཁྲོ་བོ་སྟོབས་པོ་ཆེའི་དྲག་ཤུལ་གྱིས་མཛོད་ཅིག་ཅེས་པའོ། །ཀ་ཊ་ཀ་ཊ་ཞེས་པ་ནི་ཁྲོ་བོ་རྒྱལ་པོས་བདུད་ཐམས་ཅད་སྤ་བཀོངས་ཤིག་ཅེས་པའོ། །མ་ཊ་མ་ཊ་ཞེས་པ་ནི་ཁྲོ་བོ་ཧཱུཾ་ཀ་རས་ཉོན་མོངས་པ་ཐམས་ཅད་ལས་སྐྱོབས་ཤིག་ཅེས་པའོ། །ར་ཊ་ར་ཊ་ཞེས་པ་ནི་ཁྲོ་བོ་པདྨ་འཁྱིལ་པས་ཉོན་མོངས་པ་ཐམས་ཅད་ཞི་བར་མཛོད་ཅིག་ཅེས་པའོ། །མོ་ཊ་མོ་ཊ་པྲ་མོ་ཊ་ཎ་ཡ་སྭཱཧཱ་ཞེས་པ་ནི་ཡེ་ཤེས་ཀྱི་རྡོ་རྗེ་འབར་བས་གཤིན་རྗེ་རྟོགས་ཤིག་ཅེས་པའོ། །ཙ་ར་ནི་ཙ་ར་ཞེས་པ་ནི་ཁྲོ་བོའི་རྒྱལ་པོ་ནཱི་ལ་དཎྜས་བདག་དང་སེམས་ཅན་ཐམས་ཅད་ལ་ཚེ་དང་དབང་སྩོལ་ཅིག་ཅེས་པའོ། །ཧ་ར་ཧ་ར་ཞེས་པ་ནི་ཡེ་ཤེས་ཀྱི་གཤོག་པས་འཁོར་བའི་སྡུག་བསྔལ་ལས་སྐྱོབས་ཤིག་ཅེས་པའོ། །ས་ར་ས་ར་མཱ་ར་ཡ་མཱ་ར་ཡ་ཞེས་པ་ནི་ཡེ་ཤེས་ཀྱི་རྡོ་རྗེས་ཉོན་མོངས་པ་རྣམས་སོད་ལ་རྡུལ་དུ་རློག་ཅིག་ཅེས་པའོ། །བཛྲ་བི་དཱ་ར་ཎ་ཡ་སྭཱཧཱ་ཞེས་པས་རྡོ་རྗེ་རྣམ་པར་འཇོམས་པས་སེམས་ཅན་ཐམས་ཅད་ཀྱི་ལས་མཛོད་ཅིག་ཅེས་པའོ། །
以上释金刚手事业,以下释忿怒尊事业。依上引咒句顺次为:〔梵文 he phullu niru phullu · 藏文 ཧེ་ཕུལླུ་ནི་རུ་ཕུལླུ · 中文 黑 普勒卢 尼鲁 普勒卢〕以炽燃金刚、炽燃大悲截断三界烦恼!〔梵文 gṛhṇa kullu · 藏文 གྲྀཧྞ་ཀུལླུ · 中文 格里赫纳 库勒卢〕摧三界众生一切阎魔之苦!〔梵文 mili cullu kuru kulu · 藏文 མི་ལི་ཙུལླུ་ཀུ་རུ་ཀུ་ལུ · 中文 米利 居勒卢 库鲁 库卢〕以吉祥炽燃青马头净一切苦!〔梵文 vajra vijaya svāhā · 藏文 བཛྲ་བི་ཛ་ཡ་སྭཱ་ཧཱ · 中文 瓦吉拉 维扎雅 斯瓦哈〕甘露军荼利将一切烦恼加持为甘露!〔梵文 kīli kīlāya svāhā · 藏文 ཀཱི་ལི་ཀཱི་ལཱ་ཡ་སྭཱཧཱ · 中文 基利 基拉雅 斯瓦哈〕以大力忿怒尊的威猛而行!〔梵文 kaṭa kaṭa · 藏文 ཀ་ཊ་ཀ་ཊ · 中文 卡达 卡达〕忿怒王夺一切魔的气势!〔梵文 maṭa maṭa · 藏文 མ་ཊ་མ་ཊ · 中文 玛达 玛达〕吽迦罗从一切烦恼中救护!〔梵文 raṭa raṭa · 藏文 ར་ཊ་ར་ཊ · 中文 拉达 拉达〕莲花旋忿怒尊息一切烦恼!〔梵文 moṭa moṭa pramoṭaṇaya svāhā · 藏文 མོ་ཊ་མོ་ཊ་པྲ་མོ་ཊ་ཎ་ཡ་སྭཱཧཱ · 中文 莫达 莫达 普拉莫达纳雅 斯瓦哈〕以炽燃智金刚证知阎魔!〔梵文 cara nicara · 藏文 ཙ་ར་ནི་ཙ་ར · 中文 加拉 尼加拉〕青杖忿怒王赐我与一切众生寿及自在!〔梵文 hara hara · 藏文 ཧ་ར་ཧ་ར · 中文 哈拉 哈拉〕以智慧翼护离轮回苦!〔梵文 sara sara māraya māraya · 藏文 ས་ར་ས་ར་མཱ་ར་ཡ་མཱ་ར་ཡ · 中文 萨拉 萨拉 玛拉雅 玛拉雅〕以智金刚灭烦恼,使之碎成尘!〔梵文 vajra vidāraṇaya svāhā · 藏文 བཛྲ་བི་དཱ་ར་ཎ་ཡ་སྭཱཧཱ · 中文 瓦吉拉 维达拉纳雅 斯瓦哈〕摧破金刚为一切有情作事业!
ཙྪིནྡ་ཙྪིནྡ་ཞེས་པ་ནི། རྟ་མགྲིན་གྱིས་ཉོན་མོངས་པ་ཐམས་ཅད་ཚར་ཆོད་ཅིག་ཅེས་པའོ། །བྷིནྡ་བྷིནྡ་ཞེས་པ་ནི། སེམས་ཅན་ཐམས་ཅད་སྡུག་བསྔལ་བ་ཞི་བར་གྱིས་ཤིག་ཅེས་པའོ། །མ་ཧཱ་ཀཱི་ལི་ཀཱི་ལཱ་ཡ་སྭཱཧཱ། ཞེས་པ་ནི་ཁྲོ་བོ་སྟོབས་པོ་ཆེས་ཉོན་མོངས་པ་ཐམས་ཅད་ཞི་བར་མཛོད་ཅིག་ཅེས་པའོ། །བན་དྷ་བན་དྷ་ཞེས་པ་ནི་ཁྲོ་བོ་ཊཀྐི་རཱ་ཛས་གདུག་པ་ཅན་གྱི་བདུད་ཐམས་ཅད་ཟུང་ལ་ཆོམས་ཤིག་ཅེས་པའོ། །ཀྲོ་དྷ་ཀྲོ་དྷ་ཞེས་པ་ནི་ཁྲོ་བོ་རྣམས་ཀྱིས་ཉོན་མོངས་པ་རྣམས་ལ་རོལ་ཅིག་ཅེས་པའོ། །ཀཱི་ལི་ཀཱི་ལཱ་ཡ་སྭཱ་ཧཱ་ཞེས་པ་ནི་ཁྲོ་བོ་བདུད་རྩི་འཁྱིལ་པས་གདུག་པ་རྣམས་ཞི་བར་མཛོད་ཅིག་ཅེས་པའོ། །ཙུ་རུ་ཙུ་རུ་ཞེས་པ་ནི་ཁྲོ་བོ་ཨ་མོ་གྷ་པཱ་ཤས་ཕྲིན་ལས་མཛོད་ཅིག་ཅེས་པའོ། ཙཎྜ་ལི་ཞེས་པ་ནི་ཁྲོ་བོ་རྒྱལ་པོ་ཚུར་སྤྱོན་དམ་ཚིག་ལ་དགོངས་ཤིག་ཅེས་པའོ། །ཀཱི་ལི་ཀཱི་ལཱ་ཡ་སྭཱཧཱ། ཞེས་པ་ནི་ཁྲོ་བོ་བདུད་རྩི་འཁྱིལ་པའི་ཐུགས་ཚད་མེད་པའི་གསུང་སྒྲས་ཐམས་ཅད་བྱང་ཆུབ་སེམས་སུ་ཞི་བར་མཛོད་ཅིག་ཅེས་པའོ། །ཏྲཱ་ས་ཡ་ཏྲཱ་ས་ཡ་ཞེས་པ་ནི་ཁྲོ་བོ་མ་ཧཱ་བ་ལས་བགེགས་ཐམས་ཅད་སྐྲོད་ཅིག་ཅེས་པའོ། །བཛྲ་ཀཱི་ལི་ཀཱི་ལཱ་ཡ་སྭཱཧཱ་ཞེས་པ་ནི་ཡེ་ཤེས་ཀྱི་རྡོ་རྗེ་འབར་བས་ཐམས་ཅད་ཞི་བར་མཛོད་ཅིག་ཅེས་པའོ། །ཧ་ར་ཧ་ར་བཛྲ་དྷ་རཱ་ཡ་སྭཱ་ཧཱ་ཞེས་པ་ནི་རྡོ་རྗེ་འབར་བའི་སྒོ་བ་བཞིས་བགེགས་ཐམས་ཅད་སྲེགས་ཤིག་ཅེས་པའོ། །པྲ་ཧ་ར་པྲ་ཧ་ར་ཞེས་པ་ནི་ཁྲོ་བོ་བདུད་རྩི་འཁྱིལ་པས་མཚན་མའི་རྟོག་པ་ཐམས་ཅད་ཞི་བར་མཛོད་ཅིག་ཅེས་པའོ། །བཛྲ་པྲ་བྷཉྫ་ནཱ་ཡ་སྭཱཧཱ་ཞེས་པ་ནི་བྱང་ཆུབ་ཀྱི་སེམས་རྡོ་རྗེ་འབར་བས་ཉོན་མོངས་པའི་བག་ཆགས་ཐམས་ཅད་ཞི་བར་མཛོད་ཅིག་ཅེས་པའོ། །དེ་ཡན་ཆད་ཀྱིས་ནི་ཁྲོ་བོ་རྣམས་ཀྱི་ཕྲིན་ལས་ཀྱི་དོན་བཤད་དོ། །
后列诸咒依次释为:〔梵文 cchinda cchinda · 藏文 ཙྪིནྡ་ཙྪིནྡ · 中文 加奇恩达 加奇恩达〕马头尊折伏一切烦恼!〔梵文 bhinda bhinda · 藏文 བྷིནྡ་བྷིནྡ · 中文 比恩达 比恩达〕令一切有情的苦平息!〔梵文 mahā kīli kīlāya svāhā · 藏文 མ་ཧཱ་ཀཱི་ལི་ཀཱི་ལཱ་ཡ་སྭཱཧཱ · 中文 玛哈 基利 基拉雅 斯瓦哈〕大力忿怒尊息一切烦恼!〔梵文 bandha bandha · 藏文 བན་དྷ་བན་དྷ · 中文 巴恩达 巴恩达〕吒枳王执持、摧破一切凶魔!〔梵文 krodha krodha · 藏文 ཀྲོ་དྷ་ཀྲོ་དྷ · 中文 克罗达 克罗达〕诸忿怒尊游戏于诸烦恼!〔梵文 kīli kīlāya svāhā · 藏文 ཀཱི་ལི་ཀཱི་ལཱ་ཡ་སྭཱ་ཧཱ · 中文 基利 基拉雅 斯瓦哈〕甘露军荼利息灭诸恶!〔梵文 curu curu · 藏文 ཙུ་རུ་ཙུ་རུ · 中文 居鲁 居鲁〕不空罥索作事业!〔梵文 caṇḍali · 藏文 ཙཎྜ་ལི · 中文 加恩达利〕忿怒王请来,忆念三昧耶!〔梵文 kīli kīlāya svāhā · 藏文 ཀཱི་ལི་ཀཱི་ལཱ་ཡ་སྭཱཧཱ · 中文 基利 基拉雅 斯瓦哈〕甘露军荼利以无量心之语音,令一切于菩提心中寂静!〔梵文 trāsaya trāsaya · 藏文 ཏྲཱ་ས་ཡ་ཏྲཱ་ས་ཡ · 中文 特拉萨雅 特拉萨雅〕大力忿怒尊驱尽诸障!〔梵文 vajra kīli kīlāya svāhā · 藏文 བཛྲ་ཀཱི་ལི་ཀཱི་ལཱ་ཡ་སྭཱཧཱ · 中文 瓦吉拉 基利 基拉雅 斯瓦哈〕以炽燃智金刚息灭一切!〔梵文 hara hara vajra dharāya svāhā · 藏文 ཧ་ར་ཧ་ར་བཛྲ་དྷ་རཱ་ཡ་སྭཱ་ཧཱ · 中文 哈拉 哈拉 瓦吉拉 达拉雅 斯瓦哈〕炽燃金刚四守门尊焚烧诸障!〔梵文 prahara prahara · 藏文 པྲ་ཧ་ར་པྲ་ཧ་ར · 中文 普拉哈拉 普拉哈拉〕甘露军荼利息一切有相分别!〔梵文 vajra prabhañjanāya svāhā · 藏文 བཛྲ་པྲ་བྷཉྫ་ནཱ་ཡ་སྭཱཧཱ · 中文 瓦吉拉 普拉巴尼扎纳雅 斯瓦哈〕以炽燃菩提心金刚息尽烦恼习气!以上释忿怒尊事业。
ད་ནི་ཁྲོ་བོ་རྣམས་ཀྱི་བསྲུང་བའི་དོན་སྟོན་ཏེ། མ་ཏི་སྠི་ར་བཛྲ་ཞེས་པ་ནི་བློ་བརྟན་པའི་རྡོ་རྗེས་བྱང་ཆུབ་སེམས་ཀྱི་རང་བཞིན་དང་ལྡན་པར་གྱིས་ཤིག་ཅེས་པའོ། །སུ་ཏི་སྠི་ར་བཛྲ་ཞེས་པ་ནི་ཤིན་ཏུ་བརྟན་པའི་རྡོ་རྗེས་ལེགས་པའི་ཡོན་ཏན་དང་ལྡན་པར་གྱུར་ཅིག་ཅེས་པའོ། །པྲ་ཏིསྠི་ར་བཛྲ་ཞེས་པ་ནི་སོ་སོར་བརྟན་པའི་རྡོ་རྗེས་བདག་གི་ལུས་བརྟེན་པར་མཛོད་ཅིག་ཅེས་པའོ། །མ་ཧཱ་བཛྲ་ཞེས་པ་ནི་ཆེན་པོ་རྡོ་རྗེས་བདུད་ལས་རྒྱལ་བར་མཛོད་ཅིག་ཅེས་པའོ། །ཨ་པྲ་ཏི་ཧ་ཏ་བཛྲ་ཞེས་པ་ནི་རབ་ཏུ་བརྟན་པའི་རྡོ་རྗེས་བདག་ལ་ཡེ་ཤེས་ཀྱི་མཚོན་ཆ་གསོལ་ཅིག་ཅེས་པའོ། །ཨ་མོ་གྷ་བཛྲ་ཞེས་པ་ནི་དོན་ཡོད་པའི་རྡོ་རྗེས་གཞན་ཐམས་ཅད་འཇོམས་པའོ་ཞེས་པའོ། །ཨེ་ཧྱ་ཧི་བཛྲ་ཞེས་པ་ནི་བདེན་པའི་རྡོ་རྗེས་བདག་འཁོར་བ་ལས་དྲོངས་ཤིག་ཅེས་པའོ། །ཤཱི་གྷཾ་བཛྲཱ་ཡ་སྭཱཧཱ་ཞེས་པ་ནི་དཔའ་བར་འགྲོ་བའི་རྡོ་རྗེས་རིངས་པར་བདག་གི་ལས་འགྲུབ་པར་མཛོད་ཅིག་ཅེས་པའོ། །དྷ་ར་དྷ་ར་ཞེས་པ་ནི་སྒོ་བཞིའི་སྲུང་བ་བསྟན་ཏེ། བྱང་ཆུབ་སེམས་ཀྱི་རང་བཞིན་ཐམས་ཅད་ཁྱེར་ལ་གཟུངས་སུ་གྱིས་ཞེས་པའོ། །དྷི་རི་དྷི་རི་ཞེས་པ་ནི་དབྱིངས་ཀྱི་རང་བཞིན་ཆོས་ཉིད་དང་ལྡན་པར་གྱིས་ཤིག་ཅེས་པའོ། །དྷུ་རུ་དྷུ་རུ་ཞེས་པ་ནི་ལུས་ཐམས་ཅད་ཐུགས་རྗེས་ཟུངས་ལ་ཐོགས་ཤིག་ཅེས་པའོ། །སརྦ་བཛྲ་ཀུ་ལཾ་ཨཱ་བརྟ་ཡ་སྭཱཧཱ། ཞེས་པ་ནི་རྡོ་རྗེ་འཁོར་ལོ་དང་བཅས་པས་བདག་ལ་བྱིན་གྱིས་རློབས་ཤིག་ཅེས་པའོ། །ཨ་མུ་ཀཾ་མཱ་ཡ་ཕཊ་ཅེས་པ་ནི་བདག་དུས་མ་ཡིན་པའི་འཇིགས་པ་ལས་བཟློག་ལ་བདུད་ཐམས་ཅད་ཆོམས་ཤིག་ཅེས་པའོ། །དེ་ཡན་ཆད་ཁྲོ་བོ་བཅུའི་སྲུང་བའི་དོན་བཤད་དོ། །
今示忿怒尊守护。上列诸句依次释为:〔梵文 mati sthira vajra · 藏文 མ་ཏི་སྠི་ར་བཛྲ · 中文 玛迪 斯提拉 瓦吉拉〕以慧坚固的金刚令具菩提心自性!〔梵文 su ti sthira vajra · 藏文 སུ་ཏི་སྠི་ར་བཛྲ · 中文 苏 迪 斯提拉 瓦吉拉〕以极坚金刚令具善德!〔梵文 prati sthira vajra · 藏文 པྲ་ཏིསྠི་ར་བཛྲ · 中文 普拉迪 斯提拉 瓦吉拉〕以各别坚固金刚使我身稳固!〔梵文 mahāvajra · 藏文 མ་ཧཱ་བཛྲ · 中文 玛哈瓦吉拉〕以大金刚令胜魔!〔梵文 apratihata vajra · 藏文 ཨ་པྲ་ཏི་ཧ་ཏ་བཛྲ · 中文 阿普拉迪哈达 瓦吉拉〕以极坚金刚赐我智兵!〔梵文 amogha vajra · 藏文 ཨ་མོ་གྷ་བཛྲ · 中文 阿莫嘎 瓦吉拉〕以不空金刚摧破其余一切!〔梵文 ehy ahi vajra · 藏文 ཨེ་ཧྱ་ཧི་བཛྲ · 中文 诶赫伊 阿希 瓦吉拉〕以谛实金刚引我出轮回!〔梵文 śīghaṃ vajrāya svāhā · 藏文 ཤཱི་གྷཾ་བཛྲཱ་ཡ་སྭཱཧཱ · 中文 希嘎姆 瓦吉拉雅 斯瓦哈〕以勇行金刚速成我业!〔梵文 dhara dhara · 藏文 དྷ་ར་དྷ་ར · 中文 达拉 达拉〕 双句示四门守护,即摄持一切菩提心自性,作陀罗尼;〔梵文 dhiri dhiri · 藏文 དྷི་རི་དྷི་རི · 中文 迪里 迪里〕 双句,令具法界自性之法性;〔梵文 dhuru dhuru · 藏文 དྷུ་རུ་དྷུ་རུ · 中文 杜鲁 杜鲁〕 双句,以悲心执持一切身而擎起;〔梵文 sarva vajra kulaṃ āvartaya svāhā · 藏文 སརྦ་བཛྲ་ཀུ་ལཾ་ཨཱ་བརྟ་ཡ་སྭཱཧཱ · 中文 萨尔瓦 瓦吉拉 库拉姆 阿瓦尔达雅 斯瓦哈〕一切金刚部句,请持金刚轮加持我;〔梵文 amukaṃ māya phaṭ · 藏文 ཨ་མུ་ཀཾ་མཱ་ཡ་ཕཊ · 中文 阿穆卡姆 玛雅 帕特〕 一句,请使我免非时之怖,摧诸魔。以上释十忿怒尊的守护。
ད་ནི་ཁྲོ་བོའི་དབང་གི་དོན་སྟོན་ཏེ། ན་མཿས་མནྟ་བཛྲཱ་ཎཱཾ་ཞེས་པ་ནི་ཀུན་དུ་བཟང་པོའི་ཡེ་ཤེས་རྡོ་རྗེས་རང་བཞིན་གྱིས་དབང་བསྐུར་ཅིག་ཅེས་པའོ། །སརྦ་བ་ལཾ་ཨཱ་བརྟ་ཡ་ཞེས་པ་ནི་སྟོབས་པོ་ཆེས་དབང་བསྐུར་ཅིག་ཅེས་པའོ། །མ་ཧཱ་བ་ལེ་ཞེས་པ་ནི་སྟོབས་པོ་ཆེས་མགྱོགས་པ་རླུང་དང་འདྲ་བར་དབང་བསྐུར་ཅིག་ཅེས་པའོ། །ཀ་ཏ་བེ་ཏ་ཏ་ལེ་ཞེས་པ་ནི་ཡེ་ཤེས་ཀྱི་མཆེ་བས་ཉོན་མོངས་པའི་བདུད་ཐུལ་ཅིག་ཅེས་པའོ། །ཨ་ཙ་ལེ་ཞེས་པ་ནི་ཁམས་གསུམ་རྣམ་རྒྱལ་གྱི་སྤྲུལ་པས་དབང་བསྐུར་ལ་སྐྱོབས་ཤིག་ཅེས་པའོ། །མཎྜ་ལ་མ་ཡེ་ཞེས་པ་ནི་དཀྱིལ་འཁོར་གྱི་ཕྱིའི་སྲུང་མ་རྣམས་ཀྱིས་སྤྲུལ་པའི་ངོ་བོ་ཉིད་ཀྱི་ཆེ་བ་སྣ་ཚོགས་སུ་སྣང་བའོ། །ཨ་ཏི་བཛྲ་ཞེས་པ་ནི་རྡོ་རྗེ་བཟང་པོས་ཐམས་ཅད་ལ་སྐྱོབས་ཤིག་པའོ། །མ་ཧཱ་བ་ལེ་བེ་ག་ར་ཎ་ར་ཎ་ཞེས་པ་ནི་སྟོབས་པོ་ཆེས་མགྱོགས་པ་རླུང་དང་འདྲ་བས་གནོད་པ་ཐམས་ཅད་ཞི་བར་མཛོད་ཅིག་པའོ། །ཨ་ཛི་ཏེ་ཛྭ་ལ་ཛྭ་ལ་ཞེས་པ་ནི་ཡང་དག་པའི་ཤེས་རབ་ཀྱིས་བདུད་དང་ལོག་འདྲེན་རྣམས་སྲེགས་ཤིག་ཅེས་པའོ། །ཏི་ཊི་ཏི་ཊི་པིང་ག་ལེ་ཞེས་པ་ནི་སོ་སོར་འབར་བས་སྡུག་བསྔལ་ཐམས་ཅད་ལས་སྐྱོབས་ཤིག་པའོ། །ད་ཧ་ད་ཧ་ཞེས་པ་ནི་བདག་གི་ཉོན་མོངས་པ་རྣམས་སྲེགས་ཤིག་པའོ། །ཏེ་ཛོ་བ་ཏི་ཞེས་པ་ནི་ཡང་དག་པའི་ཡེ་ཤེས་ཀྱིས་གཏི་མུག་པ་རྣམས་སོལ་ཅིག་པའོ། །ཏི་ལི་ཏི་ལི་ཞེས་པ་ནི་བདག་གི་སྡུག་བསྔལ་ཐམས་ཅད་མེད་པར་གྱིས་ཤིག་པའོ། བྷནྡྷ་བྷནྡྷ་ཞེས་པ་ནི་བགེགས་དང་འབྱུང་པོ་ཐམས་ཅད་ཆིངས་ཤིག་པའོ། །མ་ཧཱ་བ་ལེ་ཞེས་པ་ནི་སྟོབས་པོ་ཆེས་ལས་མཛོད་ཅིག་པའོ། །བཛྲ་ཨཾ་ཀུ་ཤ་ཛྭཱ་ལཱ་ཡ་སྭཱ་ཧཱ་ཞེས་པ་ནི་རྡོ་རྗེ་འཁོར་ལོ་མེ་དང་འདྲ་བས་མཚན་མ་ཐམས་ཅད་ཞི་བར་མཛོད་ཅིག་པའོ། །དེ་ཡན་ཆད་ཁྲོ་བོ་བཅུའི་རང་གི་ལས་བཤད་པའོ། །
今说忿怒尊灌顶。各句顺次释为:〔梵文 namaḥ samanta vajrāṇāṃ · 藏文 ན་མཿས་མནྟ་བཛྲཱ་ཎཱཾ · 中文 纳玛赫 萨玛恩达 瓦吉拉纳姆〕以普贤智慧金刚自性灌顶!〔梵文 sarva balaṃ āvartaya · 藏文 སརྦ་བ་ལཾ་ཨཱ་བརྟ་ཡ · 中文 萨尔瓦 巴拉姆 阿瓦尔达雅〕大力尊灌顶!〔梵文 mahābale · 藏文 མ་ཧཱ་བ་ལེ · 中文 玛哈巴勒〕大力尊如风迅速地灌顶!〔梵文 kata veta tale · 藏文 ཀ་ཏ་བེ་ཏ་ཏ་ལེ · 中文 卡达 韦达 达勒〕以智慧獠牙调伏烦恼魔!〔梵文 acale · 藏文 ཨ་ཙ་ལེ · 中文 阿加勒〕以降三界的化现灌顶、守护!〔梵文 maṇḍalamaye · 藏文 མཎྜ་ལ་མ་ཡེ · 中文 玛恩达拉玛耶〕曼荼罗外护种种显现化身的广大性!〔梵文 ati vajra · 藏文 ཨ་ཏི་བཛྲ · 中文 阿迪 瓦吉拉〕以善金刚守护一切!〔梵文 mahābale vega raṇa raṇa · 藏文 མ་ཧཱ་བ་ལེ་བེ་ག་ར་ཎ་ར་ཎ · 中文 玛哈巴勒 韦嘎 拉纳 拉纳〕大力尊快如风,息一切害!〔梵文 ajite jvala jvala · 藏文 ཨ་ཛི་ཏེ་ཛྭ་ལ་ཛྭ་ལ · 中文 阿吉德 吉瓦拉 吉瓦拉〕以真实般若焚魔与邪引者!〔梵文 tiṭi tiṭi piṅgale · 藏文 ཏི་ཊི་ཏི་ཊི་པིང་ག་ལེ · 中文 迪迪 迪迪 比恩嘎勒〕以各别炽燃之光从一切苦中救护!〔梵文 daha daha · 藏文 ད་ཧ་ད་ཧ · 中文 达哈 达哈〕焚烧我的烦恼!〔梵文 tejovati · 藏文 ཏེ་ཛོ་བ་ཏི · 中文 德卓瓦迪〕以真实智除愚痴!〔梵文 tili tili · 藏文 ཏི་ལི་ཏི་ལི · 中文 迪利 迪利〕令我一切苦不复有!〔梵文 bhandha bhandha · 藏文 བྷནྡྷ་བྷནྡྷ · 中文 巴恩达 巴恩达〕系缚一切障与部多!〔梵文 mahābale · 藏文 མ་ཧཱ་བ་ལེ · 中文 玛哈巴勒〕大力尊作事业!〔梵文 vajra aṅkuśa jvālāya svāhā · 藏文 བཛྲ་ཨཾ་ཀུ་ཤ་ཛྭཱ་ལཱ་ཡ་སྭཱ་ཧཱ · 中文 瓦吉拉 阿恩库夏 吉瓦拉雅 斯瓦哈〕以火般金刚轮息一切相!以上释十忿怒尊各自事业。
ད་ནི་ཡེ་ཤེས་ཀྱི་ཁྲོ་བོ་ལག་ན་རྡོ་རྗེའི་རང་བཞིན་སྟོན་ཏེ། ན་མོ་རཏྣ་ཏྲ་ཡཱ་ཡ་ཞེས་པ་ནི་དཀོན་མཆོག་གསུམ་ལ་ཕྱག་འཚལ་ལོ་ཞེས་པའོ། །ན་མཿཙནྜ་བཛྲ་པཱ་ཎ་ཡེ་ཞེས་པ་ཁམས་གསུམ་གྱི་གནོད་སྦྱིན་རྣམས་གདུལ་བའི་ཕྱིར་ལག་ན་རྡོ་རྗེ་ཁྲོ་བོའི་ཚུལ་དུ་བཞུགས་པའོ། །མ་ཧཱ་ཡཀྵ་སེ་ནཱ་པ་ཏ་ཡེ་ཞེས་པ་ནི་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཡེ་ཤེས་ཀྱི་ངོ་བོར་བཞུགས་པའོ། །ཏདྱ་ཐཱ་ནི་འདི་ལྟ་སྟེ་ཞེས་པའོ། །ཨོཾ་ཧ་ར་ཧ་ར་བཛྲ་ཞེས་པ་ནི་ཡེ་ཤེས་ཀྱི་ལག་ན་རྡོ་རྗེ་དབུས་སུ་བཞུགས་ཏེ། མ་ཐ་མ་ཐ་བཛྲ་ཞེས་པ་ནི་ཧཱུཾ་ཀ་ར་གཤིན་རྗེ་གཤེད་དུ་བསྟན་པའོ། །དྷུ་ན་དྷུ་ན་བཛྲ་ཞེས་པ་ནི་མཚན་མ་ཐམས་ཅད་འཇོམས་པས་ན། ཁམས་གསུམ་རྣམ་པར་རྒྱལ་བའི་སྙིང་པོའོ། །ད་ཧ་ད་ཧ་བཛྲ་ཞེས་པ་ནི་རྟ་མགྲིན་གྱི་སྙིང་པོའོ། །པ་ཙ་པ་ཙ་བཛྲ་ཞེས་པ་ནི་བདུད་རྩི་འཁྱིལ་པའི་སྙིང་པོའོ། །དྷ་ར་དྷ་ར་བཛྲ་ཞེས་པ་ནི་སྟོབས་པོ་ཆེའི་སྙིང་པོའོ། །དཱ་ར་ཡ་དཱ་ར་ཡ་བཛྲ་ཞེས་པ་ནི་གཞན་གྱིས་མི་ཐུབ་པའི་སྙིང་པོའོ། །དཱ་རུ་ཎ་དཱ་རུ་ཎ་བཛྲ་ཞེས་པ་ནི་མི་གཡོ་མགོན་པོའི་སྙིང་པོའོ། །ཙྪིནྡ་ཙྪིནྡ་བཛྲ་ཞེས་པ་ནི་དབྱུག་པ་སྔོན་པོའི་སྙིང་པོའོ། །བྷིནྡ་བྷིནྡ་བཛྲ་ཧཱུཾ་ཕཊ་སྭཱ་ཧཱ། ཞེས་པ་ནི་པདྨ་འཁྱིལ་པའི་སྙིང་པོའོ། །དེ་ཡན་ཆད་ཁྲོ་བོའི་རང་བཞིན་བཤད་དོ།། །།
今示智慧忿怒尊金刚手的自性。〔梵文 namo ratnatrayāya · 藏文 ན་མོ་རཏྣ་ཏྲ་ཡཱ་ཡ · 中文 纳莫 拉特纳特拉雅雅〕首句礼三宝。〔梵文 namaḥ caṇḍa vajrapāṇaye · 藏文 ན་མཿཙནྜ་བཛྲ་པཱ་ཎ་ཡེ · 中文 纳玛赫 加恩达 瓦吉拉巴纳耶〕次礼忿怒金刚手,为调三界夜叉而住忿怒相。〔梵文 mahāyakṣasenāpataye · 藏文 མ་ཧཱ་ཡཀྵ་སེ་ནཱ་པ་ཏ་ཡེ · 中文 玛哈雅克沙塞纳巴达耶〕大夜叉军主句,即夜叉大军主金刚手安住智慧体性。随后说〔梵文 tadyathā · 藏文 ཏདྱ་ཐཱ · 中文 达德雅塔〕,意为「如是」。。上列各咒顺次对应:〔梵文 oṃ hara hara vajra · 藏文 ཨོཾ་ཧ་ར་ཧ་ར་བཛྲ · 中文 嗡 哈拉 哈拉 瓦吉拉〕智慧金刚手住中央;〔梵文 matha matha vajra · 藏文 མ་ཐ་མ་ཐ་བཛྲ · 中文 玛塔 玛塔 瓦吉拉〕吽迦罗示为阎魔敌;〔梵文 dhuna dhuna vajra · 藏文 དྷུ་ན་དྷུ་ན་བཛྲ · 中文 杜纳 杜纳 瓦吉拉〕摧诸相,故为降三界心咒;〔梵文 daha daha vajra · 藏文 ད་ཧ་ད་ཧ་བཛྲ · 中文 达哈 达哈 瓦吉拉〕马头心咒;〔梵文 paca paca vajra · 藏文 པ་ཙ་པ་ཙ་བཛྲ · 中文 巴加 巴加 瓦吉拉〕甘露军荼利心咒;〔梵文 dhara dhara vajra · 藏文 དྷ་ར་དྷ་ར་བཛྲ · 中文 达拉 达拉 瓦吉拉〕大力心咒;〔梵文 dāraya dāraya vajra · 藏文 དཱ་ར་ཡ་དཱ་ར་ཡ་བཛྲ · 中文 达拉雅 达拉雅 瓦吉拉〕他不能胜心咒;〔梵文 dāruṇa dāruṇa vajra · 藏文 དཱ་རུ་ཎ་དཱ་རུ་ཎ་བཛྲ · 中文 达鲁纳 达鲁纳 瓦吉拉〕不动怙主心咒;〔梵文 cchinda cchinda vajra · 藏文 ཙྪིནྡ་ཙྪིནྡ་བཛྲ · 中文 加奇恩达 加奇恩达 瓦吉拉〕青杖心咒;〔梵文 bhinda bhinda vajra hūṃ phaṭ svāhā · 藏文 བྷིནྡ་བྷིནྡ་བཛྲ་ཧཱུཾ་ཕཊ་སྭཱ་ཧཱ · 中文 比恩达 比恩达 瓦吉拉 吽 帕特 斯瓦哈〕莲花旋心咒。以上释忿怒尊自性。
ན་མ་ཤྩཎྜ་བཛྲ་ཀྲོ་དྷ་ཡ་ཧཱུཾ་ཞེས་པ་ནི་ཕྱག་འཚལ་བའི་དོན་ཏོ། །ད་ནི་སྒོ་བ་བཞིའི་དོན་སྟོན་ཏེ། ཧུ་ལུ་ཧུ་ལུ་ཞེས་པ་ནི་ཤར་གྱི་སྒོ་བས་བགེགས་དང་འབྱུང་པོ་ཐམས་ཅད་ཚུར་དྲོངས་ཤིག་པའོ། །ཏིཥྛ་ཏིཥྛ་ཞེས་པ་ནི་ལྷོའི་སྒོ་བས་ཆིངས་ཤིག་ཆིངས་ཤིག་པའོ། །བནྡྷ་བནྡྷ་ཞེས་པ་ནི་ནུབ་ཀྱི་སྒོ་བས་བགེགས་དང་ལོག་འདྲེན་རྣམས་ཆོམས་ཤིག་ཆོམས་ཤིག་པའོ། །ཧ་ན་ཧ་ན་ཞེས་པ་ནི་བྱང་གི་སྒོ་བས་རྟོགས་ཤིག་རྟོགས་ཤིག་པའོ། །ཨ་མྲྀ་ཏེ་ཧཱུཾ་ཕཊ་ཅེས་པ་ནི་བདུད་རྩི་འཁྱིལ་པའི་སྔགས་ཏེ། གང་གི་སྔགས་ཐམས་ཅད་ཀྱི་ལྷག་ཆད་སྐོང་བའོ། །དེར་ཁྲོ་བོ་རྣམས་ཀྱི་དོན་བཤད་ནས། །ད་ནི་ཡོན་ཏན་གྱི་རྣམ་གྲངས་ཀྱི་སྒོ་ནས་བྱེ་བྲག་འཆད་དེ། སྡིག་པ་ཐམས་ཅད་བྱང་བྱས་ནས། །སྡུག་བསྔལ་ཐམས་ཅད་མེད་པར་བྱེད། །ཅེས་པ་ནི་རྒྱུད་འདིའི་དོན་ལ་ཞུགས་ཏེ་དཀྱིལ་འཁོར་གྱི་ཆོ་ག་གཞུང་བཞིན་དུ་བྱ་སྟེ། དཀྱིལ་འཁོར་དུ་གཞུག་པ་ལ་སོགས་པ་བྱས་ན་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པའི་སྡིག་པ་ལ་སོགས་པ་བྱང་བར་འགྱུར་རོ། །སྡུག་བསྔལ་ཐམས་ཅད་མེད་པར་བྱེད། །ཅེས་པ་ནི་རྒྱུད་འདི་ཉམས་སུ་བླངས་ཤིང་བསྒྲུབས་ན། ཉོན་མོངས་པའི་སྡུག་བསྔལ་གསུམ་དང་བརྒྱད་ལ་སོགས་པའི་སྡུག་བསྔལ་ཐམས་ཅད་ཞི་བར་བྱེད་པའོ། །
〔梵文 namaś caṇḍa vajrakrodhaya hūṃ · 藏文 ན་མ་ཤྩཎྜ་བཛྲ་ཀྲོ་དྷ་ཡ་ཧཱུཾ · 中文 纳玛希 加恩达 瓦吉拉克罗达雅 吽〕礼忿怒金刚句是顶礼。今示四守门尊:〔梵文 hulu hulu · 藏文 ཧུ་ལུ་ཧུ་ལུ · 中文 胡卢 胡卢〕,东门尊请将障与部多尽引来;〔梵文 tiṣṭha tiṣṭha · 藏文 ཏིཥྛ་ཏིཥྛ · 中文 迪什塔 迪什塔〕,南门尊系缚、系缚;〔梵文 bandha bandha · 藏文 བནྡྷ་བནྡྷ · 中文 巴恩达 巴恩达〕,西门尊摧破、摧破诸障与邪引;〔梵文 hana hana · 藏文 ཧ་ན་ཧ་ན · 中文 哈那 哈那〕,北门尊证知、证知;〔梵文 amṛte hūṃ phaṭ · 藏文 ཨ་མྲྀ་ཏེ་ཧཱུཾ་ཕཊ · 中文 阿姆里德 吽 帕特〕,是甘露军荼利咒,补足一切咒的过多、短缺。释忿怒尊义已,今从功德种类分别广说。「净除一切罪,使一切苦无」,谓入此续义,依正文圆成曼荼罗仪,作入坛等,烦恼障、业障、法障等罪得净。「使一切苦无」,是修习成就此续,息烦恼三苦、八苦等一切苦。
རྒྱུད་དོ་ཅོག་གི་རྩ་བ་སྟེ། །ཞེས་པ་ནི་བདེ་བར་གཤེགས་པའི་ཞལ་ནས་གསུངས་པའི་རྒྱུད་ཐམས་ཅད་ཀྱི་རྩ་བ་ཡིན་པའི་ཕྱིར་རོ། །དཔལ་ཀུན་གྱིས་ནི་ལེགས་པར་བརྒྱན། །ཞེས་པ་ནི་དཔལ་ནི་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་དང་ལྡན་པས་ནའོ། །ཀུན་ནི་དུས་གསུམ་གྱི་སངས་རྒྱས་ཐམས་ཅད་ཀྱང་དེའི་དོན་རྟོགས་པ་ལས་འབྱུང་བའོ། །དེའི་དོན་ཉམས་སུ་བླངས་ཤིང་ཕུལ་དུ་ཕྱིན་ན་ལེགས་པར་བརྒྱན་ཞེས་པའོ། །སེམས་ཅན་དབང་པོ་ཉམས་པ་དང་། །ཞེས་པ་ནི་ཁམས་གསུམ་གྱི་སེམས་ཅན་ཐམས་ཅད་ལ་མི་ནད་དང་ཕྱུགས་ནད་དང་ཚེ་དང་། མདངས་འཕྲོག་པ་ལ་སོགས་པའི་གནོད་པའི་བྱེད་པ་རྣམས་འདིའི་དོན་ཉམས་སུ་བླངས་ན་བཟློག་པར་འགྱུར་རོ། །ཚེ་ཟད་པ་དང་ཚེ་ཉམས་དང་། །ཞེས་པ་ནི་ཚེ་ཟད་པ་གསོ་བའི་ཐབས་སྟོན་ཏེ་དཀྱིལ་འཁོར་གྱི་ལྷ་རྣམས་ལ་ཕྲིན་ལས་བཞི་གཞུང་བཞིན་བྱས་ཏེ་མཆོད་ན་ཚེ་ཉམས་པ་སོས་པར་འགྱུར་རོ། །ཕུན་སུམ་ཚོགས་མིན་གང་ཆགས་དང་། །ཞེས་པ་ནི་མདོག་ཉམས་པ་གསོ་བའི་ཐབས་སྟོན་ཏེ། ཁམས་གསུམ་གྱི་སེམས་ཅན་བཀྲེས་པ་དང་གྲང་བ་ལ་སོགས་པའི་སྡུག་བསྔལ་གྱིས་བྱང་ཆུབ་ལ་མི་ཆགས་ཏེ། སྡུག་བསྔལ་ལ་ཆགས་པས་དེ་སྦྱང་བའི་ཐབས་ནི་དཀྱིལ་འཁོར་གྱི་ལྷ་རྣམས་སྤྱན་དྲངས་ལ་རྒྱས་པའི་ལས་བྱས་ན་བདེ་བ་ཕུན་སུམ་ཚོགས་པ་དང་ལྡན་ནོ། །
「为诸续之根本」,因为是善逝亲口所说一切续的根本。「一切吉祥善庄严」:「吉祥」是具足世出世间一切功德;「一切」是三世诸佛皆从悟此义而出;受持其义,达于究竟,故称善庄严。「众生诸根衰损」,三界一切有情若有人病、畜病,或为夺寿、夺光泽等所害,修此义则得回遮。「寿尽及寿损」说补寿之法,向坛中诸尊依法行四业作供,寿损可复。「凡耽著不圆满者」示挽回失色之法:三界众生为饥寒等苦所困,不乐菩提,反耽著痛苦;净之之法,是迎请坛尊,作增业,便具圆满安乐。
ལྷ་རྣམས་རྒྱབ་ཀྱིས་ཕྱོགས་པ་དང་། །ཞེས་པ་ནི། འཇིག་རྟེན་ལས་འདས་པའི་ལྷ་མི་དགའ་བ་སྟོན་ཏེ། བདེ་བར་གཤེགས་པའི་སྤྱན་སྔར་དབང་དང་དམ་ཚིག་ནོས་ནས་འཇིག་རྟེན་པའི་ལས་དང་མཐུན་པའི་སྤྱོད་པ་བྱས་པས་ལྷ་རྣམས་མི་དགྱེས་ཏེ། དེ་ཞི་བར་བྱ་བའི་ཐབས་ནི་རང་ཡི་དམ་ལྷར་ཞུགས་ནས་དཀྱིལ་འཁོར་དང་། མཆོད་རྫས་ལ་སོགས་པ་ཐམས་ཅད་མང་པོར་བསྒྱུར་ཏེ། དབང་གི་ལས་བྱས་ན་འགྲུབ་པོ། །མཛའ་སྡུག་སྐྱེ་བོ་སྡང་བ་དང་། །ཞེས་པ་ནི་ལྷ་འཕངས་པའི་སྔ་ལྟས་ཏེ་རང་གི་མཛའ་བ་དང་འཁོར་ལ་སོགས་པ་ཞེ་སྡང་དང་ངན་སེམས་ལ་སོགས་པ་བྱེད་དེ་དེ་ཞི་བར་བྱ་བའི་ཕྱིར་དྲག་པོའི་ལས་བྱས་ནས་འགྲུབ་བོ། །བྲམ་ཟེ་ལ་སོགས་གཙེས་པ་དང་། །ཞེས་པ་ནི་རྒྱལ་པོ་ལོག་པའི་སྟོབས་ཅན་གྱིས་བྲམ་ཟེ་ལ་གསེག་ཤང་བརྒྱབ་པའི་རྣམ་སྨིན་ལ་བྱ་སྟེ། རང་གིས་བསྒྲུབས་ན་འགྲུབ་པར་འགྱུར་རོ། །ཕན་ཚུན་མཐུན་པ་མ་ཡིན་དང་། །ཞེས་པ་ནི་མི་མཐུན་པ་སྟོན་ཏེ། །གདོན་འབྱུང་པོས་བྱིན་གྱིས་བརླབས་པས་སེམས་ཅན་ཐམས་ཅད་དགྲ་བྱེད་དེ། ཁྲུས་ཆོག་བྱས་ན་གང་ཡང་འགྲུབ་པོ། །
「诸天背向」,指出世间天不悦。在善逝前受灌顶及誓戒后,反随世间业而行,诸天不悦。欲平息,入自本尊,令坛与供物等皆增多,作摄业而成。「亲爱之人怀恨」,是天神舍弃的预兆,自己的亲人、眷属等生嗔恶心,为息之,作猛业而成。「婆罗门等受害」,指邪力王对婆罗门作 gseg shang 之举的异熟;自己修则成。「彼此不和」示不和谐:为附魅、部多所动,众生尽作仇敌;作浴仪能成办其事。
ནོར་འགྲིབ་པས་ནི་གནོད་པ་དང་། །ཞེས་པ་ནི་ནོར་ཡོད་པ་དེ་ཉམས་ཏེ་ཕོངས་པར་གྱུར་ན་རྒྱས་པའི་ལས་བྱས་ན་ནོར་དང་ལྡན་པར་འགྱུར་རོ། །མྱ་ངན་ངལ་དང་གནོད་པ་དང་། །ཞེས་པ་ནི་མྱ་ངན་གྱི་གནས་སྟོན་ཏེ། ཁམས་གསུམ་གྱི་སེམས་ཅན་ཐམས་ཅད་ཉོན་མོངས་པའི་མྱ་ངན་གྱིས་གཟིར་བ་ལ་ཞི་པའི་ལས་བྱས་ན་འགྲུབ་པར་འགྱུར་རོ། །འཇིགས་པ་དང་ནི་ཕོངས་པ་དང་། ཞེས་པ་ནི་འཇིགས་ཤིང་ཕོངས་པ་སྟོན་ཏེ། སེམས་ཅན་རྒྱལ་པོའི་ཆད་པས་འཇིགས་པ་དང་། གནམ་ལྕགས་ཀྱི་འཇིགས་པ་དང་། གཅན་གཟན་གྱི་འཇིགས་པ་དང་། མེ་དང་ཆུས་འཇིགས་པ་དང་། སྐར་མདའ་ལྟུང་བས་འཇིགས་པ་དང་། མགོན་སྐྱོབ་མེད་དེ་ཕོངས་པ་ལ་སོགས་པ་ལ་ཕྲིན་ལས་བཞིའི་ལས་བྱས་ན་འགྲུབ་པའོ། །གཟའ་དང་རྒྱུ་སྐར་བྱད་སྟེམས་དང་། །ཞེས་པ་ནི་བྱད་སྟེམས་སྟོན་ཏེ། འཇིག་རྟེན་གྱི་གཟའ་ཆེན་པོ་བརྒྱད་དང་། རྒྱུ་སྐར་ཉི་ཤུ་རྩ་བརྒྱད་ཀྱི་བྱད་སྟེམས་ལ་གཟའ་དང་། རྒྱུ་སྐར་གྱི་ཆོ་ག་བྱས་ན་ཞི་བར་འགྱུར་རོ། །མི་བཟད་གདོན་གྱིས་ཉེན་པ་དང་། ཞེས་པ་ནི་གདོན་སྟོང་ཕྲག་བརྒྱད་ཅུས་ཉེན་པ་ལ་ཕྲིན་ལས་བཞིའི་ལས་བྱས་ན་འགྲུབ་པར་འགྱུར་རོ། །མྱ་ངན་ངལ་ལས་བྱུང་བ་ཡི། །རྨི་ལམ་སྡིག་པ་མཐོང་ན་ཡང་། །ཞེས་པ་ནི་ཉོན་མོངས་པའི་སེམས་ཅན་ཕྱིན་ཅི་ལོག་གི་ལྟ་བ་ངན་པའི་མྱ་ངན་གྱིས་གདུངས་པ་འམ། ལུས་སེམས་ན་ཞིང་ཐང་ཆད་པས་འཐིབས་པ་གཉིད་ལོག་པའི་རྨི་ལམ་ན་སྡིག་པའི་བག་ཆགས་རྨིས་ན་ཕྲིན་ལས་བཞིའི་ལས་བྱས་ན་འགྲུབ་པའོ། །
「因财减而受害」,原有财物损减而匮乏,作增业可具财。「忧愁、疲劳与害」,是示忧处,三界众生为烦恼忧苦逼迫,行息业得成。「恐惧与匮乏」,指惧王罚、天铁、猛兽、火水、流星坠落,无怙无救而困穷等,作四事业应验。「曜宿、厌祷」,指世间八大曜、二十八宿的厌祷,作曜宿仪则平息。「受难忍附魅逼迫」,即受八万附魅所扰,行四业得成。「由忧愁疲困而生,即便梦见凶梦」,指有烦恼者为颠倒恶见的忧苦煎迫,或身心生病疲乏、昏沉入睡而梦见恶习气,行四业得成。
དེས་ནི་རབ་བཀྲུས་གཙང་མ་ཡིན། །ཞེས་པ་ནི་ཆོ་གའི་ཐབས་སྟོན་ཏེ། དཀྱིལ་འཁོར་གྱི་ཆོ་ག་རྫོགས་པར་བྱས་ལ། སློབ་དཔོན་གྱིས་བདུད་རྩིའི་བུམ་པས་སློབ་མའི་སྤྱི་བོར་དབང་བསྐུར་ཞིང་ཁྲུས་བྱས་ན་མི་གཙང་བ་ལ་སོགས་པ་ཐམས་ཅད་འདག་གོ། །གཙང་མ་ནི་ཉོན་མོངས་པ་མེད་པའོ། །མདོ་སྡེ་དམ་པ་མཉན་པར་བྱ། །ཞེས་པ་ནི་སློབ་མ་ནི་བྱང་ཆུབ་ཏུ་སེམས་བསྐྱེད་ལ། མདོ་སྡེའི་དོན་ཉན་དུ་བཅུག་ལ་ལྷ་དབོག་བསྒོམ་དུ་གཞུག་པ་བྱའོ། །གང་དག་ཡིད་དགེ་སེམས་དང་ཞིང་། །གཙང་མའི་གོས་ཀྱིས་རབ་བརྒྱན་ཏེ། །ཞེས་པ་ནི། སློབ་དཔོན་གྱིས་སློབ་མ་དེ་ལ་རས་སམ་དར་དཀར་ལ་སོགས་པའི་གོས་གཙང་མ་བསྐོན་ལ་དྲི་ཞིམ་པོའི་མེ་ཏོག་ལ་སོགས་པའི་རྒྱན་མང་པོས་བརྒྱན་ལ་གཞག་གོ། །ཟབ་མོ་སངས་རྒྱས་སྤྱོད་ཡུལ་བ། །མདོ་སྡེ་འདི་ནི་ཉན་བྱེད་ན། །ཞེས་པ་ནི་ཐེག་པ་ཆེན་པོའི་ཆོས་མཉན་པའི་ཡོན་ཏན་སྟོན་ཏེ། སྐུལ་མ་གདབ་པོ། །མདོ་སྡེའི་རྒྱལ་པོ་འདི་ཀློག་པ་དང་འཛིན་པ་དང་གཞན་ལ་སྟོན་ཅིང་ཉམས་སུ་ལོངས་ཤིག་པ་བསྟན་ཏོ། །
「彼善沐浴而清净」,是示仪式方便。完成坛仪,师以甘露瓶从弟子顶灌顶沐浴,一切不净皆清净。「净」即无烦恼。「应听殊胜经」,令弟子发菩提心,听经义,授本尊而令观修。「凡意善而心清净,以净衣善庄严」,即师使弟子穿白棉布或白绸等净衣,以芳香花等诸饰严身而安置。「甚深,佛之所行境;若听闻此经」,显示听大乘法的功德而劝励:当读诵、执持此经王,为他宣说,亲自受用修习。
མདོ་སྡེ་འདི་ཡི་གཟི་བརྗིད་ཀྱིས། །སྲོག་ཆགས་དག་ནི་ཐམས་ཅད་ཀྱི། །ཞེས་པ་ནི་མདོ་སྡེ་འདི་ཉན་ཅིང་ཉམས་སུ་ལེན་པའི་གཟི་བྱིན་གྱིས་ཉོན་མོངས་པའི་རྣམ་པ་དང་། སྡུག་བསྔལ་གྱི་བྱེ་བྲག་ཐམས་ཅད་ཞི་བར་བྱེད་པའོ། །མི་བཟད་པ་ཡི་ནད་རྣམས་ཀྱང་། །དེ་དག་ཐམས་ཅད་ཞི་བར་བལྟ། །ཞེས་པ་ནི། ཁམས་གསུམ་གྱི་སེམས་ཅན་ཐམས་ཅད་ཀྱི་ཉོན་མོངས་པའི་བག་ཆགས་མི་བཟད་པ་རྣམས་དང་། ནད་ཀྱི་རང་བཞིན་རྣམས་ཞི་བར་བྱ་བའི་ཕྱིར་རོ། །དེ་ལྟར་ནད་ཞི་ནས། དེའི་འོག་ཏུ་བདེ་བ་ཐོབ་པའི་རྟགས་སྟོན་ཏེ། ཚེ་དང་བསོད་ནམས་འཕེལ་བར་འགྱུར། །སྡིག་པ་ཀུན་ལས་རྣམ་པར་གྲོལ། །ཞེས་པ་ནི། སེམས་ཅན་ཐམས་ཅད་ཀྱི་ཚེ་ཟད་པའམ་འཆི་བ་ལ་སོགས་པ་བཟློག་པ་སྟེ། མདོ་སྡེ་འདི་མཉན་པའམ་བསམ་པའམ་བསྒོམས་པས་ཚེ་དང་བསོད་ནམས་ཚད་མེད་པ་འཕེལ་བར་འགྱུར་རོ། །དེ་ཡན་ཆད་ཀྱིས་ཆོ་གའི་ཐབས་དང་ཕན་ཡོན་བཤད་དོ། །
「以此经的威光,一切有情……」,是藉听闻修习的威光,平息各类烦恼及一切苦。「难忍诸病亦将见悉平息」,是令三界有情一切难忍的烦恼习气与病的自性平息。病息后,又示得乐之相。「寿与福德将增长,尽从一切罪解脱」,回遮众生的寿尽、死亡等;以听闻、思维、修习此经,寿与福德无量增长。以上释仪则方便与利益。
ད་ནི་བུམ་པའི་ཆོ་ག་དང་ཆ་རྐྱེན་སྟོན་ཏེ། ནོར་བུ་ཡུངས་ཀར་དཱུར་བ་དང་། །ཞེས་པ་ནི་ནོར་བུ་ནི་མུ་ཏིག་དང་གཟི་མཆོང་དང་བྱི་རུའོ། །ཡུངས་ཀར་ནི་འབྲུ་སྣ་ལྔའི་གཙོ་བོ་སྟེ། ནས་དང་། སོ་བ་དང་། ཏིལ་དང་། མོན་སྲན་ནོ། །དཱུར་བ་ནི་ཁ་རྒྱན་ནོ། །དེའི་ཁོངས་སུ་བྱ་ཀྲི་སེང་ཀྲི་ཙནྡན་ལ་སོགས་པ་སྟེ་ཤིང་ཡལ་ག་ཅན་ནོ། །རིན་ཆེན་རྨ་མེད་ཙནྡན་བཅས། །ཞེས་པ་ནི་རིན་པོ་ཆེ་ལྔ་དང་། སྙིང་པོ་ལྔ་སྟོན་ཏེ། རིན་ཆེན་ལྔ་ནི་གསེར་དང་། ཤེལ་དང་། ཨིནྡྲ་ནཱི་ལ་དང་བྱི་རུའོ། །རྨ་མེད་པ་ནི་དེ་རྣམས་སྐྱོན་མེད་པ་ལ་བྱའོ། །ཙནྡན་ནི་གླ་རྩི་དང་གུར་གུམ་དང་། སྤོས་དང་། ཨ་ག་རུ་དང་། ལྔ་ནི་དྲི་ལྔའོ། །
今说瓶仪及所需条件。「宝珠、白芥、杜尔瓦」,宝珠是珍珠、天珠、玛瑙、珊瑚;白芥为五种谷类之首,余为青稞、未熟谷、芝麻、门豆。杜尔瓦为口饰,还包括 bya kri、seng kri、旃檀等带枝的树木。「无瑕宝与旃檀」,示五宝、五精华;五宝举金、水晶、帝青、珊瑚;无瑕指无缺陷。旃檀与麝香、郁金、香、沉香合为五香。
ཤེལ་དང་རྡོ་རྗེ་མེ་ཏོག་དང་། ཞེས་པ་ནི་སྙིང་པོ་སྟེ། མེ་ཤེལ་དང་ཆུ་ཤེལ་དང་། རྩི་ཐོག་གི་སྙིང་པོ་མར་དང་། ཤིང་ཐོག་གི་སྙིང་པོ་བུ་རམ་དང་། མེ་ཏོག་གི་སྙིང་པོ་སྦྲང་རྩི་སྟེ་སྙིང་པོ་ལྔའོ། །རྡོ་རྗེ་མེ་ཏོག་ནི་བུམ་པའི་གདན་ཏེ། དབྱར་མེ་ཏོག་གི་དཀྱིལ་འཁོར་བྱ། དགུན་ཚོན་སྣ་ལྔའི་དཀྱིལ་འཁོར་བྱ། ཡང་ན་འབྲུ་ལ་བྱའོ། །ཆུ་ཡིས་གསེར་རམ་ཡང་ན་ནི། །དངུལ་གྱི་བུམ་པ་དག་ཀྱང་རུང་། །གཙང་མའི་གོས་ཀྱིས་དཀྲི་ཞིང་དགང་། །ཞེས་པ་ནི་བུམ་པའི་རྒྱུ་སྟོན་ཏེ། རྒྱལ་པོ་ལ་གསེར་གྱི་བུམ་པ། བློན་པོ་ལ་དངུལ་གྱི་བུམ་པ་དག་ཀྱང་ཞེས་པ་མང་པོ་སྟེ། དམངས་ལ་ཟངས་སམ་ས་ལས་བྱ། །གཙང་མའི་གོས་ནི་རས་ཁ་ཚར་མ་ཉམས་པ་ལ་བྱའོ། །
「水晶、金刚及花」,是说精华:火晶、水晶、草实精华酥油、树实精华蔗糖、花中精华蜂蜜,共五精华。金刚、花是瓶座,夏作花坛,冬作五色粉坛,也可用谷。「以水,金或银瓶亦可,以净衣缠绕而充满」,是示瓶材。国王用金瓶,大臣用银瓶,「亦可」包含多种,庶民作铜或土瓶。净衣是边穗完整的棉布。
ལན་གྲངས་ཉི་ཤུ་རྩ་གཅིག་གམ། །ཡང་ན་ལན་གྲངས་བརྒྱ་རྩ་བརྒྱད། །རྡོ་རྗེ་རྣམ་འཇོམས་བཟླས་ནས་ནི། །ཞེས་པ་གྲངས་སྟོན་ཏེ། རྒྱལ་པོ་དང་བློན་པོ་ལ་བརྒྱ་རྩ་བརྒྱད་དོ། །བློན་པོ་ཐ་མའམ་དམངས་ལ་ཉི་ཤུ་རྩ་གཅིག་བཟླས་སོ། །དམངས་ཐ་མ་ལ་བདུན་བཟླས་སོ། །རྒྱལ་པོ་རྟག་ཏུ་ཁྲུས་གྱིས་ཤིག །ཅེས་པ་ནི་རྒྱལ་པོ་སྟོབས་ཅན་སྙིང་པོ་ལ་བྱའོ། །རྒྱལ་པོ་སྔོན་ལ་སྨོས་པ་ཅིའི་ཕྱིར་ཞེ་ན། བསོད་ནམས་ཅན་གྱིས་སྔོན་ལ་བྱས་ན་ཐམས་ཅད་ལ་བདེ་བའི་ཕྱིར་རོ། །འབངས་ནི་རྒྱལ་པོའི་འཁོར་ཡིན་ཏེ་དོན་གྱིས་ཤེས་པར་བྱའོ།། །།རྡོ་རྗེ་རྣམ་པར་འཇོམས་པའི་དོན་རྣམ་པར་ཕྱེ་སྟེ་བཤད་པ། རྒྱ་གར་གྱི་སློབ་དཔོན་ཆེན་པོ་བཱི་མ་ལ་མི་ཏྲས་མཛད་པ་རྫོགས་སོ།། །།
「二十一遍,或一百零八遍,念摧破金刚已」,是说遍数。国王及大臣诵一百零八,低阶大臣或庶民诵二十一,最下庶民诵七。「大王,恒常沐浴」,指有力心王。为何先提国王?福德者先行,利乐一切;臣民为王的眷属,义可推知。《摧破金刚义分别释》,印度大阿阇黎无垢友造,圆满。
校读注
- 191b.6—192a.2 原词待校。
- 192b.7—193a.2 文列四名。
